Ижкар+17 °C
27 -тӥ куарусён 2020 Воскресенье
18+

Жуг-жаг поттон тарифъёс 2020-тӥ арын Удмуртиын уз воштӥське

  • 816
  • 0
Ижкар / Удмуртия
Жуг-жаг поттон тарифъёс 2020-тӥ арын Удмуртиын уз воштӥське
Туспуктэм: Алексей Арзамасцев

2020-тӥ арын Удмуртиын жуг-жаг поттон тарифъёс уз воштӥське. Со сярысь «Фейсбук» мерлыко вотэсысь бамаз элькунысь лэсьтӥськонъя, жилищной-коммунальной возёсъя но дыкужымъя министр Дмитрий Сурнин ивортӥз.

Вуоно арын 1-тӥ толшорысен трос патеръем коркаосын улӥсьёс 98 манет 39 коньы тырозы, ас юртъеръёсазы улӥсьёс – 95 манет 11 коньы.

Дун кӧня ке копейкалы усиз, но со экономика ласянь лыдъянъёслы луыса. Нош оглом тарифез жуг-жагез поттонъя выль ужан радлыкез кылдытэмен валче возьыны луиз. Со сяна, вуоно арысен Сарапулысь полигон ужаны кутскоз, озьыен, жагез поттыны ӧжытгес коньдон кошкоз
Дмитрий Сурнин, Удмуртиысь лэсьтӥськонъя, жилищной-коммунальной возёсъя но дыкужымъя министр

Жуг-жагез люкылон огъетъёс пуктон но жагез нимаз люкан амалэз улонэ пыртон озьы ик умоен шӧдӥсько. 2020-тӥ арын Удмуртиысь каръёсы 3 сюрс 150 контейнеръёс басьтозы, со пӧлысь 1 сюрс 450-эз жуг-жагез нимаз люкан понна чакламын. 



Наверх
Вниз