100 лет государственности Удмуртии
Ижкар+21 °C
7 -тӥ инвожо 2020 Воскресенье
16+

Удмуртиысь Дэри ёрос суд элькунлэн азьвыл тӧроезлэн Александр Соловьёвлэн ужезъя кенешонэз берлолы выжтӥз. Со сярысь улосвылысь судъёслэн огазеяськемзылэн пресс-службаез ивортэ.

Уголовной ужез эскеронэз суд улэ шедем муртлы 65 ареслэсь трос но хронической висёнъёсыз вань шуыса выжтӥзы. Росси азьмуртлэн Владимир Путинлэн указэзъя но Удмуртилэн тӧроезлэн Александр Бречаловлэн косэмезъя пандемия дыръя 65 ареслэсь бадӟым адямиос но кема кыстӥськись висёнъёсын муртъёс нимаз висъяськыса улыны кулэ.

Судлэн кенешонэз 65 аресъем муртъёс понна сюбегатонъёсты палэнтытозь выжтэмын.

Тодэ вайытом, улосвыллэсь азьвыл тӧрозэ 139 миллион манет взятка басьтэмен янгыше уськыто. Александр Соловьёвез 2017-тӥ арын 4-тӥ оштолэзе ӝегатӥзы. Уголовной ужез Дэри ёрос суд эскере.

Дэри ёрос судын нырысетӥ кенешон дыръя Удмуртилэн азьвыл тӧроез адвокатсэ воштыны куриз. Кылем арын 30-тӥ толшоре янгышатон йылсанкылэз (обвинительное заключение) шаряку кун янгышатӥсь Дмитрий Малыгин вераз, Александр Соловьёв взяткалэсь нырысетӥ люкетсэ улосвыл тӧролэсь ужзэ быдэсъякуз ик куриз. Коньдонэз быръён кампанизэ нуыны малпа вал. Кыкетӥез учыр – Кам но Буй шуръёс вамен выжъёсты пуктон понна луо вайись ужбергатӥсьлэсь взятка курон. 2019-тӥ арын 18-тӥ толсуре Александр Солвоьёвез эмъяськонние нуизы. Нош 19-тӥ толсуре судлэн сотэк ортчем кенегшоназ дорын арест улсын возёнэз 2020-тӥ арысь 20-тӥ оштолэзёзь азьланьтон сярысь пумкылъян кутӥзы. 

Дэри ёрос суд Удмуртилэн азьвыл тӧроезлэн Александр Соловьёвлэн ужезъя янгышатон ласянь туконъёсты (доказательствоосты) эскеронэз йылпумъяз. Со сярысь, элькунысь судъя департаментлэн управлениезлэн пресс-службаез вылэ чӧлскыса, «Интерфакс» ивортэ.

Суд 123 адӟисьёслэсь юалляськиз, гожтэм но ваньбур туконъёсты (вещественные доказательства), оперативно-розыскной ужъя материалъёсты, со пӧлын аудио- но видео гожтэмъёсты, эскериз.

Александр Соловьёвлэн адвокатэз судэ нырысь ик утись ласянь адӟисьёсты вайыны мылкыдзэ вераз – 31-тӥ коньывуонэ суд кыксэ кылзоз.

Тодэ вайытом, улосвыллэсь азьвыл тӧрозэ 139 миллион манет взятка басьтэмен янгыше уськыто. Александр Соловьёвез 2017-тӥ арын 4-тӥ оштолэзе ӝегатӥзы. Уголовной ужез Дэри ёрос суд эскере.

Дэри ёрос судын нырысетӥ кенешон дыръя Удмуртилэн азьвыл тӧроез адвокатсэ воштыны куриз. 30-тӥ толшоре янгышатон йылсанкылэз (обвинительное заключение) шаряку кун янгышатӥсь Дмитрий Малыгин вераз, Александр Соловьёв взяткалэсь нырысетӥ люкетсэ улосвыл тӧролэсь ужзэ быдэсъякуз ик куриз. Коньдонэз быръён кампанизэ нуыны малпа валКыкетӥез учыр – Кам но Буй шуръёс вамен выжъёсты пуктон понна луо вайись ужбергатӥсьлэсь взятка курон. Туэ куарусён кутсконын улосвыллэсь азьвыл тӧрозэ эмъяськонние выжтӥзы

Удмуртилэн азьвыл тӧроезлэсь ужзэ судын эскеронын вис каризы, Александр Соловьёвез эмъяськонние интыязы. Со сярысь элькунысь Выли суд бордын ужась суд департаментлэн управлениезлэн пресс-службаез вылэ чӧлскыса «Интерфакс» ивортэ.

