100 лет государственности Удмуртии
Ижкар+22 °C
6 -тӥ инвожо 2020 Кӧснунал
16+

Удмуртиысь Кун Кенешлэн куатетӥ ӧтчамезлэн нырысетӥ сессиез вордӥськонэ, 18-тӥ куарусёнэ, ортчоз. Со сярысь пуктэтэз туннэ, 15-тӥ куарусёнэ, Удмуртилэн тӧроезлэсь ужзэ огдырлы быдэсъясь Александр Бречалов юнматӥз.

«Удмуртиысь Кун Кенешлэн куатетӥ ӧтчамезлэсь нырысетӥ сессизэ Ижкарын 2017-тӥ арын 18-тӥ куарусёнэ 11 часын 30 минутэ люкано», — шуэмын ужкагазын.

Тодэ вайытом, Удмуртиысь Кун Кенеше быръёнъёс 10-тӥ куарусёнэ ортчизы. Куара сётонлы йылпумъянъёсъя, Кун Кенешлэн выль ӧтчамаз 60 инты пӧлысь 47-зэ «Единая Россиялэн» кандидатъёсыз басьтӥзы, витьсэ — КПРФ-лэн, ньыльзэ — ас кожазы ӵектӥськемъёс, быдэн кыкен — ЛДПР-лэн но «Справедливая Россия» партилэн кандидатъёссы.

Удмуртиын 10-тӥ куарусёнэ улосвыллэн Кун Кенешаз быръёнъёслы йылпумъянъёс лэсьтон азьланьтӥське. Элькунысь Быръёнъёсъя валтӥсь ӧрилэн нимлыко сайтаз шараям нырысь-валысь ивортонъёсъя, одӥг мандатъем 24 округъёсын «Единая Россия» партилэн кандидатъёсыз вормо, 4 — ас мылкыдзыя ӵектӥськемъёс, 1 — КПРФ-лэн, 1 — «Справделивая Россия» партилэн.

Та дырлы Кун Кенеш ортчо одӥг мандатъем округъёсъя та кандидатъёс:

Ижкар

  • Округ № 1, Буммашевской — Фарит Губаев («Единая Россия»);
  • Округ № 2, Индустриальной — Андрей Смирнов («Единая Россия»);
  • Округ № 3, Азинской — Наиль Мухаметзянов («Единая Россия»);
  • Округ № 4, Машиностроительной — Карен Манукян («Единая Россия»);
  • Округ № 5, Металлургической — Сергей Лукьянчиков («Единая Россия»);
  • Округ № 6, Октябрьской — Владимир Паршин («Единая Россия»);
  • Округ № 7, Центральной — Сергей Клементьев («Единая Россия»);
  • Округ № 8, Рабочой — Зоя Степнова («Единая Россия»);
  • Округ № 9, Южной — Ленар Сафин («Единая Россия»);
  • Округ № 10, Нефтяной — Владимир Нельзин («Единая Россия»);
  • Округ № 11, Автозаводской — Александр Прозоров («Единая Россия»);
  • Округ № 12, Молодежной — Андрей Лямин («Единая Россия»).

Вотка

  • Округ № 13, Майской — Сергей Зуев (самовыдвижение);
  • Округ № 14, Заречной — Марина Котельникова («Единая Россия»).

Глазкар

  • Округ № 15, Западной — Владимир Пальшин («Единая Россия»);
  • Округ № 16, Левобережной — Денис Анищук (самовыдвижение).

Можга

  • Округ № 17, Можга ка — Андрей Крюков («Единая Россия»).

Сарапул

  • Округ № 18, Лымшор — Сергей Мусинов («Единая Россия»);
  • Округ № 19, Уйпал — Алексей Прасолов («Единая Россия»).

Ёрос округъёс 

  • Округ № 20, Балезино — Алексей Санников («Единая Россия»);
  • Округ № 21, Вотка — Владимир Варламов (самовыдвижение);
  • Округ № 22, Глазов — Владимир Невоструев («Единая
Читать полностью

95 процентсэ бюллетеньёсты эскерем бере Удмуртиысь Кун Кенеше быръёнъёсын «Единая Россия» партия ворме. Со 63,1 процентсэ куараосты люказ. Со сярысь туннэ, 11-тӥ куарусёнэ, журналистъёслы веразы элькунысь Быръёнъёсъя валтӥсь ӧриын.

