Ижкар-1 °C
29 -тӥ коньывуон 2020 Покчиарня
18+

Сизьым толэзь ӵоже кык поллы тросгес жуг-жаг люказы Удмуртиын 2019-тӥ арын

  • 584
  • 0
Ижкар / Удмуртия
Сизьым толэзь ӵоже кык поллы тросгес жуг-жаг люказы Удмуртиын 2019-тӥ арын
Туспуктэм: Николай Кузнецов

2019-тӥ арын 7 толэзь ӵоже Удмуртиысь жуг-жагез утялтонъя улосвыл оператор элькунысь полигонъёсы 163,3 сюрс тонна кылем-мылемъёсты поттӥз. Кылем арысь та вакытэн ик ӵошатыса, со ог кык поллы тросгес. Со сярысь огазеяськонлэн пресс-службаез ивортэ.

Со уг вера, элькунын улӥсьёс тросгес жуг-жаг лэсьтыны кутскизы шуыса, но али улосвыл операторлы, «Спецавтохозяйство» огазеяськонлы, ваньзэ сое «шарае поттыны» луиз.

Табере жуг-жаг чакламтэ интыосы уг куяськы: вань техникае «ГЛОНАСС» сӧзнэт пуктэмын, жаг нуллӥсьёсты онлайн амалэн чакласькомы. Нош валтӥсез – ми соослы полигонэ ваем жагзы понна коньдон тыриськомы. Кылем-мылемъёссэс нюлэскы куштӥзы ке, со ужзы понна соослы нокин уз тыры
Иван Маринин, Удмуртиын жуг-жагез утялтонъя улосвыл операторлэн кивалтӥсез

Туннэ Удмуртиын 40 процентсэ жуг-жагез контейнеръёсы люкало, 60 процентсэ пусъем дыре лыктӥсь машина бича. Техникаез возьманлэсь куштӥськон вылысь элькунын 5 но ӝыны сюрс площадкаос лэсьтыны но отчы 16 сюрс бакъёс пуктыны кулэ. Солы 400 миллион манет тыр усёз.

Пусъём, муниципал интывылъёсын контейнер площадкаосты интыысь аскивалтон ёзэсъёс лэсьтыны кулэ. Котькуд кар но ёрос аслэсьтыз ужанрадлыксэ кылдытӥз. Та дыре азьмынӥсь луэ Дэри ёрос, али отын 108 площадкаос лэсьто. Со бӧрсьы Сюмси ёрос мынэ, отын 80 инты кылдытӥзы ни, ар пумозь чакланъёсын - эшшо 20.



Наверх
Вниз