Судлэн тӧроез верамъя, Соловьёв стационарын эмъяське, но кыӵе висён солэн, ӧз вера.

Солэн кылъёсызъя, Удмуртилэсь азьвыл тӧрозэ эмъюртэ выжтэмлэсь азьвыл суд янгышатон ласянь туконъёсты (доказательствоосты) эскеронэз азьланьтэ вал. Суд улэ кыскем мурт янгыше уськытон пумысен ӧз вераськы на, берлогес вераськоз шуиз.

Тодэ вайытом, улосвыллэсь азьвыл тӧрозэ 139 миллион манет взятка басьтэмен янгыше уськыто. Александр Соловьёвез 2017-тӥ арын 4-тӥ оштолэзе ӝегатӥзы. Уголовной ужез Дэри ёрос суд эскере. Удмуртилэн азьвыл тӧроезлэн ужезъя адӟисьёслэн лыдметазы 170 адями пыртэмын.


Удмуртилэн азьвыл тӧроезлэн Александр Соловьёвлэн уголовной ужезъя адӟисьёслэн лыдметазы 170 адями пыртэмын. Кун янгышатӥсь Дмитрий Малыгин вылэ чӧлскыса, со сярысь «Интерфакс» ивортэ.

Янгыше уськытӥсьлэн адӟисьёсын лыдметаз 170 адями лыдъяське. Кӧняез ке со пӧлысь Удмурт Элькунлэн палэназ уло
Дмитрий Малыгин, Удмуртиысь прокуратураысь кун янгышатӥсьёслэн ёзэтэнызы кивалтӥсь

Со сяна, следстви дыръя трос мукет туконъёс (доказательствоос) люказы, со пӧлын видео но аудио гожтонъёс. Дмитрий Малыгинлэн верамезъя, ужъя материалъёс 65 том луизы.

Пусъём, улосвыллэн азьвыл кивалтӥсез янгыше уськытон пумысен аслэсьтыз кылзэ судын нош ик ӧз вера.

Монэ янгыше уськытон пумысен кылме туннэ уг вера, валэктонъёс но уг сёты
Александр Соловьёв, Удмуртилэн азьвыл тӧроез

Со дыре ик Удмуртилэн азьвыл тӧроез валэктонъёс сётыны пумит уг кариськы, но вераськоз берлогес.

Тодэ вайытом, улосвыллэсь азьвыл тӧрозэ 139 миллион манет взятка басьтэмен янгыше уськыто. Александр Соловьёвез 2017-тӥ арын 4-тӥ оштолэзе ӝегатӥзы, со нуналэ ик сое следствиосъя изоляторе ворсазы. Следстви куремъя со арын ик 7-тӥ гудырикошконэ сое улон интыын пытсэтанэ выжтӥзы. Оштолэзь кутсконын Александр Соловьёвлы йылпумъян редакциен янгышатон пуктӥзы. 2018-тӥ арысь 4-тӥ оштолэзёзь со улон интыя пытсэтанын улӥз.

Дэри ёрос судын нырысетӥ кенешон дыръя Удмуртилэн азьвыл тӧроез адвокатсэ воштыны куриз. Александр Соловьёв янгыш луэмезъя ӧз танӥськы ке но, ужез нимысьтыз радлыкъя эскерыны уг луы, малы ке шуоно йыруж тужгес секытъёсыз пӧлы пыре. 30-тӥ толшоре янгыше уськытонъя йылпумъянэз шараян дыръя кун янгышатӥсь Дмитрий Малгин вераз, взяткалэсь нырысетӥ люкетсэ Соловьёв улосвыл тӧролэсь ужзэ быдэсъясь луыса ужакуз ик куриз. Басьтэм коньдонэз быръён кампанизэ нуыны малпа вал. Кыкетӥ учыр – Кам но Буй шуръёс вамен выжез лэсьтон понна луо вайись ужбергатӥсьлэсь взятка курон. 

