100 лет государственности Удмуртии
Ижкар+12 °C
1 -тӥ инвожо 2020 Вордӥськон
16+

Туннэ, 27 феврале, Башкортостанысь Татышлы ёросысь Выль Татышлы гуртын Кузебай Гердлы сӥзем научно-практической конференция ортчиз. Со сярысь «Мынам Удмуртие» телерадиокомпания (16+) ивортэ.

Удмуртилэн кунлыкезлы 100 ар тырмонлы тупатэм ужрадэ Башкортостанысь, Удмуртиысь, Пермь шаерысь ыстэм муртъёс пыриськизы - со «Удмурт Кенеш» огазеяськонлэн ёрос ёзэтъёсызлэн кивалтӥсьёссы, улосвыъёсысь удмуртъёслэн огазеяськонъёссылэн азьветлӥсьёссы, тодосчиос, мер ужасьёс, дышетӥсьёс, студентъёс но школаын дышетскисьёс.

«Герд лыдӟонъёс» Туэ 23-тӥзэ радъяськиз ни. Солэн темаез «Трокай Борисов, Кузебай Герд но Максим Прокопьев – Удмурт кунлыкез кылдытӥсьёс» вал

Кузебай Гердлы сӥзем конференци улсын егитъёслы но нылпиослы нимысьтыз визьсынан ортчиз. Блиц-турнирын удмуртъёслэн историеныз герӟаськем юанъёс чузъяськизы. Озьы ик пиналъёслы Ижкарысь Кузебай Герд нимо йӧскалык гимназилэн удмурт дышетскисьёслы проектной офисэз сярысь веразы, гимназилэн улонэныз тодматӥзы. 

Озьы ик конференциын 2019-тӥ ар понна Кузебай Герд нимо йӧскалык премилэсь лауреатъёссэ пусйизы. Премиез Башкириысь удмуртъёслэн лулчеберетъя йӧскалык центрзылэн кивалтӥсезлэн воштӥсезлы Юрис Саитовлы но Удмуртиысь калык кырӟанъя но эктонъя «Айкай» театрлэн кивалтӥсезлы Пётр Даниловлы сётӥзы. 

Туэ «Герд лыдӟонъёс» 27-тӥ тулыспалэ Башкириысь Вылӥ Татышлы черкогуртын ортчозы. Сыӵе пумкылъян «Удмурт Кенеш» огазеяськонлэн тӧроез Татьяна Ишматова дорын нырысетӥез радъясь комитетлэн пумиськоназ кутӥзы, ивортэ огазеяськонлэн пресс-службаез.

Башкирие ӵемгес асьмеос творческой коллективъёсты, ансамбльёсты гинэ поттаськом. Таӵе научной ужрад но соослы туж кулэ, дыр. Палэнын улӥсь удмуртъёслы со бадӟым юрттэт, нош «Герд лыдӟонъёслы» выль омыр, выль шокчон луысал
Татьяна Ишматова, «Удмурт Кенеш» огазеяськонлэн тӧроез

Конференци Удмуртилэн кунлыкезлы 100 ар тырмонлы сӥземын луоз. Соин валче вераськон Кузебай Герд сяна, мукет удмурт югдытӥсьёс сярысь но мыноз.

Конференци «Трокай Борисов, Кузебай Герд но Максим Прокопьев – Удмурт кунлыкез кылдытӥсьёс» нимаськоз

Ужрадын сётэм темая докладъёс лыдӟозы, адӟытонъёс ужалозы, дышетскись пиналъёс понна квест радъялозы. Озьы ик ужрад улсын Кузебай Герд нимо йӧскалык премиез басьтӥсьёсты пусъёзы. 

Тодэ вайытом, кылем арын данъетэз Удмуртиысь калык суредасьлы Семён Виноградовлы но Грак ёросысь депутатъёслэн кенешсылэн тӧроезлы Михаил Крестьяниновлы сётӥзы.

21-тӥ тулыспалэ Ижкарысь Кузебай Герд нимо кун йӧскалык гимназиын «Герд лыдӟонъёс» XXII элькун научно-практической конференци ортчиз. Таяз ардэ ужрадэз Кузебай Гердлэн выль удмурт интеллигенциез будэтон удысын тыршемезлы сӥзизы.

Конференцие быдэс улосвылысь 200 пала адями вуиз: тодмо тодосчиос, литератураез эскерисьёс, мер ужасьёс, удмурт кылъя но литературая дышетӥсьёс, студентъёс но дышетскисьёс.

Ужрадмы туж пусйымон нуналэ тупаз – Анай кыллэн калыккуспо нуналаз, вераз, люкаськемъёсты пумитаса, «Удмурт Кенеш» огазеяськонлэн тӧроез, Удмуртилэн Кун Кенешысьтыз ялан ужась ӧрилэн кивалтӥсез Татьяна Ишматова. Конференциез ортчон инты но юнме быръемын ӧвӧл, ӵапак Кузебай Герд нимо гимназиын вуоно удмурт интеллигенцилэн пушъетэз кылдэ шуыны луоз, со сяна, дышетсконнилы туэ 25 ар тырме.

