Ижкар+2 °C
27 -тӥ коньывуон 2020 Пуксён
18+

Эшшо 63 адями коронавирус инфекциен черлаз Удмуртиын

  • 81
  • 0
Ижкар / Удмуртия
Эшшо 63 адями коронавирус инфекциен черлаз Удмуртиын
Туспуктэм: Руслан Нуриахметов

12-тӥ куарусёнлы Удмуртиын коронавирус инфекциен черлан 63 выль учыръёсты пусйизы. Со сярысь элькун тӧролэн но кивалтэтлэн «ВКонтакте» мерлыко вотэсысь огиназы ивортӥзы.

Выль черламъёс пӧлын Ижкарысь 38 адями, Красногорск ёросысь куать адями, Алнаш ёросысь вить адями, Пичи Пурга ёросысь ньыль адями, Дэри ёросысь куинь адями, Сарапулысь кык адями, Воткаысь, Глазкарысь, Можгаысь, Эгра, Сарапул ёросъёсысь быдэн одӥг адями.

54 мурт йӧназ. 74 аресъем кышномурт но 68 аресъем пиосмурт кулӥзы.

Туннэ нуналлы Удмуртиын выль коронавирус инфекциен черлан 3 сюрс 836 учыр лабораториосын зэматэмын. 2 сюрс 957 адями йӧназ, 74 мурт кулӥз. Али 42-езлэн висисьёслэн тазалыксы секыт лыдъяське.

Тулыспалысен элькунын коронавируслы 314 сюрс 219 эскеронъёс ортчытӥзы, берло нунал ӵоже – 3 сюрс 499. 

Тодэ вайытом, 11-тӥ куарусёнысен Удмуртиын  маскаосты одно ик нуллон режимез выльысь берыктӥзы



Наверх
Вниз