Кыкетӥ интыын КПРФ — солэн 15,04 процентэз куараос, куинетӥ — ЛДПР (8,96 процент). Ньылетӥ инты басьтэ «Справедливая Россия» (6,69 процент), витетӥ — «Родина» (1,65 процент), куатетӥ — «Коммунисты России» (1,47 процент).

20 часын Удмуртиын ваньмыз быръён участокъёс ворсаськизы. Ӧриослэн ёзчиоссы куараосты чотаны кутскизы. 10-тӥ куарусёнэ улосвылын элькунлы тӧроез дырызлэсь вазь быръёнъёс но Кун Кенешлэн куатетӥ ӧтчамаз депутатъёсты быръёнъёс ортчизы.

Нырысетӥ йылпумъянъёсты элькунысь Быръёнъёсъя валтӥсь ӧри 23 час котырын шараялоз. Ӧрилэн тӧроез Виктор Кушко верамъя, нырысь ик Удмуртилы тӧроез быръёнъёсъя куараосты лыдъялозы, собере - Кун Кенеше депутатъёсты быръёнъёсъя.

Озьы ик солэн кылъёсъя, элькунъя быръёнъёсы пыриськемъёс 35-37 процент пала луозы. 

18 часлы 30,51 процентэз бырйисьёс куара сётонэ пыриськизы.

Туннэ, 10-тӥ куарусёнэ, Удмуртиын улӥсьёс улосвыллы тӧроез но Кун Кенеше депутатъёсты быръё. 

8 часын элькунын 1 сюрс 205 быръён участокъёс усьтӥськизы. Куара сётыны луоз 20 часозь.

Тодэ вайытом, улосвыл парламентлэн куатетӥ ӧтчамез 30 адямилы ӧжытгес луоз. Быръем депутатъёслы выль кивалтӥсез — Удмуртилэн Кун Кенешезлэсь тӧрозэ быръёно луозы.

Кин вожвылъяське элькун парламентэ тӥляд округдыя, тодыны луоз иворъёсъя «Удмуртия» агентстволэн материалысьтыз.

Нош Удмуртилы тӧроез быръёнъёс дырызлэсь вазь ортчо. Соосты радъяны кулэ луиз 2017-тӥ арын 4-тӥ оштолэзе Владимир Путин улосвыл кивалтӥсез Александр Соловьёвез оскон ышемен валче ужысьтыз мозмытэм бере. Со нуналэ ик Россилэн азьмуртэз Удмуртилэн тӧроезлэсь ужзэ огдырлы быдэсъясе Александр Бречаловз юнматӥз.

Со сяна, 10-тӥ куарусёнэ ватсаса быръёнъёс ортчо Вавож, Вотка, Глаз, Грак, Дэбес, Эгра, Каракулино, Кез, Кизнер, Шаркан, Якшур-Бӧдья ёросъёсын интыысь кенешъёсы депутатъёсты быръёнъёс мыно.

Иворъёсъя «Удмуртия» агентствоысь журналистъёс трансляциын вералозы, кызьы ортчо быръёнъёс Ижкарын, Уваын, Дэбесын но мукет интыосын. Озьы ик куара сётонлэн мынэмез сярысь элькунысь Быръёнъёсъя валтӥсь ӧриысь ивортонъёсты тодыны луоз.

«Удмуртилы тӧроез быръёнъёс-2017» но «Удмуртиысь Кун Кенеше быръёнъёс-2017» сярысь иворъёс.

Вуоно арнянуналэ, 10-тӥ куарусёнэ, шаерамы улӥсьёс Удмуртилы тӧроез но Кун Кенеше депутатъёсты быръёзы. Элькун парламентлэн куатетӥ ӧтчамаз калыкен быръемъёслэн лыдзы ичигес луоз — 90 интые 60 кельтэмын, витетӥ ӧтчамысь депутатъёс сыӵе пумкылъян кутӥзы 2016-тӥ арын 29-тӥ шуркынмонэ, Удмурт Элькунлэсь катсэ 2017-тӥ арын юнматӥзы.

Кун Кенеше 30 депутатъёс одӥг мандатъем округъёсъя быръемын луозы, эшшо 60-эз — партиослэн лыдметъёссыя. Улосвыл парламентэ быръёнъёсы куать партиос пырисько. Соослэн списокъёсазы 408 кандидат.