Берло дыре асьмеос трос кылӥськом, пӧртэм удысъёсъя кадръёсты дасяны кулэ шуыса. Ӵапак толон аслаз посланиеныз вазиськиз калыклы, Федерал Собранилы асьме азьмуртмы Росси Федерациысь Владимир Владимирович Путин и туж трос кылъёс верамын вал именно кадръёсты дасян пумысен. Удмурт калыклэсь улонзэ басьтыны ке, <…> туж трос лэсьтэмын вал асьме азьветлӥсьёсынымы, югдытӥсьёсынымы, удмурт калыклэн но йӧно, быгатӥсь, визьмо пиосыз но нылъёсыз мед будозы шуыса. Соин ик ми туэ бырйимы таӵе темаез: кыӵе вал Кузебай Гердлэн ролез, шуом, удмурт кадръёсты дасян бордын. <…> Туннэ солэсь адӟем карыса, асьмеос но, «Удмурт Кенеш» огазеяськон пыр ваньмы ӵош кариськыса, озьы ик кадръёсты дасянъя мед быгатомы ужаны, азьланьтыны та удысмес
Татьяна Ишматова, «Удмурт Кенеш» огазеяськонлэн тӧроез, Кун Кенешысь ялан ужась ӧрилэн кивалтӥсез

Удмуртиысь йӧскалык политикая министр Лариса Буранова вераськонзэ озьы ик Анай кыллэн нуналэз бордысь кутскиз. Анай кыл – со котькуд калыклэн выжыез, кылмы луоз ке, калыкмы но улоз, пусйиз со.

XXII Герд лыдӟонъёс

10 фото

Озьы ик министр Герд лыдӟонъёс улсын калыккуспо кенешон площадка кылдытыны ӵектонзэ вераз. Солэн кылъёсызъя, «Удмурт Кенешлэн» исполкомаз та ужпумез вазенгес ӝутылӥзы ни вал.

Герд лыдӟонъёсын лэсьтыны кулэ калыккуспо площадка, кытын учкыны кулэ, дыр, стратегической, мон шуысал, юанъёсты: кызьы али туала калыкъёс та дунне вылын асьсэдыз шӧдо но кытчы вамыштыны кулэ. Соин ик та аре со бордын но кӧня ке ужаны кулэ, ми дась пыриськыны та уже. Мон малпасько, Гер ниммы, Кузебай Гердмы – со сыӵе ми понна, калык понна, мон малпасько, мукет калыкъёс понна но, туж сыӵе бадӟым кизили. Кулэ лэсьтыны, дыр, сыӵе площадка, кытын ми быгатом нуыны практической ужъёс, практической юанъёсты эскерыны
Лариса Буранова, Удмуртиысь йӧскалык политикая министр

Элькун конференцие «Удмурт Кенеш» огазеяськонлэн дано президентэз Валентин Тубылов но вуиз. Герд лыдӟонъёсты нырысьсэ ортчытыку, соос сокем трос луозы шуыса ум малпаське вал, нош табере тани 22-тӥзэ люкаським ни, шуиз со.

Весь бугыръяло, бугыръяло асьмелэн тодосчиосмы, весь мар ке но вылез сюре. <…> Сомында уж лэсьтэмын сыӵе вакчи улытозяз асьме дунне вылын. Со огазеяз калыкез, сое ноку но вунэтоно ӧвӧл. азьланяз но лэсьтоно на- бадӟым пайда сётэ. Али шумпотӥсько соин, шонер соку малпаллям монэн ӵош ужась эшъёс
Валентин Тубылов, «Удмурт Кенеш» огазеяськонлэн дано тӧрез

Озьы ик Валентин Тубылов Удмуртилэн кунлыкезлы 100 ар тырмон улсын Кузебай Гердлэсь нимзэ, солэсь ужъемышсэ эшшо паськытгес возьматыны кулэ шуыса пусйиз.

Вуоно арын 100 ар тырме асьме кунлыкмылы. Тодӥськоды, со борды туж трос кужымзэ понӥз Кузебай Герд, мукетъёсыз но. Оло, вуоно аре Герд лыдӟонъёсы пыртыны кулэ вал, кызьы асьме Удмуртиямы кылдӥз кунлык, кин отчы сомында кужым понӥз, кытысь со потӥз. Ваньмыз малпа, дыр, яке вала, дыр: соос ке ӧй луысал, оло, луысал, оло, ӧй луысал Удмуртимы. Скорей всего, ӧй луысал. Соку удмурт кыл сярысь но, удмурт культурая сярысь но вераськон ӧй луысал ни. Самой отысь потӥз ваньмыз – соос бордысь
Валентин Тубылов, «Удмурт Кенеш» огазеяськонлэн дано тӧрез

