Ижкар-14 °C
4 -тӥ толсур 2020 Удмуртарня
18+

Удмуртиын коронавирусэн висисьёслы тросгес койкаос дасялозы

  • 71
  • 0
Ижкар / Удмуртия
Удмуртиын коронавирусэн висисьёслы тросгес койкаос дасялозы
Туспуктэм: видеоысь скриншот (vk.com/Александр Бречалов)

Удмуртиын коронавирусэн но пневмониен вивисьёс понна тросгес койкаос дасяны малпало. Со сярысь 5-тӥ коньывуонэ аппарата кенешонын элькунлэн тӧоез Александр Бречалов вераз.

Матысь дыре ватсаса койкаос кылдытон сярысь пумкылъян кутомы, угось висисьёслэн лыдзы йылэ. Кивалтӥсьёсты коллективъёсысьтызы кышкытлыко группае пырись ужасьёссэс дистанционной амалэн ужанэ выжтыны но кынман висёнъёсты но коронавирус инфекциез алон амалъёс сярысь паськыт валэктон уж нуыны курисько
Александр Бречалов, Удмуртилэн тӧроез

Элькунысь тазалыкез утёнъя министрлэн Мария Галеевалэн верамезъя, али улосвылын 1 сюрс 802 койка кылдытэмын. 5-тӥ коньывуонлы 10 ковид-центръёсын 1 сюрс 667 койкаосын висисьёс кыллё, 135 интыос буш.

Тазалыкез утёнъя министерстволэн ивортэмезъя, Удмуртиын 5 сюрс 932 висисьёс пусъемын, со пӧлысь 3 сюрс 985-эз йӧназы ни. 1 сюрс 680 черламъёсты эмчиос чакласа возё. Туннэ нуналлы 703 адями стационарын эмъяське, со пӧлын 21 нылпиос.

Министрествоын пусйизы, коронавирусэн черламъёслы юрттэт сётон понна ватсаса койкаос кылдытыны луонлык элькунын вань.

Тодэ вайытом, 5-тӥ коньывуонлы Удмуртиын коронавирусэн черлан 106 выль учыръёсты пусйизы



Наверх
Вниз