Ижкар+17 °C
26 -тӥ куарусён 2020 Кӧснунал
18+

370 студентъёс практикае потӥзы Удмуртиысь поликлиникаосы

  • 69
  • 0
Ижкар / Удмуртия
370 студентъёс практикае потӥзы Удмуртиысь поликлиникаосы
Туспуктэм: Руслан Нуриахметов

2020-тӥ арын 7-тӥ куарусёнысен Удмуртиысь каръёсысь поликлиникаосы 370 студентъёс практика ортчыны потӥзы. Со сярысь элькун тӧролэн но кивалтэтлэн пресс-службазы ивортэ.

Со поликлиника ёзэтъёслы туж бадӟым юрттэт, кудӥз черодъёсын возьман дырез кулэстыны, нош студентъёслы эм ужъюртъёсын ужан тодон-валан басьтыны юрттоз
Георгий Щербак, Удмуртиысь тазалыкез утёнъя министр

Министрлэн кылъёсызъя, ужаны Ф. А. Пушина нимо элькун эм колледжын ньылетӥ курсын 350 дышетскисьёс потӥзы. Соос регистратураын вызовъёсты гожъяло, картаосты нуо-ваё, поликлиникае пырон дорын лыктӥсьёсты чаклало – температураен муртъёсты вызовзы гожто, возьманы луонтэм висисьёслы кытчы мыныны возьмато, юанъёслы валэктонъёс сёто, эмсузэръёслы приёмной покойын юрттӥсько.

Эшшо 20 ординаторъёс, Ижкарысь кун эм академиысь бадӟым курсъёсын дышетскисьёс, участокъёсын висисьёсты учко. Соос борды юрттэт сётон понна визьнодасьёсты пуктӥзы. Кӧняез ке ординаторъёс бригадаосын ӵош висисьёсты доразы учкыны, озьы ик коронавируслы биоматериалз басьтыны потало ини. 



Наверх
Вниз