Люкаськем калыклы вазиськиз Удмуртиысь Кун йӧскалык театрлэн кивалтӥсез, Кун Кенешысь депутат Андрей Ураськин но. Солэн верамезъя, Герд лыдӟонъёсты Удмуртилэн пӧртэм ёросъёсаз ортчытъян туж шонер, со отын улӥсьёслы выль мылкыдъёсты, малпанъёсты вуттыны луонлык. Но озьы ик туж умой, туэ конференци Кузебай Герд нимо гимназиын радъяськиз шуыса. Андрей Ураськин

Читать полностью

21-тӥ тулыспалэ Ижкарысь Кузебай Герд нимо гимназиын (Петров нимо урам, 19) Удмуртиысь Йӧскалык лыдӟетъюртлэн фондысьтыз книгаосын «Кузебай Герд – нылпиослы. Кузебай Герд - детям»  адӟытон ужалоз. Со XXII Герд лыдӟонъёс улсын радъяськоз, ивортэ лыдӟетъюртлэн пресс-службаез.

Адӟытонын возьматэмын луозы Кузебай Гердэн 1920-тӥ арын дасям нылпиослы «Муш» удмурт журнал, 1924-тӥ арын потэм «Шуныт зор» но 1929-тӥ арын потэм «Выль сюрес» учебникъёс, кудъёсаз Герд ӟуч но удмурт кылбурчиослэсь но гожъяськисьёслэсь произведениоссэс люказ. Озьы ик соин поттэм удмурт кылын арифметикая, геометрияя, котыр дуннея (окружающий мир – ред.) книгаосын тодматскыны луоз.

Возьматонэз ХХ даурлэн кыкетӥ ӝыныяз-XXI даурлэн нырысетӥ ӝыныяз поттэм нылпиослы книгаос паськытатозы. Отчы пырозы «Пичиослы салам» (1965) но «Туриос» (1969) кылбуръёсын бичетъёс, школае мыныны дасяськись пиналъёслы «Вуюись» (1985) но «Шунды» (1987) хрестоматиос, семьяен лыдӟыны «Зарни дэремен шунды» (2006) но «Азвесь кышетэн толэзь» (2007) бичетъёс. Яркыт вылбамъёсынызы но суредъёсынызы синмез кыскозы 2011-тӥ арын потэм «Кузь кук Дарья» но «Бакча котырын» нылпи книгаос.

Пусйыны кулэ, туннэ хрестоматиосты кылдытӥсьёс Кузебай Гердлэсь ужъёссэ туала дышетскон программаосы пырто. Кылсярысь, адӟытонын 1992-тӥ арын потэм 1-тӥ но 2-тӥ классъёслы «Покчи эше» хрестоматия, 2003-тӥ арын потэм «Котырысь улон но мон», 5-тӥ-11-тӥ классъёсын дышетскисьёслы пӧртэм аръёсы потам «Удмурт литература» книгаос луозы. Гердлэн ужъёсыз ӵем гинэ «Луч», «Кизили», «Вордскем кыл», «Кенеш» журналъёсын потало.

Тодэ вайытом, 2019-тӥ арын Герд лыдӟонъёс Ижкарысь Кузебай Герд нимо йӧскалык гимназиын 21-тӥ тулыспалэ ортчозы шуыса пумкылъянэз радъясь комитетлэн кенешоназ кутӥзы. Конференцилэн темаез – «Кузебай Гердлэн выль удмурт интеллигенциез будэтон удысын тыршемез». Озьы ик ужрадын Кузебай Герд нимо йӧскалык премиез сётозы.

Ватсан

Кузебай Герд (Кузьма Павлович Чайников) вордӥськиз 1898 арын. Удмурт
Читать полностью

«Герд лыдӟонъёс» элькун конференци 2019-тӥ арын 21-тӥ тулыспалэ Ижкарысь Кузебай Герд нимо йӧскалык гимназиын ортчозы. Сыӵе пумкылъян кутӥзы радъясь комитетлэн кенешоназ. Со сярысь Ивортодэтъя «Удмуртия» агентстволы вераз комитетлэн ёзчиез Елена Рябина.

Солэн кылъёсызъя, конференцилэсь темазэ ӧз пусъе на, но валтӥсь ивортонъёсты пиналъёс но егитъёс лэсьтозы шуыса вераськизы.

Азьвыл докладъёс лыдӟо вал тодмо тодосчиос, таяз радэ луозы дышетскисьёс но студентъёс. Докладъёс сӥземын луозы Гердлы, солэн мытэм ужъёсызлы но озьы ик герӟаськемын луозы дышетскон интыосын (Можга педколледж яке Мултан, кылсярысь), соослэн интызы удмурт калыклэн историяз
Елена Рябина, Герд лыдӟонъёсты радъясь комитетлэн ёзчиез

Конференцие быдэс Удмуртиысь 200 адями вуоз шуыса чаклало. Озьы ик ӧтёнъёс палэнысь удмуртъёслы но лэзёзы.