Кун Кенешлэн витетӥ ӧтчамаз пыремын 4 партиос — «Единая Россия», «КПРФ», «ЛДПР» но «Справедливая Россия». Ваньзылэн элькун парламентын фракциоссы кылдытэмын. Тужгес бадӟымез соос пӧлысь — «Единая Россия». Со али ужась 86 депутатъёс полысь 66-сэ огазея.

Удмуртиен кивалтон понна вить кандидатъёс вожвылъясько: улосвыл тӧролэсь ужзэ огдырлы быдэсъясь Александр Бречалов («Единая Россия»), Тимур Ягафаров (ЛДПР), Владимир Бодров (КПРФ), Фарид Юнусов («Справедливая Россия») но Андрей Иванов (КПСС).

Быръёнъёсъя участокъёс арнянуналэ 8 часын усьтӥськозы, ужалозы 20 часозь.

Удмуртиысь кунпуш ужъёсъя ёзэсъёсы быръёнъёсъя катрадлыкез тӥянъёс сярысь 20 ивортонъёс вуизы. Ӝыныез соос пӧлысь ӧз зэмалэ. 7-тӥ куарусёнэ журналистъёслы со сярысь вераз элькунысь кунпуш ужъёсъя министерствоысь полицилэн кивалтӥсезлэн воштӥсез Сергей Козлов.

Ньыль ивортонъёсъя катрадлыкез тӥян пусъемын но протоколъёс гожтэмын — Ува, Шаркан, Ленин ёросъёсын но Воткаын. Эшшо куать вазиськонъёсъя али эскеронъёс мыно на.

Шарканын пусъем учыръя одӥгзэ кандидатэз 1 сюрс манет быдӟа штраф тырытыны пумкылъян кутэмын, мукетъёсызъя суд пумкылъян ӧз куты на. Штраф улэ кыскем мурт ӧтён-ӝутканэ быдэ вуымтэосты кыскем — соос ӧтён-ӝуткан материалъёс сётъяллям. Уваын ӧтён-ӝуткан материал интыяллям, нош со понна коньдонэз быръён фонд палэнысь тыриллям. Мукетъёсыз каттӥянъёс со выллем ик мугъёсын герӟаськемын.

Сергей Козловлэн верамезъя, быръёнъёсъя кампанилэсь мынэмзэ полиция Россиысь ФСБ-лэн элькунъя управлениеныз но улосвылысь Быръёнъёсъя ӧриен ӵош нуэ, соос эскеронэз кулэ карись иворъёсты сётъяло.

Озьы ик со пусйиз, куара сётон нуналэ огыр-бугыръяськонъёс ортчыны малпасьёс сярысь нокыӵе ивортонъёс али ӧвӧл шуыса.

Полиция быръёнъёс дыръя катрадлыкез тӥян учыръёс сярысь телефон пыр ивортыны курыса вазиське, жингыртыны луоз 02 яке (3412) 419 — 373/474/575 номеръёсъя.

Тодэ вайытом, 10-тӥ куарусёнэ Удмуртиын элькунлы тӧроез дырызлэсь вазь быръёнъёс но Кун Кенешлэн куатетӥ ӧтчамаз депутатъёсты быръёнъёс ортчозы.

10-тӥ куарусёнэ Удмуртилы тӧроез дырызлэсь вазь быръёнъёс но улосвылысь Кун Кенешлэн куатетӥ ӧтчамаз депутатъёсты быръёнъёс ортчозы. Эрико чакласьёс сямен отчы «Россия выбирает» ӵектослэн 200 пала волонтёръёсыз пыриськозы. Иворъёсъя «Удмуртия» агентстволы со сярысь вераз движенилэн элькунмыя координаторез Максим Тенсин.

Ӵектосэ пыриськисьёс курсъёсты одно ик ортчо, отын соослы валэкто, кыӵе янгышъёс луыны быгато, кызьы соосты пусйыны но азьланяз медаз луэ шуыса алыны.

Дышетонэ ми теоретикъёсты но, практикъёсты но кыскиськомы. Адямиосты, кин быръёнъёсъя ӧриосын ужаллямын, кин вераны быгатоз, кыӵе ужпумъёсын пумиськыны луоз чаклан дыръя, ӵемгес пумиськылӥсь янгышъёсты эскериськомы
Максим Тенсин

Солэн верамезъя, «Россия выбирает» движенилэн волонтёръёсыз чаклан уж борды рос-прос басьтӥсько, ивортодэт вӧлмытон ёзъёсты ужазы куто.

