Ижкар+20 °C
9 -тӥ гудырикошкон 2020 Воскресенье
16+

Нылпиослы элькун эмъюртын рентген-аппаратлы висъет дасян ужъёсты йылпумъязы Удмуртиын

  • 32
  • 0
Ижкар / Удмуртия
Нылпиослы элькун эмъюртын рентген-аппаратлы висъет дасян ужъёсты йылпумъязы Удмуртиын
Туспуктэм: Удмуртиысь тӧролэн но кивалтэтлэн пресс-службазы

Удмуртиын Нылпиослы элькун эмъюртын рентген-аппарат пуктыны висъетэз тупатъян ужъёсты йылпумъязы. Выль тӥрлыкен арлы быдэ 11 сюрсозь пиналъёс дунтэк юрттэт басьтыны быгатозы. Со сярысь улосвыл тӧролэн но кивалтэтлэн пресс-службазы ивортэ.

Нылпи эмъюртъёсы выль тӥрлык басьтон Росси азьмуртэн кичӧлтэм «Здравоохранение» йӧскалык ӵектосъя мынэ

Со сяна, «Большой ремонт» программая Нылпиослы элькун эмъюртын ньыль ёзэтъёсты тупатъязы: гастроэнтерологи, эндокринологи, вож нуныосты утялтон, МРТ висъет. Али реанимаци но интенсивной терапия ёзэтъёсты тупатъяло. Отын пуш ужъёсты быдэстозы, кислород сётон, омырез чылкыт карон но шуныт сётон сӧзнэтэз тупатозы.

Элькун эмъяськонние сяна, рентген-аппаратъёс эшшо 13 нылпи поликлиникаосы но ёзэтъёсы вуозы. Соос пӧлын Ижкарысь 2 номеро эмъяськонни.

Ваньзэ 14 аппаратъёсты ар пумозь пуктозы

Озьы ик ар пумозь нылпи поликлиникаосы синъёсты эскерон тӥрлык басьтозы. Азьвыл УЗИ-аппаратъёс, риноскопъёс но фиброскопъёс вуттӥзы ни.



Наверх
Вниз