Туэ ӧтёзы Ижысь тросгес дышетскисьёсты (нырысь ик удмуртъёссэ, угось лыдӟонъёс удмурт кылын ортчозы): школаосысь но, шоръёзо ӧнер дышетсконниосысь но, УдГУ-ысь но
Елена Рябина, Герд лыдӟонъёсты радъясь комитетлэн ёзчиез

Тодэ вайытом, кылем арын Герд лыдӟонъёс Вавож ёросын радъязы. Туэ конференциез ортчытыны интыез быръёнлэсь мугзэ азьвылгес валэктӥз «Удмурт Кенеш» огазеяськонлэн тӧроез Татьяна Ишматова.

Кемалась ини отчы ӧм поталэ. Пиналъёсты но адӟем потэ, кызьыгес азьланьтӥське уж гимназиын. Но со дыре ик, тодӥськоды, асьмеос быдэс арзэ ёросъёстӥ ветлӥм, Ижкарын кема ӧй вал ни ужрадъёсмы, соин ик люкаськом шоркарамы шуыса малпамы таяз аре
Татьяна Ишматова, «Удмурт Кенеш» огазеяськонлэн тӧроез

Конференциын ик Кузебай Герд нимо йӧскалык премиосты сётозы.

Тодэ вайытом, нырысетӥосыз Герд лыдӟонъёс Удмуртиын 1988-тӥ арын ортчизы. 2017-тӥ арын конференциез Пичи Пурга черкогуртын радъязы. Со нимаськиз «Кузебай Гердлэн дуннеосыз: Гурт — Кар — Кыл — Революция». Кылем арын Вавожын «Кузебай Герд улэ асьмемын ӵош» темая ивортонъёс лэсьтӥзы. 

Тодмо луиз элькун «Герд лыдӟонъёсты» ортчытонлэн дырыз но темаез. Конференци Вавожысь лулчеберетъя юртын 15-тӥ тулыспалэ ортчоз. Ужрадлэн темаез: «Кузебай Герд улэ асьмемын ӵош». Со сярысь ивортодэтъя «Удмуртия» агентстволы «Удмурт Кенеш» огазеяськонлэн кылкутӥсь секретарез Елена Александрова вераз.

Солэн кылъёсызъя, «Герд лыдӟонъёсъя» ужась ӧрилэн пумиськонэз 16-тӥ толшоре ортчиз. Дырзэ но темазэ сяна, радъясьёс валтӥсь докладчикез но бырйизы. Со литератураез эскерись но кылбурчи, кылосбур тодосъя доктор Василий Ванюшев луоз. Озьы ик ужрадын мылкыд карисьёс но вераськыны быгатозы.

Вань пыриськисьёс (Кузебай Герд нимо — ред.) гимназиысь дышетӥсьёс но нылпиос, собере отысь но вань мылкыд карисьёс, Вавожысь. Озьы ик тодосчиос сётэмын мылкыд, Йӧскалык лыдӟетъюртысь вуэмын куронъёс
Елена Александрова

Чакланъёсъя, «Герд лыдӟонъёс» элькун конференцие 400 пала адями люкаськоз.

«Удмурт Кенешлэн» кылкутӥсь секретарез ватсаз, ужрадъя паськытатэм оргкомитет Вавож ёрос администрациын 19-тӥ толшоре люкаськоз. Отчы огазеяськонлэн тӧроез Татьяна Ишматова но пыриськоз.

Элькун конференциез радъянъя но ортчытонъя Вавож ёросысь ӧрилэн нырысетӥ пумиськонэз 11-тӥ толшоре ортчиз. Отын вераськизы, кыӵе огазеяськон, ӧнерчи мар понна кылкутоз. 

Тодэ вайытом, элькун «Герд лыдӟонъёс» Ижкарлэн палэназ туэ кыктэтӥзэ радъяськозы ни. Кылем арын ужрад Пичи Пурга ёросын ортчиз.

Таяз арын «Герд лыдӟонъёс» XXI элькун конференциез Кузебай Гердлэн вордскем палъёсаз — Вавож черкогуртын радъялозы. Туннэ, 11-тӥ толшоре, ёрос администрациын ужрадэз дасянъя но ортчытонъя оргкомитетлэн нырысетӥ пумиськонэз вал. Ивортодэтъя «Удмуртия» агентстволы со сярысь вераз Вавож ёросысь тӧролэн мерлыко ужпумъёсъя воштӥсез, радъясь комитетлэн кивалтӥсезлэн воштӥсез Татьяна Пастухова.