«Ми ивортодэт вӧлмытон ёзъёсты кутӥськомы, ми иворъёсты Твиттере поттомы, милям Телеграм понна нимысьтыз программа гожтэмын, янгышъёс сярысь ивортонъёс отын автоматика амалэн эскериськозы но югдурез катрадлык ласянь чаклась ёзэсъёсы вуозы. Ми сое ӟечлыко лэсьтыны тыршиськомы, милесьтым ужмес учкисьёс мед валалозы, мар лэсьтӥське быръёнъёсъя участокъёсын», — пусйиз движенилэн координаторез.

Максим Тенсинлэн кылъёсызъя, та ӵектослэн валтӥсь ужпумез — азьланяз ортчоно быръёнъёслы мыло-кыдо адямиосты утчан но дышетон.

«Кунмуртъёс валаны кулэ, соос асьсэос быръёнъёсы уг пырисько, катрадлыкез чакланэз уг радъяло ке, соос понна сое нокин уз лэсьты. Асьмелэн мыло-кыдо луэммылэсь потэ, кызьы ортчозы быръёнъёс. Милемлы кулэ, соос зэмлыко но шара мед ортчозы шуыса. Соку ваньзы оскозы, тӧрлык калыклэн мылкыдызъя кылдытэмын шуыса», — пусйиз Тенсин.

Кандидатъёслэн лыдметэнызы но соослэн округъёсъя люкиськеменызы тодматскыны луэ иворъёсъя «Удмуртия» агентстволэсь статьязэ учкыса

Кун Кенешысь депутатлэн интыяз быдэн элькун лыдметъёсъя быдэн 17 кандидатъёс пусъемын 9 номеро округын (Лымшор улосвыл группа, Ижкар) но 22 номеро округын (Глаз ёрос группа, Глаз, Яр но Юкаменск ёросъёс). Вань 30 округъёс пӧлын ӵапак отын тужгес трос кандидатъёс луо.

Элькун лыдметъёсъя тужгес ӧжыт кандидатъёс 19 номеро округын (Уйпал группа, Сарапул) — 9 адями.

Одӥг мандатъем округъёсъя кандидатъёс тужгес трос (быдэн 6 адями) 2 номеро округын (Индустри группа. Ижкар), 6 номеро (Октябрь группа, Ижкар) но 13 номеро (Майской группа, Вотка). Тужгес ӧжыт (быдэн 2 адями) — 5 номеро округын (Металлургической группа, Ижкар), 14 номеро (Заречной группа, Глазкар) но 26 номеро (Пичи Пурга ёрос группа, Пичи Пурга, Алнаш но Грак ёросъёс).

Тодэ вайытом, элькун лыдметъёсъя 408 кандидатъёс пусъемын, одӥг мандатъем округъёсъя — 128 адями.

Кандидатъёслэн лыдметэнызы но соослэн округъёсъя люкиськеменызы тодматскыны луэ иворъёсъя «Удмуртия» агентстволэн статьяяз

Россиысь МЧС-лэн Удмурт Элькунъя Валтӥсь управленияз но тылпуосты кысонъя ёзэсын ужасьёсты 10-тӥ куарусёнэ ортчоно быръёнъёс азьын но куара сётон нуналэ кужмоятэм ужан амалэ выжтозы. Со сярысь ивортӥзы улосвыл тӧролэн но кивалтэтлэн пресс-службаяз.

Со нуналэ 1 сюрс 37 юртъёсы интыяськем 1 сюрс 205 быръён участокъёс ужаны кулэ. Соос интыяськемын улосвылысь дышетонъя министерстволэн юртъёсаз (615 участок), ёросъёсысь лулчеберетъя юртъёсын но клубъёсын (305), элькунысь тазалыкез утёнъя министерстволэн юртъёсаз (47) но калыклы мерлыко юрттэт сётонъя министерстволэн юртъёсаз (13). Эшшо 225 участокъёс пӧртэм асъетэ пырись объектъёсын ужалозы.

Котькудзэ нимысьтыз чаклан улэ басьтӥзы но тылпулэсь утиськон куронъёслы тупамзэ эскеризы. Огазеяськонъёслэн кивалтӥсьёссы тырмымтэосты палэнтон сярысь косонъёс басьтӥзы. Быръёнъёсъя ӧриослэн ёзчиоссылы но полицейскойёслы тылпулэсь утиськон ласянь валэктонъёс сётӥзы но тылпу потон дыръя ужанрадъя тренировкаос ортчытӥзы.

