Ижкар-14 °C
4 -тӥ толсур 2020 Удмуртарня
18+

Ижысь клиникая 6 номеро кар эмъяськонниез ковид-центр улэ тупатозы

  • 105
  • 0
Ижкар / Удмуртия
Ижысь клиникая 6 номеро кар эмъяськонниез ковид-центр улэ тупатозы
Туспуктэм: Григорий Фомин

Ижысь клиникая 6 номеро кар эмъяськонниын ковид-центр усьтозы. Со сярысь 6-тӥ коньывуонэ Удмуртилэн тӧроез Александр Бречалов мерлыко вотэсъёсын меӵак эфирез дыръя ивортӥз.

Солэн кылъёсызъя, азьвыл коронавирусэн но пневмониен эмъяськонниосы интыям выль висисьёслэн но бурмемъёслэн лыдзы огмындагес луэ ке вал, али стационарлы кулэяськись выль черламъёс тросгес луизы. Соин ик ватсаса 1 сюрс койкаос кылдытыны пумкылъян кутӥзы.

«Али резерв койкаосты кутӥськом, соос 480 пала. Но ужпумез сэрттон-петрчон понна мон ватсаса 1 сюрс койка-интыос кылдытон сярысь пумкылъян кутӥ. Кылсярысь, матысь 10 нуналъёсы ковид-центр улэ клиникая 6 номеро кар эмъяськонниез тупатомы.

Бреч

Солэн верамезъя, 6 номеро эмъюрт тужгес дасьлыкоез луэ, отын 8900 пала койкаос лыдъясько. 

Улон интызыя 6 номеро эмъюрт борды юнматэм адямиос понна эмчиослы вазиськон радлыкез воштозы. Лэчыт юанъёслы валэктон сётон понна ӟырдыт телефон герӟет кылдытозы, отын вералозы, кызьы эмчиос доры гожтӥськыны, кытчы вазиськыны. 

Али элькунын коронавирус инфекциен но пневмониен висисьёслы 1 сюрс 602 койкаос висъямын. 



Наверх
Вниз