Ижкар+4 °C
30 -тӥ коньывуон 2020 Удмуртарня
18+

Удмуртиын коронавирус инфекциен черлан 81 выль учыръёсты шараязы

  • 112
  • 0
Ижкар / Удмуртия
Удмуртиын коронавирус инфекциен черлан 81 выль учыръёсты шараязы

23-тӥ куарусёнлы Удмуртиын коронавирус инфекциен 81 выль черламъёсты шараязы. Со сярысь элькун тӧролэн но кивалтэтлэн «ВКонтакте» мерлыко вотэсысь огиназы ивортӥзы.

Диагноззы Ижкарын 42 улӥсьёслэн, Дэри ёросын 12 улӥсьёслэн, Сарапулын вить улӥсьёслэн, Сюмси ёросын ньыль улӥсьёслэн, Воткаын, Сарапул ёросын быдэн куинь улӥсьёслэн, Вотка, Ува, Шаркан, Вавож ёросъёсын быдэн кык улӥсьёслэн но Пичи Пурга, Камбарка, Сьӧлта, Якшур-Бӧдья ёросъёсын быдэн одӥг улӥсьлэн зэмаз.

78 адями йӧназ. Куинь мурт кулӥз. Кышномуртъёслы 89 но 83 арес вал, воргоронлы – 88 арес.

Туннэ нуналлы Удмуртиын выль коронавирус инфекциен черлан 4 сюрс 658 учыр лабораториосын зэматэмын. 3 сюрс 424 адями йӧназ, 86 мурт кулӥз. Али 37-езлэн висисьёслэн тазалыксы секыт лыдъяське.

Тулыспалысен элькунын коронавируслы 351 сюрс 427 эскеронъёс ортчытӥзы, берло нунал ӵоже – 2 сюрс 976. 



Наверх
Вниз