Ижкар-5 °C
1 -тӥ толсур 2020 Пуксён
18+

Эм удысысь 13 сюрс пала ӧнерчиослэсь уж интыоссэс автоматизировать карозы Удмуртиын 2020-тӥ арын

  • 87
  • 0
Ижкар / Удмуртия
Эм удысысь 13 сюрс пала ӧнерчиослэсь уж интыоссэс автоматизировать карозы Удмуртиын 2020-тӥ арын
Туспуктэм: Руслан Нуриахметов

2020-тӥ арын Владимир Путинэн кичӧлтэм «Здравоохранение» йӧскалык ӵектос улсын Удмуртиын эм удысын ужасьёслы 12 сюрс 744 автоматизированной уж интыос кылдытозы. Со сярысь элькун тӧролэн но кивалтэтлэн пресс-службазы ивортӥз.

Элькунысьтымы вань эм огазеяськонъёсысь уж интыосты автоматизировать карон, фельдшер-акушер пунктъёсы Интернет кыскон но эм ивортодэт сӧзнэтэз пыӵатон пациентъёслэн эм тодметъёсынызы огъя цифровой контур кылдытозы. Солы луыса улосвылъёсысь вань кун эм ивортодэт сӧзнэтъёс ог-огенызы герӟамын луозы.

Сӧзнэтысь пациентъёслэсь прививкаоссэс, анализъёссэс, больничной листъёссэс, направлениоссэс учкыны луоз

Удмуртиысь эм ужъюртъёсын огъя цифровой контур кылдытон понна 2020-тӥ арын 539 миллион 400 сюрс манет чакламын. Коньдон даннойёсты эскеронъя улосвыл центрез азинтыны но эм огазеяськонъёслэсь, фельдшер-акушер пунктъёслэсь но, информационной инфраструктуразэс кылдытыны ӧръямын
Александр Бречалов, Удмуртилэн тӧроез

Пусъём, 2019-тӥ арын Удмуртиын «Вызов врача на дом», «Запись для прохождения профилактических медицинских осмотров, диспансеризации» сервисъёс ужаны кутскизы. Соосты Кун но муниципал услугаос сётӥсь огъя порталын пациентлэн ас кабинетысьтыз «Моё здоровье» разделэ пырыса уже кутыны луэ. Сервисъёс калыклы эм юрттэт басьтонзэс каньылгес карыны луонлык сёто. 



Наверх
Вниз