Удмуртилэн азьвыл тӧроез Александр Соловьёв туннэ, 9-тӥ толшоре, Дэри ёросысь судын нырысетӥ усьтэм кенешон дыръя адвокатсэ воштыны курыса вазиськиз. Со сярысь «Интерфакс» ивортэ.

Суд куронзэ санэ басьтӥз. Судлэн кенешонэз 30-тӥ толшоре азьланьтӥськоз.

Пусъём, Александр Соловьёвлэсь ужзэ али Дэриын эскеро, угось йыруж Дэри ёрослэн интывылаз лэсьтэмын вал. Элькунлэн азьвыл кивалтӥсез янгыш луэмез пумысен ӧз танӥськы ке но, ужез нимысьтыз радлыкъя эскерыны уг луы, малы ке шуоно йыруж тужгес секытъёсыз пӧлы пыре.

Тодэ вайытом, улосвыллэсь азьвыл тӧрозэ 139 миллион манет взятка басьтэмен янгыше уськыто. Александр Соловьёвез 2017-тӥ арын 4-тӥ оштолэзе ӝегатӥзы, со нуналэ ик сое следствиосъя изоляторе ворсазы. Следстви куремъя со арын ик 7-тӥ гудырикошконэ сое улон интыын пытсэтанэ выжтӥзы. Оштолэзь кутсконын Александр Соловьёвлы йылпумъян редакциен янгышатон пуктӥзы

Туннэ, 9-тӥ толшоре, 14 часын Удмуртилэн азьвыл тӧроезлэн Александр Соловьёвлэн ужезъя нырысетӥез усьтэм кенешон ортчоз.

Пусъём, азьвылгес веразы вал ужез эскерон кема кыстӥськыны быгатоз шуыса. Суд 144 адӟисьёсты юаны чакла, соос пӧлын элькун кивалтэтлэн но Ижкар администрацилэн ёзчиосыз. Уголовной ужъя материалъёс 70-лэсь трос томе люкамын.

Тодэ вайытом, Удмуртилэн азьвыл кивалтӥсезлэсь ужзэ Дэри ёросысь судын эскеро. Нырысь-валысь кылзонъёс 28-тӥ толсуре ортчизы.

Александр Соловьёвез Кам но Буй шуръёс вамен выжъёсты пуктӥсьёслэсь 139 миллион манет тыр взятка, озьы ик коммерци огазеяськонлэcь 2 миллион 700 сюрс манет сылӥсь люкетсэ басьтэмен янгыше уськыто. Со сяна, следстви чакламъя, улосвыллэн азьвыл тӧроезлы ваньбурен герӟаськем кадастр юрттӥськетэз катэз тӥяса сётӥзы.

Удмуртилэн азьвыл тӧроезлэсь Александр Соловьёвлэсь ужзэ Дэри ёрос суд эскероз. Элькунысь Вылӥ суд бордын ужась Суд департаментлэн управлениезлэн пресс-службаез вылэ чӧлскыса, со сярысь «Интерфакс» ивортэ.

Пусъемын, нырысь-валысь кылзонъёс 28-тӥ толсурлы чакламын шуыса, сое ворсам амалэн ортчытозы. Ужъя материалъёс ёрос судэ 20-тӥ толсуре вуизы.

Тодэ вайытом, следстви чакламъя, 2014-2016 аръёсы Александр Соловьёв Кам но Буй шуръёс вамен выжъёсты пуктӥсьёслэсь 139 миллион манет тыр взятка басьтӥз, озьы ик коммерци огазеяськонлэcь 2 миллион 700 сюрс манет сылӥсь люкетсэ. Со сяна, улосвыллэн азьвыл тӧроезлы ваньбурен герӟаськем кадастр юрттӥськетэз катэз тӥяса сётӥзы.

