Ижкар-14 °C
4 -тӥ толсур 2020 Удмуртарня
18+

Коронавирусъя визь-кенеш сётонъя центр кылдытӥзы Удмуртиын

  • 121
  • 0
Ижкар / Удмуртия
Коронавирусъя визь-кенеш сётонъя центр кылдытӥзы Удмуртиын
Туспуктэм: Алексей Арзамасцев

Удмуртиын коронавирусэн висисьёслы визь-кенеш сётонъя центр кылдытӥзы, али со эскерон вылысь ужаны кутскиз. Та дыре отын 15 эм ужасьёс тыршо. Со сярысь 6-тӥ коньывуонэ элькунлэн тӧроез Александр Бречалов мерлыко вотэсъёсын меӵак эфирез дыръя ивортӥз.

Эмчиос жингыртонъёсты куто, кышкытлыко группае пырись адямиослэсь асьсэды шӧдонзэс чаклало. Эмъяськисьлэн тазалыкез уродмиз ке, сое эмъюртэ нуон понна центрысь ӧнерчиос эмчиез яке ӝог эмъюрттэт сётӥсьёсты ӧтёзы.

Центрлэн нырысетӥ ужан нуналаз 567 жингыртонъёс вуизы, 26 адямиез нуналмысь чаклан улэ басьтӥзы.

Нырысетӥ кык ужан нуналъёс возьматӥзы, тросэзлы доразы эмъяськись адямиослы психологи юрттэт, эмчиен кенешон но ӧнерчилэсь валэктон басьтны луонлык уг тырмы. Та центр сыӵе луонлык сётэ
Александр Бречалов, Удмуртилэн тӧроез

Визь-кенеш сётонъя центрлэн телефон номерез: 8-800-100-24-47

Соя пуктэм диагнозэн доразы эмъяськись адямиос жингыртыны быгато.

Улосвыл тӧролэн верамезъя, центрын ужасьёслэсь лыдзэс 50-озь будэтыны чаклало. Отчы пенсие потэм яке асьсэлэн тазалыксыя висисьёсын ужаны быгатӥсьтэм эмчиос интыяськыны быгато, со понна 497-067 телефон пыр жингыртыны кулэ. 



Наверх
Вниз