Солэн кылъёсызъя, пумиськонын вераськизы, кыӵе огазеяськон, ӧнерчи мар понна кылкутоз: сюдон, эрикрадэз утён, сценарий, ужанрадлык… Чакланъёсъя, «Герд лыдӟонъёсы» быдэс элькунысь 400 адями вуоз. Нош ачиз нуналыз туннэ тодмо ӧвӧл на.

Туннэ радъян ужпумъёс сярысь вераськимы. Ачиз нуналыз, 15-тӥе яке 19-тӥе со луоз, али Элькунын ласянь эскериське на. Чакланъёсъя, 15-тӥ тулыспал
Татьяна Пастухова

Озьы ик али тодмо ӧвӧл на, кыӵе темаез луоз Кузебай Гердлэн вордскем дырысеныз 120 ар тырмонлы сӥзем элькун конференцилэн, сое элькун ёзын пусйыны кулэ.

Радъясь комитет котькуд покчинуналэ люкаськылоз. Татьяна Пастуховалэн верамезъя, вуоно пумиськонлы конференцилэн ужанрадлыкез дась луоз ни, дыр. 

«Радъян ласянь мукетъёслэсь ляб ум луэ шуыса оскисько, куноосты паймытыны но малпаськомы», — пусйиз со.

Ёросъёсысь котькуд делегациез пумитаны нимысьтыз адями висъялозы. Радъясь комитетлэн кивалтӥсезлэн воштӥсез верамъя, со одно ик удмурт кылэз тодыны но ёрос сярысь вераны быгатыны кулэ.

Тодэ вайытом, 2017-тӥ арын ХХ элькун «Герд лыдӟонъёс» 16-тӥ тулыспалэ Пичи Пургаын ортчизы. Радъясьлэн, «Удмурт Кенеш» огазеяськонлэн, кичӧлтэмезъя, конференци нырысьсэ Ижкарлэн палэназ радъяськиз. Ужрадын вить докладъёсын тодматӥзы. 

Пичи Пургаын ортчем «Герд лыдӟонъёс» улсын 16-тӥ тулыспалэ элькунысь удмурт тодосчиос но азьветлӥсьёс Кузебай Герд, солэн ужъёсыз, калыкез туннэ сюлмаськытӥсь ужпумъёсын докладъёсынызы тодматӥзы. Со сярысь ивортэ «Удмуртия» агентстволэн корреспондентэз.

Кузебай Гердлэн публицистикаез пыр со вакытысь лэчыт ужпумъёс адӟиськон сярысь яркыт докладзэ лыдӟиз Удмурт кун университетысь дышетӥсь, кылосбур тодосъя кандидат Александр Шкляев.

«Солэн (Кузебай Гердлэн — ред.) сюлэмыз висе вал котькуд событие понна. Солэсь творчествозэ кылбурысь кылбуре эскерыны луэ, мар сое сюлмаськытэ вал но кызьы солэн сюлмыз бугыръяськиз кунлык поттон ласянь, кылэз мургес дышетон ласянь, книга-газет поттон ласянь. Ваньмыз со сое сюлмаськытэ вал. Кызьы шуэмын вал Пушкинлэн «Все волновало нежный ум». Гердэз сюлмаськытэ вал котькуд событие. Калыклэн улон сюресэз. Берло со допросын шуиз: «Монэ быдтӥз удмурт калык борды пуны кадь дэмӟиськеме» («Меня погубила моя собачья преданность удмуртскому народу»). Удмурт ужпумъёсты со кадь шӧдӥсь адями ноку но ӧй ни вал», — пусйиз тодосчи иворъёсъя «Удмуртия» агентстволэн корреспондентэныз вераськыкуз.

Глобализация вакытэ кылъя политика сярысь вераськон мытӥз Россиысь тодосъя академилэн Урал ёзэтысьтыз Историяя, кылъя но литературая удмурт институтлэн кивалтӥсезлэсь ужзэ огдырлы быдэсъясь Александр Егоров. Со кылэз выльдытон сярысь нимаз вераськиз. Кылсярысь, кызьы со ортче вал ХХ даурлэн кутсконаз Европаысь пӧртэм кунъёсын - Франциын, Венгриын -  но асьме дорын, али кыӵе воштӥськонъёс но кыӵе ужпумъёс сыло кылчиос азьын яке огшоры удмурт калык азьын.

«Вераны кулэ, Европаысь кылъёсы но али туж зол англи кылъёс пыро глобализациен йырин. Пӧртэм валатонъёсты адямиос тыршо али кылын вераны. Нош Франциысь тодосчиос солы пумит луо, малы ке шуоно соослэн утемзы потэ француз кылзэс, мед луоз кылзы чылкытгес шуыса. Соин соос малпало пӧртэм амалъёс, кылдыто пӧртэм сайтъёсын опрос выллем яке выль кылъёсын лыдмет пырто, кудзэ огшоры калык лыдӟыны быгатэ

Читать полностью

«Герд лыдӟонъёс» 1992-тӥ арысен нырысьсэ Ижкарлэсь палэнын, Пичи Пургаын, ортчизы. 16-тӥ тулыспалэ черкогуртэ быдэс элькунысь трос гинэ тодосчиос, кылчиос, дышетӥсьёс, пиналъёс вуизы. Ужрадлы йылпумъянъёс иворъёсъя «Удмуртия» агентстволэн корреспондентэзлэн ивортоназ.

