Ижкар-14 °C
4 -тӥ толсур 2020 Удмуртарня
18+

Коронавирусэн висисьёслы 900 койкаос дасялозы Ижкарысь 6 номеро эмъюртын 1-тӥ шуркынмонозь

  • 119
  • 0
Ижкар / Удмуртия
Коронавирусэн висисьёслы 900 койкаос дасялозы Ижкарысь 6 номеро эмъюртын 1-тӥ шуркынмонозь
Туспуктэм: Ксения Кропачева

1-тӥ шуркынмонозь Ижкарысь 6 номеро эмъюртлэн Ленин нимо но Труд ульчаосысь стационаръёсаз коронавирусэн висисьёслы 900 койкаос усьтозы. Мукет висисьёсты карысь мукет эмъяськонниосы выжтозы. Со сярысь журналистъёслы Удмуртиысь тазалыкез утёнъя министрлэн воштӥсез Мария Галеева вераз.

Ватсаса койкаос усьтон понна юртъёсын чыры-пыры тупатъян ужъёс ортчытозы, шлюзъёс лэсьтозы, койкаос доры кислород сётон но мукет тӥрлык пуктозы

6 номеро эмъюртэз ковид-цетр улэ тупатон 9-тӥ коньывуонысен мынэ. Со нуналэ ини нылпиослы паласькись висёнъёсъя ёзэтын, нимаз сылӥсь юртын, коронавирусэн но пневомниен висисьёслы 140 койкаос усьтӥзы. Отын кык толэзь ӵоже ини паласькись висёнъёсын бадӟымъёсты кутӥзы. Пиналъёсты 3 но 7 номеро кар эмъяськонниосы выжтӥзы.

22-тӥ коньывуонлы Труд нимо ульчаысь стационарын 490 койкаос дасялозы. Отын Ижкарын улӥсьёслы гинекологи, урологи, хирурги, кардиологи, неврологи но токсикологи ӧръёсъя юрттэт сёто вал. 

Табере урологи ӧръя висисьёсты 1 номеро элькун эмъяськонние келялозы. Озьы ик отчы эмчиосты-урологъёсты огдырлы выжтӥзы.

Хирурги но гинекологи ёзэтъёсысь висисьёсты 1 номер элькун эмъяськонниын но Ижысь 9 номеро кар эмъяськонниын кутозы. Хирурги юрттэтэз, кудзэ берлолы кельтыны уг луы, 1 номеро элькун эмъяськонниын, Ижысь 9 номеро кар эмъяськонниын но чугун сюреслэн эмъяськоннияз сётозы.

Токсикологи ӧръя юрттэт кулэ карисьёсты Наркологияя элькун диспансере лэзёзы. Сюлэм висёнъёсын курадӟисьёсты Элькунысь клинико-диагностической центрын кутозы. Инсультэн адямиосты 1 номеро элькун эмъяськонние но 9 номеро кар эмъяськонние нуозы.

30-тӥ коньывуонлы 6 номеро кар эмъюртлэсь Ленин нимо ульчаысь стационарзэ коронавирусэн черламъёслы тупатозы. Отын 270 койкаос дасялозы.

Терапия ёзэтысь висисьёсты 1 номеро кар эмъяськонние ыстозы, ревматологиысь - Элькунысь клинико-диагностической центре.

6 номеро кар эмъюртлэн Труд но Ленин нимо ульчаосысь поликлиникаосыз дышем радлыкъя ужалозы

Тодэ вайытом, Ижысь 6 номеро кар эмъюртэз ковид-центр улэ тупатыны Удмуртилэн тӧроез Александр Брчалов куриз



Наверх
Вниз