Тылпу кысонъя ёзэсысь ӧнерчиос палэнысь ву басьтыны чаклам интыосты эскеро, тылпу кысон техникалэсь потоз радлыксэ тупато. Шимучыр дыръя юрттэт сётӥсь машинаосты пуктон интыосты пусйизы.

Куара сётон ортчытон интыосын дежурство радъямын луоз.

Удмуртилэн кивалтэтысьтыз Шимучыръёсты алонъя но тылпулэсь утиськонэз радъянъя ӧрилэн тӧроез Ярослав Семёнов министерствоосты но удысэтъёсты электроезъёсты но ву гумыосты, озьы ик тылпу сярысь ивортон сётӥсь тӥрлыкез эскерыны но тупатыны куриз. Со сяна, быръён участокъёсын электротыл кысон дыръя дыкужым сётӥсь тӥрлыкъёс вайыны луонлык шедьтыны куриз.

Элькун кивалтэтлэн тӧроезлэсь ужзэ быдэсъясь быръён участокъёслэн дасьлыксыя нимаз кенешон ортчытыны косӥз.

Тодэ вайытом, 10-тӥ куарусёнэ Удмуртиын улӥсьёс элькунлы тӧроез но Кун Кенешлэн куатетӥ ӧтчамаз депутатъёсты быръёзы.

«Россия быръе» мер движение Удмуртиын 10-тӥ куарусёнэ быръёнъёс дыръя ужаны быгатӥсь 200-лэсь трос чакласьёсты дышетоз. Со сярысь ивортӥзы ӵектосэз радъясьёс.

«Милям ужпуммы — быгатонлыко чакласьёсты дасяны, кудъёсыз быръён участокъёсын вань ужрадъёслэсь катлыко луэмзэс зэматыны быгатозы. Дышетон дыръя ӧнерчиос быръён ужрадлэн инъетъёсыз, бырйисьёслэн эрикрадъёссы, янгышанъёс сярысь вералозы, быръён эрикрад удысъя кылдэм юанъёслы валэктонъёс сётозы. Удмуртиын быръёнъёсы дышетэм муртъёс пӧлысь устооссэ 200–250 чакласьёсты поттыны малпаськомы», — вераз огез ӵектосэз кылдытӥсьёс пӧлысь, юридик тодосъя кандидат Александр Закускин.

Кылем арын «Россия быръе» 4 сюрслэсь трос адямиез дышетӥз, соос Кун Думае быръёнъёслэсь мынэмзэс эскеризы. Таяз арын Россилэн 15 улсовылъёсысьтыз 5 сюрслэсь трос адямиез дасялозы. Пыриськыны быгатэ 18 ареслэсь бадӟым котькуд мылкыд карись, гожтӥськыны азьвыл ик кулэ.

Катрадлыкез тӥян сярысь али ик ивортыны луэ ни:

уен-нуналэн ужась линие жингыртыса 8 800 100 24 84

РоссияВыбирает.рф сайт пыр

telegram @rfchoice_bot пыр

Тодэ вайытом, 10-тӥ куарусёнэ Удмуртиын Кун Кенеше депутатъёсты но улосвыл тӧроез быръёнъёс ортчозы. Элькунысь улӥсьёс «Родина», «Справедливая Россия», «Единая Россия», ЛПДР, КПРФ но «Коммунисты России» партиосын ӵектэм кандидатъёс понна куара сётозы.

Со нуналэ ик Удмуртилэн тӧроезлэн интыужез понна 5 адями вожвылъяськоз. Со али улосвыл кивалтӥсьлэсь ужзэ огдырлы быдэсъясь Александр Бречалов – «Единая Россия» партилэн кандидатэз, КПРФ-лэсь быръёнъёсы пыриське Владимир Бодров, ЛДПР-лэсь – Тимур Ягафаров, «Спарведливая Россия» партилэсь – Фарид Юнусов но «Коммунистическая партия социальной справедливости» огазеяськонлэсь – Андрей Иванов. 

8-тӥ гудырикошконэ Удмуртиысь Быръёнъёсъя валтӥсь ӧри Кун Кенеше депутатъёсты быръёнъёсы пыриськон понна куинь партиослэсь элькун лыдметъёссэс пусйыны пумит луиз.