«Удмурт Кенеш» огазеяськонлэн тӧроез Татьяна Ишматова таӵе амал туж яраз но азьланяз сое азинтыны чаклало шуыса пусйиз.

«Малпасько, туннэ туж-туж чебер ужрад пӧрмиз, куке асьмеос адӟим егит, пинал тусъёсты но, адӟим со азьветлӥсьёсмес, кудъёсыз кызь ар талэсь азьло, кызь вить ар талэсь азьло кутскизы вал удмурт движенимес. Пичи Пурга ёросысь калык но кыӵе ке выль мылкыд басьтӥз, оло, шуыса оскем потэ. Пушказы гинэ пӧзьыса ӧз, тазьы быдэс элькунысь азьветлӥсьёсмы лыктыса, соос но быгатӥзы ӝутыны удмуртъёслэсь мылкыдзэс шуыса», — вераз иворъёсъя «Удмуртия» агентстволэн корреспондентэзлы Татьяна Ишматова.

Солэн кылъёсызъя, вуоно арын ужрад Вавожын, Кузебай Гердлэн вордӥськем палъёсаз ортчоз. Нялтас вераса, 2018-тӥ арын гожъясьлэн вордӥськем дырысеныз 120 ар тырмоз.

Кузебай Гердлэсь улонзэ но творчествозэ рос-прос эскерись тодосчи Александр Шкляев нимысьтыз пусйиз, туэ ужрад нырысьсэ быдэсак удмурт кылын мынӥз шуыса, озьы ноку ӧй вал на, пе.

Солэн верамезъя, Кузебай Гердлэн огъя малпанэз ӵапак удмурт кылэз азинтон вал. Соя удмурт кыл мур пырыны кулэ вылэм котькыӵе удысъёсы, кун, кивалтон ёзъёсы, школаосы, нылпи садъёсы.

«Мон малпасько, туж яркыт конференци ортчиз. Уката ик лауреатъёслы премия сётон (Кузебай Герд нимо йӧскалык премия - ред.). Мон шӧдӥ, кыӵе Пурга будэмын, кыӵе солэн лулчеберетэз. Со кар кадь шуыны луоз. Дворецез но, артистъёс но, лауреатъёс но, докладъёс но. Соин ик мыным туж яраз. Та «Герд лыдӟонъёслэн» историязы нимысьтыз сыӵе яркыт пусйымон ужрад», — иворъёсъя «Удмуртия» агентстволэн корреспондентэныз вераськонын пусйиз Александр Шкляев.

«Герд лыдӟонъёсы» 400 пала адями люкаськиз. Конференциын пӧртэм ужпумъёс ӝутэмын вал. Вераськизы Кузебай Гердлэн

Читать полностью

Кузебай Герд нимо йӧскалык премиез сётӥзы 16-тӥ тулыспалэ Пичи Пургаын «Герд лыдӟонъёс» улсын. Туэ сое ньыль адями басьтӥз. Со сярысь ивортэ «Удмуртия» агентстволэн корреспондентэз.

Премилэн лауреатъёсыз луизы Пичи Пургаысь Татьяна но Василий Москвинъёс. Соосты удмурт дӥсез улӟытэмзы но вӧлмытэмзы, удмурт калыклэсь данзэ, лулчеберетсэ, сямъёссэ но йылолъёссэ утёнын но азинтонын, калыкъёслэсь эшъяськонзэс юнматон удысын бадӟым уж нуэмзы понна пусйизы.

Василий Москвин со понна кузпалызлы тау кариз.

«Тани та нылашез мон 18 аресысен адями карыны турттӥ ини, нош данэ поттӥз со монэ», — серем пыр шуиз со.

Фото: Анжелика Петрова
Василий Москвин Кузебай Герд нимо премия сётэмзы понна тау кылъёссэ вера      Фото: Анжелика Петрова © udmurt.media

Премиез эшшо одӥг басьтӥсь луиз Можга карысь крезьгурчи, «Марӟан» ансамбльлэн кивалтӥсез Вячеслав Кудрявцев.

«Та премилы мон туж шумпотӥсько, малпасько, сое зэматыны трос ужаны кулэ. Ужасько мон удмурт кырӟан бордын, нош мылкыды мынам эшшо вань удмурт кылэз ӝутыны: удмурт кырӟан мед чузъяськоз, медаз вунэтэ удмурт кылэз, удмурт кырӟанъёсты. Озьы ужаса, сое адӟизы адямиос, валазы. Соин, малпасько, премия мыным сётӥзы. Шумпотӥсько. Бадӟым тау шуисько «Удмурт Кенешлы» но, вань удмуртъёслы но», — мылкыдзэ вераз со иворъёсъя «Удмуртия» агентстволэн корреспондентэзлы.

