Ижкар-19 °C
26 -тӥ тулыспал 2021 Удмуртарня
18+

Ижкарысь Удмуртской урамысь 261 номеро юртысь куинез семья асьсэ патеръёсазы берытскыны пумит луиз

  • 339
  • 0
Ижкар / Удмуртия
Ижкарысь Удмуртской урамысь 261 номеро юртысь куинез семья асьсэ патеръёсазы берытскыны пумит луиз
Туспуктэм: Григорий Фомин

Ижкарысь Удмуртской урамысь 261 номеро юртын улӥсь куинез семья асьсэ патеразы берытскыны пумит луизы. Соос 1–3 подъездъёсын улӥзы. Со сярысь вераз кар думалэн тӧроез Олег Гарин, ивортэ Ижкар администрацилэн пресс-службаез.

Али куинь подъездысь куинез семья берытскыны уг малпа — котькудэз аслаз мугез вань. Оглом калыклэн умой мылкыдыз, соос доразы берытскизы шуыса шумпото, юрттэм понна тау каро
Олег Гарин, Ижкар думалэн тӧроез

4–6 подъездъёсын улӥсьёс пӧлысь 73 адями огдырлы улон интыосы кылемын.

Кар администраци ивортэмъя, ӧнерчиос 5-тӥ подъездлэсь конструкциоссэ сэрттӥзы ни, 4-тӥ подъездлэсь конструкциоссэ но 6-тӥ подъездысь оглюкетсэ юнматӥзы. 4-тӥ подъездлэн кырысь борддорез шуныт каремын, али со ужъёсты 6-тӥ подъездын кутскемын. Вань ужъёсты 15-тӥ тулыспалозь йылпумъяны кулэ.

Тодэ вайытом, чагыр эстӥськон пуштэмен сэрен 9-тӥ шуркынмонэ юртлэн оглюкетэз куашказ. Шимучырын сизьым адями быриз, со пӧлын кык нылпиос. Учыръя янгыше уськыто со юрты ник улӥсь 27 аресъем воргоронэз. Следстви чакламъя, со аслаз патераз чагыр эстӥськонэз юри лэзиз но ачиз кошкиз.

Юртлэн нырысетӥ куинь подъездъёсаз улӥсьёс доразы лэзьыны кутскизы 27-тӥ толсуре. Эскеронъёслы йылпумъянъёсъя ялэмын вал, отын улӥсьёс доразы берытскыны быгато шуыса.



Наверх
Вниз