Кызьы ивортэ ӧрилэн пресс-службаез, «Партия социальных реформ» огазеяськонлэсь лыдметсэ пусйыны пумит луизы кандидатъёсты ӵектонлы дурбасьтон кагазъёсты шонертэм гожъямен сэрен, «Партия народной свободы» огазеяськонлэсь — кандидатъёсын элькун лыдметэз пусъён понна ужкагазъёсты сётымтэен, «Партия возрождения России» огазеяськонлэсь — ужоскето ёзэс лыдметэз берыктон сярысь пумкылъян кутэмен сэрен.

Озьыен, Удмуртиысь Кун Кенеше быръёнъёсы азьвыл пусъем куать партиос пыриськозы — «Родина», «Справедливая Россия», «Единая Россия», ЛПДР, КПРФ но «Коммунисты России». Соослэн лыдметъёссыя 416 кандидатъёс пусъемын.

Со сяна, одӥг мандатъем быръён округъёсъя 137 кандидатъёс пусъемын, соос озьы ик куать партиосын ӵектэмын. Озьы ик соос пӧлы пыризы ас кожазы ӵектӥськем муртъёс — Софья Широбокова, Владимир Варламов, Алексей Зверев, Сергей Зуев, Олег Кочуров но Денис Анищук.

Тодэ вайытом, Удмуртиысь Кун Кенешлэсь куаетӥ ӧтчамзэ быръёнъёс 10-тӥ куарусёнэ ортчозы.

5-тӥ гудырикошконэ Удмуртиысь быръёнъёсъя валтӥсь ӧри «Справедливая Россия» но «Родина» партиослэсь Кун Кенеше быръёнъёсы пыриськон понна кандидатъёсын элькун лыдметъёссэс пусйиз. Со сярысь ивортэ ЦИК-лэн пресс-службаез.

Озьыен, туннэ нуналлы партиослэн лыдметъёссыя пусъем кандидатъёслэсь инлыксэс басьтӥзы куать партиослэн 417 ӵектэм муртъёссы — «Родина», «Справедливая Россия», «Единая Россия», ЛПДР, КПРФ, но «Коммунисты России». Пусйымтэ на «Партия народной свободы», «Партия возрождения России» но «Партия социальных реформ» огазеяськонъёслэн ыстэм муртъёссы.

Со сяна, улосвылысь Быръёнъёсъя валтӥсь ӧри одӥг мандатъем округъёсъя 121 кандидатъёсты юнматӥз ни. Соос куать партиослэн лыдметъёссыя пусъем куать огазеяськонъёслэн ыстэм муртъёссы луо. Озьы ик соос пӧлы пыризы ас кожазы ӵектӥськем адямиос — Софья Широбокова, Владимир Варламов, Алексей Зверев, Сергей Зуев, Олег Кочуров но Денис Анищук.

Одӥг мандатъем округъёсъя ӵектэм вить кандидатъёсты пусйыны пумит луизы, соос пӧлын «Родная партия» огазеяськонлэн ыстэм муртэз Елена Путина, «Партия возрождения России» огазеяськонысь Павел Бутченко, озьы ик ас кожазы ӵектӥськемъёс — Рустам Зайнуллин, Василий Семёнов но Дмитрий Смирнов.

Тодэ вайытом, Удмуртиысь Кун Кенешлэн куатетӥ ӧтчамаз депутатъёсты быръёнъёс 10-тӥ куарусёнэ ортчозы.

Тямыс партиослэн улосвыл ёзэтъёссы Удмуртиысь Кун Кенеше быръёнъёсы пыриськон понна ужкагазъёсты Быръёнъёсъя валтӥсь ӧрие сётӥзы. Иворъёсъя «Удмуртия» агентстволы со сярысь вераз ЦИК-лэн секретарез Олег Пырегов.

Бырйисьёслэсь люкам кинюртэмъёссэс сётӥзы «Единая Россия», КПРФ, ЛДПР, «Справедливая Россия», «Коммунисты России», «Родина», «Партия Возрождения России», «Партия Социальных Реформ — Прибыль от природных ресурсов — Народу». Одӥг мандатъем округъёсъя кандидатъёссэ озьы ик ӵектӥз «Родная партия».

Азьвылгес быръёнъёсы «Партия народной свободы» пыриськыны чакла вал, но со кинюртэмъёсты ӧрие ӧз сёты.

Пусъёмы, ужкагазъёсты кутон 31-тӥ пӧсьтолэзе йылпумъяськиз. Элькун парламентэ быръёнъёс 10-тӥ куарусёнэ ортчозы, соку ик Удмуртилы тӧроез быръёнъёс мынозы. Кун Кенешлэн выль ӧтчамаз 60 депутатъёслуозы, али 90 вал.