Озьы ик пусйизы Эстониысь гожъясез, удмурт литератураез эстон кылэ берыктӥсез Арво Валтонэз. Данъетэз солы сётыны Удмуртиысь гожъясьёслэн огазеяськонзы ӵектӥз.

Та пумиськонэ Арво Валтон вуыны ӧз быгаты, но «Герд лыдӟонъёсы» люкаськемъёслы гожтэт пыр вазиськиз но премиен пусъемзы понна тау кариз.

«Герд удмурт калыклэн лулпушлыко героез вал но, али но луэ. Соослэсь троссэ ужъёссэ эстон кылэ берыктыса но со берыктэмъёсты тросаз изданиосын поттыса, мон туж тырмытскылӥ. Мон оскисько, Кузебай Гердлэн удмурт лулчеберетэз улӟытон понна нюръяськемез удмурт интеллигенция, ас калыксэ, аслэсьтыз быдӟым лулчеберетсэ яратӥсь, аслэсьтыз узыр кылзэ, аспӧртэмлыксэ
Читать полностью

Туннэ, 16-тӥ тулыспалэ, Пичи Пургае «Герд лыдӟонъёсы» Удмуртиысь 400 пала адями люкаськиз — удмурт азьветлӥсьёс, тодосчиос, дышетӥсьёс, пиналъёс. Со сярысь ивортэ «Удмуртия» агентстволэн корреспондентэз.

Пумитан кылъёс веразы «Удмурт Кенеш» огазеяськонлэн тӧроез Татьяна Ишматова, Удмуртиысь йӧскалык политикая министрлэн нырысетӥ воштӥсез Павел Орлов, Пичи Пурга ёрослэн тӧроез Светлана Колодкина.

Та ужрадын гинэ вераськеммы медам кыльы, котькудмы ас интыямы, ас удысмыя мед быгатом лэсьтыны троссэ, но умойзэ удмурт калык понна. Мед чузъяськоз анай кылмы, удмурт кылмы быдэс элькун тыр. Мед со чузъяськоз Россиын, мед котькытын тодозы сыче чебер, визьмо, быгатӥсь удмурт калыкмы шуыса
«Удмурт Кенеш» огазеяськонлэн тӧроез Татьяна Ишматова

Огазеяськонлэн тӧроез Герд лыдӟонъёсын гуртэ потэмзылы шумпотэмзэ вераз но вуоно арын ужрадэз Кузебай Гердлэн вордӥськем палъёсаз — Вавож ёросын ортчытыны чаклало шуыса шараяз.

«Сӥземе потэ Кузебай Гердлэн бадӟым кылёсбурысьтыз выльзэ шедьтыны, удмурт лулчеберетэз азинтонын, вӧлмытонын кыӵе ке выль сюресъёс шедьтыны, со туннэ туж кулэ. Кузебай Гердлэн «Мон — удмурт, мон шудо» кылбурез котьку мед чузъяськоз», — сӥзиз удмурт азьветлӥсьёслы но нылпиослы Павел Орлов.

Конференци пленарной кенешонэн азьланьтӥське. Докладъёссэс лыдӟо:

  • Людмила Шумилова - Пичи Пургаысь ёрос библиотекалэн, удмурт лулчеберетъя «Дэмен» огазеяськонлэн Пичи Пурга ёросысь ёзэтэзлэн кивалтӥсез: «Воршуд шур кузя: маин кужмо удмуртъёс» 
  • Александр Шкляев - кылосбур тодосъя кандидат, Удмурт кун университетысь журналистикая кафедраысь доцент: «Герд но со вакытысь лэчыт ужпумъёс: кылбурчилэн публицистикаез» 
  • Алексей Арзамазов - кылосбур тодосъя доктор, Историяя, кылъя но литературая удмурт институтысь кылосбур эскеронъёсъя ёзэтысь тодосъя ужась: «Гурт — Кар, Кузебай Гердлэн поэзияз удмурт асшӧдонлыкез» 
  • Александр Егоров - кылосбур тодосъя кандидат, Историяя, кылъя но литературая удмурт институтлэн кивалтӥсезлэсь ужзэ огдырлы быдэсъясь: «Кылъя политика глобализация вакытэ» 
  • Игорь Поздеев - истори тодосъя кандидат, Историяя, кылъя но литературая удмурт институтысь междисциплинарной, но прикладной эскеронъёсъя ёзэтысь тодосъя валтӥсь ужась: «Удмуртский язык как ресурс адаптации человека» 

Тодэ вайытом, та нуналэ ик пусъемын луозы

Читать полностью

ХХ элькун «Герд лыдӟонъёс» усьтӥськизы Удмуртиын 16-тӥ тулыспалэ. Радъясьлэн, «Удмурт Кенеш» огазеяськонлэн, кичӧлтэмезъя, конференци нырысьсэ ортче Ижкарлэсь палэнын — Пичи пурга черкогуртын. 