Следстви лыдъя, со понна Александр Соловьёв быдэсъяськись ужъёс понна федерал но улос коньдэтъёсысь ӝегатонъёстэк но нырысь ик уксё тырыны луонлык кылдытӥз, озьы ик музъем узырлыкез уже кутыны лицензиос басьтыны юрттӥз, озьы ик кузьым сётӥсьёслы оглом дурбасьтӥз но умойтэм ужамзы шоры синъёссэ кыниз.

Александр Соловьёвез 2017-тӥ арын 4-тӥ оштолэзе ӝегатӥзы, со нуналэ ик сое следствиосъя изоляторе ворсазы. Со арын ик 7-тӥ гудырикошконэ следстви куремъя Соловьёвез улон интыын арест улэ выжтӥзы. Ивортӥзы, со следствилы юрттэ но йыружен герӟаськем мукет адямиос сярысь вера шуыса. 2018-тӥ арын оштолэзь кутсконын Александр Соловьёвлы йылпумъян редакциен янгышатон пуктӥзы

Удмуртилэн азьвыл тӧроезлэсь Александр Соловьёвлэсь ужзэ прокуратурае сётӥзы. Кызьы ивортэ «Интерфакс» Россиысь Следствиосъя комитетлэн нимлыко ыстэм муртэз Светлана Петренко вылэ чӧлскыса, сое Кам шур вамен выжез пуктӥсьёслэсь 139 миллион манет тыр взятка басьтэмен янгыше уськыто.

Удмурт Элькунлэн азьвыл тӧроезлы А. Соловьёвлы пумит ужез эскерон йылпумъямын. Следствие тырмыт туконъёс (доказательствоос) люкамын, соин валче янгыше уськытон пумкылэз юнматон ужпумез сэрттон-пертчон понна уголовной уж прокуратурае келямын
Светлана Петренко, Россиысь Следствиосъя комитетлэн нимлыко ыстэм муртэз

Улосвыллэсь азьвыл кивалтӥсьсэ Россиысь Уголовной кодекслэн 290-тӥ ёзэтэзлэн 6-тӥ люкетэзъя янгыше уськыто – бадӟым взятка басьтон.

Следстви чакламъя, 2014-2016 аръёсы Александр Соловьёв Кам но Буй шуръёс вамен выжъёсты пуктӥсьёслэсь 139 миллион манет тыр взятка басьтӥз, озьы ик коммерци огазеяськонлэcь 2 миллион 700 сюрс манет сылӥсь люкетсэ. Со сяна, улосвыллэн азьвыл тӧроезлы ваньбурен герӟаськем кадастр юрттӥськетэз катэз тӥяса сётӥзы.

Со понна Александр Соловьёв быдэсъяськись ужъёс понна федерал но улос коньдэтъёсысь ӝегатонъёстэк но нырысь ик уксё тырыны луонлык кылдытӥз, озьы ик музъем узырлыкез уже кутыны лицензиос басьтыны юрттӥз, озьы ик кузьым сётӥсьёслы оглом дурбасьтӥз но умойтэм ужамзы шоры синъёссэ кыниз
Светлана Петренко, Россиысь Следствиосъя комитетлэн нимлыко ыстэм муртэз

Тодэ вайытом, эрикрадэз утисьёс Александр Соловьёвез 2017-тӥ арын 4-тӥ оштолэзе ӝегатӥзы, со нуналэ ик сое следствиосъя изоляторе ворсазы. Со арын ик 7-тӥ гудырикошконэ следстви куремъя Соловьёвез улон интыын арест улэ выжтӥзы. Ивортӥзы, со следствилы юрттэ но йыружен герӟаськем мукет адямиос сярысь вера шуыса. 2018-тӥ арын оштолэзь кутсконын Александр Соловьёвлы йылпумъян редакциен янгышатон пуктӥзы

Удмуртилэн азьвыл тӧроезлы Александр Соловьёвлы йылпумъян редакциен янгышатон пуктӥзы. Со сярысь ивортэмын Россиысь Следствиосъя комитетлэн нимлыко сайтаз.

Следви чакламъя, 2014–2016 аръёсы элькунлэн азьвыл кивалтӥсез оглом 139 миллион манет тыр взятка басьтӥз, озьы ик коммерци огазеяськонлэcь 2 миллион 700 сюрс манет сылӥсь люкетсэ. Со понна Кам но Буй шуръёс вамен выжъёс вылын быдэсъяськись ужъёс понна федерал но улос коньдэтъёсысь ӝегатонъёстэк но нырысь ик уксё тырыны, озьы ик мупушкесэз уже кутон понна лицензиос висъяны луонлык кылдытӥз.