Улосвылысь Быръёнъёсъяя валтӥсь ӧри 27-тӥ пӧсьтолэзе ортчем кенешоназ Удмуртилэн Кун Кенешаз депутатэ кандидатъёсын «Родина» партилэсь элькун лыдметсэ юнматӥз, со тямысэтӥез быръёнъёсы пыриськись политика огазеяськон луиз ни. Со сярысь ивортэмын ӧрилэн нимлыко сайтаз.

Тодэ вайытом, азьвылгес Быръёнъёсъя валтӥсь ӧри таӵе партиослэсь кандидатъёсын элькун лыдметъёссэс юнматӥз: «Единая Россия», КПРФ, ЛДПР, «Родина», «Коммунисты России», «Партия народной свободы», «Партия возрождения России» но «Партия Социальных Реформ — Прибыль от природных ресурсов — Народу».

Со сяна, одӥг мандатъем округъёсъя кандидатъёсын лыдметъёссы «Единая Россия», КПРФ, ЛДПР, «Родина», «Коммунисты России» партиослэн юнматэмын. Отчы одӥг адямиен ӵектӥзы «Партия Возрождения России» но «Родная партия». Озьы ик округъёсъя 11 мурт ачиз ӵектӥськиз, одӥгез соос пӧлысь кандидат сямен пусъемын ни.

Удмуртиысь Кун Кенешлэн куатетӥ ӧтчамаз быръёнъёс 10-тӥ куарусёнэ ортчозы. Тодэ вайытом, депутатъёслэн лыдзы 90-ысь 60-озь кулэсмоз. Со нуналэ ик элькунлы тӧроез дырызлэсь вазь быръёнъёс мынозы.

«Удмуртиысь Кун Кенеше быръёнъёс-2017» темая вань иворъёс

Удмуртиысь Быръёнъёсъя валтӥсь ӧри Кун Кенеше быръёнъёсы пыриськон понна «Родина» но «Коммунисты России» партиослэн кандидатъёсынызы лыдметъёссэ юнматӥз. Кызьы ивортэ ЦИК-лэн пресс-службаез, со кандидатъёс одӥг мандатъем округъёсъя бырйиськозы.

Со сяна, ӧри «Коммунисты России» партилэсь кандидатъёсын элькун лыдметэз юнматӥз.

Тодэ вайытом, Быръёнъёсъя валтӥсь ӧри азьвылгес сизьым партиослэсь кандидатъёсын лыдметъёссэс юнматӥз — «Единая Россия», КПРФ, ЛДПР, «Родная партия», «Партия возрождения России», «Партия народной свободы» но «Партия Социальных Реформ — Прибыль от природных ресурсов — Народу».

Удмуртиысь Кун Кенеше быръёнъёс 10-тӥ куарусёнэ ортчозы.

Та сярысь вань иворъёс татын: «Удмуртиысь Кун Кенеше быръёнъёс — 2017»

Удмуртиысь Быръёнъёсъя валтӥсь ӧри Кун Кенешлэсь куатетӥ ӧтчамзэ быръёнъёсы пыриськон понна куинь партиослэсь кандидатъёсын лыдметъёссэс юнматӥз — «Единая Россия», ЛДПР но «Родная Партия» огазеяськонъёслэсь. Со сярысь ивортэ ЦИК-лэн пресс-службаез.

Со сяна, ЛДПР-лэсь кандидатъёсын элькун лыдмет юнматэмын.

Азьвылгес Быръёнъёсъя валтӥсь ӧри «Партия Возрождения России», КПРФ, «Партия народной свободы», «Партия Социальных Реформ — Прибыль от природных ресурсов — Народу» огазеяськонъёслэсь кандидатъёсын лыдметъёсты юнматӥз.

Тодэ вайытом, Удмуртиысь Кун Кенешлэн куатетӥ ӧтчамаз быръёнъёс 10-тӥ куарусёнэ ортчозы.

Та темая вань иворъёс «Удмуртиысь Кун Кенеше быръёнъёс — 2017» сюжетын

Туннэ, 19-тӥ инвожое, «Единая Россия» партилэн улосвыл ёзэтэзлэн политсоветэз ортчиз. Отын Кун Кенешлэн куатетӥ ӧтчамаз депутатъёсты быръёнъёсы элькунъя списоклэн нырысетӥ куинь чуръёсаз кандидатъёсты пыртон понна кура сётӥзы.