Конференцилэн темаез: «Кузебай Гердлэн дуннеосыз: Гурт — Кар — Кыл — Революция». Герд лыдӟонъёсы «Удмурт Кенешлэн» азьветлӥсьёсыз, огазеяськонлэн ёросъёсысь но каръёсысь ёзэтъёсызлэн ыстэм муртъёссы, элькунысь удмурт кылъя но литературая дышетӥсьёс, Кузебай Герд нимо йӧскалык премилэн лауреатъёсыз. Пленарной кенешонын ивортонъёс лэсьтозы Удмурт кун университетысь но Россиысь тодосъя академилэн Урал ёзэтысьтыз Историяя, кылъя но литературая удмурт институтысь тодосчиос.

Ужрадын озьы ик Кузебай Герд нимо йӧскалык премиосты сётозы. 2016-тӥ ар понна премилэн лауреатъёсыз луизы Пичи Пургаысь Василий но Татьяна Москвинъёс, Можга ёросысь Вячеслав Кудрявцев но Эстониысь гожъясь Арво Валтон.

Тодэ вайытом, Кузебай Герд нимо йӧскалык премия 1992-тӥ арысен сётӥське. Соин удмурт лулчеберетэз, сям-йылолъёсты азинтӥсьёсты, утисьёсты, удмуртъёслэсь шуг-секытъёссэс сэрттӥсь-пертчисьёсты пусъё.

ХХ элькун «Герд лыӟонъёс» Пичи Пургаын

8 фото

Кузебай Гердлы сӥзем XX элькун лыдӟонъёс 2017-тӥ арын 16-тӥ тулыспалэ Пичи Пурга черкогуртын ортчозы. Со нимаськоз «Кузебай Гердлэн дуннеосыз: Гурт — Кар — Кыл — Революция». Сыӵе пумкылъян кутӥзы 31-тӥ толшоре «Удмурт Кенеш» огазеяськонлэн исполкомезлэн кенешоназ. Со сярысь ивортэ «Удмуртия» агентстволэн корреспондентэз.

Герд лыдӟонъёсты нырысьсэ радъялозы Ижкарлэсь палэнын — Пичи Пурга черкогуртын. Вань удмуртъёслэн «Удмурт Кенеш» огазеяськонзылэн тӧроез Татьяна Ишматова верамъя, карын ужрад «кыӵе ке кулуарногес» ортчыны кутскиз вал ини.

«Нош ёросэ потыса, милемыз оскытӥзы, вайыны быгатозы шуыса, нырысь ик, гуртъёсысь пиналъёсыз но, дышетӥсьёсыз но, лулчеберет удысысь ужасьёсыз но. Озьыен, Пургаез ке но асьмеос басьтыны быгатӥськом ини. Со дыре ик ёросъёс но куд-огъёсыз лыктозы. Соослэн тунсыкъяськонзы луоз, дыр, кызьы уло Пичи Пургалан, кыӵе соослэн югдурзы, кызьы соос быгато ортчытыны. Соин ик, оло, мыло-кыдогес лыктозы», — шуиз Татьяна Ишматова.

Солэн кылъёсызъя, радъясь комитетлэн одӥгез пумиськонэз Пичи Пургалэн тӧроеныз Светлана Колодкинаен ортчиз ини.

Пленарной кенешонын таӵе ивортонъёсын тодматозы:

  • «Воршуд шур кузя: маин кужмо удмуртъёс» (Людмила Шумилова, Пичи Пургаысь ёрос библиотекалэн, удмурт лулчеберетъя «Дэмен» огазеяськонлэн Пичи Пурга ёросысь ёзэтэзлэн кивалтӥсез)
  • «Герд но со вакытысь лэчыт ужпумъёс: кылбурчилэн публицистикаез» (Александр Шкляев, кылосбур тодосъя кандидат, Удмурт кун университетысь журналистикая кафедраысь доцент)
  • «Гурт — Кар, Кузебай Гердлэн поэзияз удмурт асшӧдонлыкез» (Алексей Арзамазов, кылосбур тодосъя доктор, Историяя, кылъя но литературая удмурт институтысь кылосбур эскеронъёсъя ёзэтысь тодосъя ужась)
  • «Кылъя политика глобализация вакытэ» (Александр Егоров, кылосбур тодосъя кандидат, Историяя, кылъя но литературая удмурт институтлэн кивалтӥсезлэсь ужзэ огдырлы быдэсъясь)
  • «Удмуртский язык как ресурс адаптации человека» (Игорь Поздеев, истори тодосъя кандидат, Историяя,
Читать полностью
Наверх
Вниз