Ижкар+1 °C
13 -тӥ оштолэзь 2021 Пуксён
18+

Адямилэсь 98 манет 48 коньы басьтозы Удмуртиын жуг-жагез поттон понна

  • 941
  • 0
Ижкар / Удмуртия
Адямилэсь 98 манет 48 коньы басьтозы Удмуртиын жуг-жагез поттон понна
Туспуктэм: Григорий Фомин

Удмуртиысь Лэсьтӥськонъя, жилищно-коммунальной возёсъя но дыкужымъя министерствоын жуг-жагез поттон понна тарифез юнматӥзы. Со сярысь улосвыл кивалтэтлэн тӧроез Ярослав Семёнов ивортӥз.

Трос патеръем юртъёсын улӥсьёс выль юрттӥськем понна котькуд адямилэсь 98 манет 48 коньы тырозы, нимаз юртъёсын улӥсьёс – 95 манет 20 коньы.

Ярослав Семёновлэн кылъёсызъя, Удмуртилэн тӧроез Александр Бречалов шаерамы улӥсьёс понна выль тарифез пичигес карыны куриз. Улосвыл оператор верамъя, выль тарифе коммунальной жуг-жагез люкан но поттон, полигонъёсын ватон, уждун понна тыриськонъёс пыртэмын. 91 процентэз жагез транспортэн нуон но ватон понна луэ.

Тодэ вайытом, Улосвыл оператор нырысь ик улон интылэн квадрат метрысьтыз дун басьтыны ӵектӥз вал, но Лэсьтӥськонъя, жилищно-коммунальной возёсъя но дыкужымъя министерство патерын яке юртын улӥсь адямиослэн лыдзыя тариф пуктыны куриз. Азьвылгес ивортэмын вал «ЭнергосбыТ Плюс» жуг-жагез поттон понна «эскерон» квитанциос ысъяны кутскиз шуыса. Зэмос тыриськонэн кагазъёс Удмуртиын улӥсьёслы 2019-тӥ арын тулыспалэ вуозы. 



Наверх
Вниз