Лыдметлэн нырысетӥ чураз — улосвыл тӧролэсь ужзэ огдырлы быдэсъясь Александр Бречалов.

Кыкетӥ интыын — элькунысь йӧскалык политикая министрлэн воштӥсез, «Удмурт Кенеш» огазеяськонлэн тӧроез Татьяна Ишматова.

Куинетӥез кандидат — ожгар лэсьтӥськонъя 8 номеро валтӥсь управленилэн (ГВСУ № 8) кивалтӥсез, партилэн улосвыл ёзэтэзлэн секретарезлэн воштӥсез Алексей Прасолов.

Сыӵе список понна куаразэс сётӥзы политсоветлэн ваньмыз 32 ёзчиосыз.

Тодэ вайытом, Удмуртиысь Кун Кенешлэн куатетӥ ӧтчамаз депутатъёсты быръёнъёс 10-тӥ куарусёнэ ортчозы.

Та ужпумъя вань иворъёсты лыдӟе «Удмуртиысь Кун Кенеш быръёнъёс — 2017» сюжетысь

Удмуртилэн Кун Кенешаз быръёнъёсын «Единая Россия» партилэн списокезъя ӧжытсэ 60 процентсэ куараосты люканы чакла. 15-тӥ инвожое журналистъёслы со сярысь вераз партилэн улосвыл ёзэтэзлэн секретарез, элькун парламентлэн тӧроез Владимир Невоструев.

«Единая Россиялэн» ужпумез — партилэн списокезъя 60 процентсэ куараосты люкан», — вераз спикер.

Озьы ик со пусйиз, Кун Кенеше ортчозы, дыр, элькун парламентын туннэ ужась мукет партиос но — КПРФ, ЛДПР но «Справедливая Россия». Солэн кылъёсызъя, луонлыкъёссы вань парламентэ пырымтэ партиослэн но, отчы шедён понна 5 процентсэ кураосты люкано луоз, азьвыл быръёнъёсын 7 процент кулэ вал.

Владимир Невоструев озьы ик тодэ вайытӥз, быръёнъёсы пыриськон понна кандидатъёсты «Единая Россия» 3-тӥ пӧсьтолэзе пусъёз шуыса. Солэн верамезъя, тросэз соос праймеризын вормисьёс луозы. Нырысь-валысь куара сётонын партилэн списоказ кыкетӥ но куинетӥ инты басьтэм куд-ог муртъёс быръёнъёсы пыриськыны пумит луо, шуиз Невоструев, но нырысетӥ инты басьтэмъёслэсь пумит кариськонъёс али ӧвӧл.

Малпа-а со вуоно ӧтчамын но Кун Кенешлэн тӧроез интые кыльыны шуыса юанлы, Владимир Невоструев вераз, со депутатъёсты быръёнъёсы пыриськыны малпа, но азьланез сярысь 10-тӥ куарусён бере гинэ вераськыны луоз.

Тодэ вайытом, Кун Кенешын депутатъёслэн лыдзы куатетӥ ӧтчамысен али 90-ысь 60 муртозь кулэсмоз.

Улосвыл парламентэ быръёнъёс 2017-тӥ арын 10-тӥ куарусёнэ ортчозы.

Удмуртилэн Кун Кенешысьтыз депутатъёслэсь лыдзэс кулэстэм бере, бырйисьёслэсь куронъёссэс быдэсъян понна висъяськись коньдонлэн быдӟалаез уз воштӥськы. Со ссярысь туннэ, 15-тӥ инвожое, журналистъёслы вераз элькун парламентлэн тӧроез Владимир Невоструев.

«2018-тӥ арлы коньдэтын 90 миллион манет чакламын луоз шуыса малпаськомы (бырйисьёслэсь куронъёссэс быдэстонлы — ред.)», — вераз Владимир Невоструев.

Солэн кылъёсызъя, со коньдонэз «котькуд ёрос кӧня басьтэ вал, сомында ик басьтоз».

Тодэ вайытом, Удмуртиысь Кун Кенешлэн куатетӥ ӧтчамаз депутатъёслэн лыдзы 90-ысен 60-озь кулэсмоз.

Улосвыл парламентэ быръёнъёс 2017-тӥ арын 10-тӥ куарусёнэ ортчозы.

Наверх
Вниз