Ижкар-12 °C
27 -тӥ толшор 2020 Вордӥськон
16+

Жуг-жаг люкан интыосты ворсан но тазатон ужъёсты кутскозы Удмуртиын 2020-тӥ арын

  • 819
  • 0
Ижкар / Удмуртия
Жуг-жаг люкан интыосты ворсан но тазатон ужъёсты кутскозы Удмуртиын 2020-тӥ арын
Туспуктэм: Григорий Фомин

2020-тӥ арын Удмуртиын жуг-жаг люкан интыосты ворсан но тазатон ужъёсты кутскозы. 26-тӥ толсуре Россиысь инкуазез утёнъя министерство но элькун кивалтэт «Экология» йӧскалык ӵектослэн «Чылкыт кун» федерал ӵектосэз улсын коньдон висъян сярысь тупанкыл гожтӥзы. Со сярысь улосвыл тӧролэн но кивалтэтлэн пресс-службазы ивортэ.

Юнматэм тупанкылъя Удмуртия жаг люкан интыосты тазатыны вуоно арын 75 миллион манет висъялоз. Со пӧлысь 60 миллионэз – федерал уксё. Свалкаосты тазатон – со кылем-мылемъёсын ужанын шоры чылкак мукет ямен учкон
Александр Бречалов, Удмуртилэн тӧроез

Улосвыл тӧро пусйиз, сыӵе ужрадъёс экологиез умоято но инкуазьлы ыштонъёсты кулэсто. Со сяна, азьланяз музъемез мукет кулэяськонъёслы кутыны луонлык сёто.

Та дыре Удмуртиын жуг-жаг люкан интыосты быдтон ужез элькун коньдэт чотын улосвыл оператор нуэ, но со вылзэ гинэ утялтэ. Росси азьмуртэн Владимир Путинэн кичӧлтэм ӵектос улсын свалкаос улысь музъемез тазатон (рекультвация) кутскоз. Таяз арын оглом 3 гектарлэсь трос вить свалкаосты утялтыны ужкагазъёс дасязы, соос экологи ласянь эскеронъёс пыр потӥзы.

Тодэ вайытом, 2019-тӥ ар кутсконлы Удмуртиын лэзьымтэ интые жаг люкан интыос 481 мында пусъемын вал. Оглом 394 гектар вылын нырысь-валысь чотанъёсъя 1 миллион 400 сюрс тонна жуг-жаг люкамын. Та ар ӵоже 73 свалкаосты быдтӥзы ни. Элькунысь ёросъёсын инкуазьлы ыштонъёсты палэнтон понна вуоно арлы улосвыл коньдэтын 37 миллион манет чакламын. 

Наши партнеры

Наверх
Вниз