Ижкар-6 °C
27 -тӥ шуркынмон 2020 Удмуртарня
18+

Пуэдлы пумит прививка интыысь интые ветлӥсь эм огъетъёсын пуктылозы Удмуртиысь каръёсын

  • 52
  • 0
Ижкар / Россия
Пуэдлы пумит прививка интыысь интые ветлӥсь эм огъетъёсын пуктылозы Удмуртиысь каръёсын
Туспуктэм: ИА «Удмуртия»

19-21 шуркынмонэ Ижкарын, Можгаын, Глазкарын но Воткаын интыысь интые ветлӥсь эм огъетъёсын быдэ вуэмъёслы пуэдлы пумит прививкаос пуктылозы. Со сярысь элькунысь тазалыкез утёнъя министерстволэн пресс-службаез ивортӥз.

Ижкарын эм огъет 2 номеро кар эмъяськонни но Шор площадь вискын сылоз:

- 19-тӥ но 20-тӥ шуркынмонэ 10 часысен 19 часозь;
- 21-тӥ шуркынмонэ 10 часысен 16 часозь.

Со сяна, 21-тӥ шуркынмонэ «Молл Матрица» вузкарон центр (Баранов нимо ульча, 87) дорын 10 часысен 14 часозь эм огъетэ вазиськыны луоз.

Можгаын эм огъет кар администрацилэн юртэз азьысь площадьын ужалоз:

- 19, 20-тӥ, 21-тӥ шуркынмонэ 10 часысен 15 часозь.

Воткаын эм огъет куинь интые вуылоз:

- 19-тӥ шуркынмонэ «Октябрь» лулчеберет центр дорын (Серов нимо ульча, 23) 14 часысен 17 часозь;
- 20-тӥ шуркынмонэ «БУМ» вузкарон центр дорын (Марат нимо, 29) 14 часысен 17 часозь;
- 21-тӥ шуркынмонэ «Космос» вузкарон центр дорын (Школьной, 1) 9 часысен 13 часозь.

Глазкарын эм огъет ужалоз:

- 19-тӥ шуркынмонэ «Птицефабрика» ёросын 13 часысен 19 часозь;
- 20-тӥ шуркынмонэ Свободы площадьын 13 часысен 19 часозь;
- 21-тӥ шуркынмонэ Свободы площадьын 10 часысен 16 часозь.

Министерствоын ивортэмзыя, туннэ нуналлы Удмуртиын 434 сюрслэсь трос адями пуэдлы пумит прививка пуктӥз ни

Тодэ вайытом, туэ элькунын 900 сюрс адями прививка пуктыны малпало.



Наверх
Вниз