Озьы сое Росси Федерацилэн Уголовной Кодексысьтыз 290-тӥ ёзэтлэн 6-тӥ люкетэзъя («Получение взятки должностным лицом, занимающим государственную должность Российской Федерации, в особо крупном размере») янгыше уськыто.

Уголовной ужез эскерон али йылпумъян люкетаз вуэмын.

Тодэ вайытом, эрикрадэз утись ёзэсъёс Александр Соловьёвез 2017-тӥ арын 4-тӥ оштолэзе ӝегатӥзы, со нуналэ ик следствиосъя изоляторе ворсазы.

Следстви куремъя, со арын ик 7-тӥ гудырикошконэ Соловьёвез улон интыын пытсэтанэ выжтӥзы. Сыӵе уретон 2018-тӥ арысь 4-тӥ оштолэзёзь кельтэмын.

«Удмуртилэсь тӧрозэ ӝегатон» темая вань иворъёс

Удмуртилэсь азьвыл тӧрозэ Александр Соловьёвез улон интыя пытсанэ 4-тӥ толшорозь кельтӥзы. 2-тӥ коньывуонэ сыӵе пуктэт кутӥз Москваысь Басманной суд, вераз иворъёсъя «Удмуртия» агентстволы судлэн пресс-секретарез Юнона Царёва.

Тодэ вайытом, улосвыллэсь азьвыл кивалтӥсьсэ 140 миллион манетлэсь ятыр взятка басьтэмен янгыше уськыто. Эрикрадэз утисьёс сое 4-тӥ оштолэзе ӝегатӥзы, со нуналэ ик Соловьёвез следстви изоляторе интыязы.

Следствилэн куремезъя, 7-тӥ гудырикошконэ сое улон интыя пытсэтэ выжтӥзы. Ивортэмын вал, Александр Соловьёв следствиен ужа но йыруже мукет пыриськисьёс сярысь маде шуыса.

Ужъя нырысь-валысь следствие 14-тӥ коньывуонозь кыстӥськоз.

Удмуртилэн азьвыл тӧроез Александр Соловьёв 4-тӥ куарусёнозь следствиосъя изоляторысь улон интыын пытсэтанэ выжтэмын. 7-тӥ гудырикошконэ сыӵе пумкылъян кутӥз Москваысь Басманной суд, ивортэ «Интерфакс». Тодэ вайытом, эрикрадэз сыӵе амалэн уретон сярысь куриз следствие.

Улон интыын пытсэтанын улосвыллэн азьвыл кивалтӥсез Москваын одӥгезлэн нылызлэн патераз улоз. Следствие лэзьытэк со патерысь потаны, герӟет амалъёсты уже кутыны уз быгаты.

Ивортэмын, Александр Соловьёв следствиен ужа, сое янгыше уськытэм йыруже мукет пыриськисьёс сярысь маде. Следователь озьы ик ватсаз, улосвыллэсь азьвыл кивалтӥсьсэ быдэсак ворсаса возён эскероно ужъя зэмос югдурез валаны люкетыны быгатоз шуыса.

Прокурорлэн верамезъя, янгыше уськытэм муртлэн «хронической висёнъёсыз но вань, соосты ялан чакласа возьыны кулэ».

Озьы ик тодмо луиз, Удмуртилэн азьвыл тӧроезлэн ужезъя следствие нуон дыр 14-тӥ коньывуонозь ватсамын шуыса.

Удмуртилэсь азьвыл тӧрозэ таяз арын 4-тӥ оштолэзе ӝегатӥзы. Александр Соловьёвез Россилэн Уголовной кодексысьтыз 290-тӥ ёзэтэзлэн 6-тӥ люкетэзъя янгыше уськыто («Получение взятки должностным лицом, занимающим государственную должность Российской Федерации, в особо крупном размере»).

Азьвылгес ивортэмын вал, судын со катэз тӥяз шуыса ӧз танӥськы.

