Ижкар+17 °C
26 -тӥ куарусён 2020 Кӧснунал
18+

Удмуртиын пуэд но ОРВИ черъёслэсь утиськон сярысь юанъёсъя ӟырдыт герӟет ужаны кутскиз

  • 56
  • 0
Ижкар / Удмуртия
Удмуртиын пуэд но ОРВИ черъёслэсь утиськон сярысь юанъёсъя ӟырдыт герӟет ужаны кутскиз
Туспуктэм: Руслан Нуриахметов

7-тӥ куарусёнэ Удмуртиын пуэдэн но паласькись лек вирус инфекциен (ОРВИ) черламлэсь утиськон сярысь юанъёсъя ӟырдыт герӟет ужаны кутскиз. Со сярысь Роспотребнадзорлэн элькунъя управлениезлэн пресс-службаез ивортӥз.

Удысэтын ужасьёс элькунамы улӥсьёслы кытын прививка лэсьтыны, кызьы солы дасяськыны, яра-а сое мукет прививкаосын ог вакытэ пуктыны вералозы. Озьы ик анай-атайёслы кызьы пиналъёссэс висёнлэсь утёно, кызьы маскаосты шонер нуллоно но мукет юанъёслы валэктон сётозы.

Тужгес но пуэдлэсь арлыдо муртъёслы, пичи нылпиослы, секытэн нылкышноослы, астмаен, диабетэн, сюлэм но вирсэр висёнъёсын курадӟись, иммунитетсы ляб адямиослы утиськыны кулэ

Котькуд мылкыд карись пуэд но паласькись лек вирус инфекци сярысь юанъёсыныз Роспотребнадзорлэн элькунъя управлениезлэн ӟырдыт герӟетаз таӵе номеръёсъя жингыртыны быгатэ:

  • Ижкарын - 8 (3412) 50-42-43; 50-39-07;
  • Сарапулын - 8 (34147) 4-03-96;
  • Глазкарын - 8 (34141) 2-79-62;
  • Можгаын - 8 (34139) 3-25-75;
  • Воткаын - 8 (34145) 5-18-34;
  • Эграын - 8 (34145) 5-18-34;
  • Уваын - 8 (34130) 5-12-96.

Со сяна, Роспотребнадзорлэн консультациосъя центрезлэн дунтэк телефон герӟетэз уй-нунал ужа. Отчы 8 800-555-49-43 телефон номеръя жингыртыны луэ. 



Наверх
Вниз