Та сярысь иворъёс «Александр Соловьёвез ӝегатон» сюжетын

Удмуртилэн азьвыл тӧроез Александр Соловьёв 2017-тӥ арысь 4-тӥ куарусёнозь арест улэ кылёз. Иворъёсъя «Удмуртия» агентстволы со сярысь вераз Москваысь Басманной судлэн пресс-секретарез Юнона Царёва.

Ачиз улосвыллэн азьвыл кивалтӥсез сое дораз арест улэ выжтыны куриз вал. Солэн адвокатэз Алексей Ульянов, утёно муртэзлэн тазалыкез вылэ чӧлскыса, куронлы дурбасьтэмез сярысь вераз.

Азьвылгес ивортэмын вал, Соловьёв коррупциен герӟаськем йыружъёсъя янгыше уськытонэн соглаш луиз шуыса.

Тодэ вайытом, элькунлэсь азьвыл тӧрозэ 4-тӥ оштолэзе ӝегатӥзы. Россиысь Следствиосъя коимтет уголовной уж ӝутӥз Росси Федерацилэн Уголовной Кодексысьтыз 290-тӥ ёзэтлэн 6-тӥ люкетэзъя («Получение взятки должностным лицом, занимающим государственную должность Российской Федерации, в особо крупном размере»). Со нуналэ ик Россилэн азьмуртэз Владиимр Путин сое улосвыл кивалтӥсьлэн ужоскетъёсызлэсь мозмытӥз.

Ужпумъя вань иворъёсты лыдӟе «Удмуртилэсь тӧрозэ ӝегатон» сюжетысь

Удмуртилэн азьвыл тӧроез Александр Соловьёв коррупциен герӟаськем йыружъёсъя янгыше уськытонэн соглаш луиз. Москваысь Басманной судын кенешон дыръя со сярысь вераз прокурор. Отын азьвыл кивалтӥсез пытсэт улын возён дырез ватсан пумысен ужпумез эскеризы, ивортэ Интерфакс.

Удысэтлэн ыстэм муртэзлэн малпамезъя, улосвыллэн азьвыл тӧроез пытсэт улын кыльыны кулэ.

«Со янгыше уськытонэн соглаш луиз ке но, следствие доказать каронлэсь но доказательствоосты юнматонлэсь уг палэнтӥськы». — вераз прокуратуралэн ыстэм муртэз.

Соловьёвез 4-тӥ куарусёнозь пытсэт улын кельтыны куронэн вазиськиз следствие.

«Соловьёвез янгыше уськытон ужъя люкам доказательствоос вылэ пыкъяське, озьы ик аслаз Соловьевлэн валэктонъёсыз вылэ», — вераз кенешонын следователь Роман Мухачёв.

Ачиз Александр Соловьёв сое дораз арест улын возьыны куриз. Улосвыллэн азьвыл кивалтӥсезлэн тазалыкез вылэ чӧлскыса, солэн адвокатэз Алексей Ульянов утёно муртэныз соглаш луэ.

Коньдон басьтэмен янгыше уськытэм Удмуртилэсь азьвыл кивалтӥсьсэ Александр Соловьёвез утись сое арес улэ басьтэмлы пумит ӝожтӥськон сётӥз. Иворъёсъя «Удмуртия» агентстволы со сярысь вераз янгыше уськытэмлэн адвокатэз Галина Гамбург. Тодэ вайытом, суд азьвыл кивалтӥсез кык толэзьлы пытсэтаз.

«Пытсэтанлы пумит ӝожтӥськонэз мон толон сётӥ. Москваысь кар судлэн судъян коллегияз кылзон нунал пусйымтэ на, возьмаськом», — вераз со.

Озьы ик со вераз, Александр Соловьёв ассэ умой шӧдэ шуыса: «Александр Васильевичез судын адӟыкум, со ассэ умой шӧдэ вал, тазалыкез вылэ ӧз ӝожтӥськы, но жадемын вал, угось быдэс нунал Следствиосъя комитетын ортчытӥз. Солэсь вирзӥбетсэ мертазы, со эсэпъя вал».

Галина Гамбурглэн верамезъя, со утёно муртэныз адӟиськыны лэзён басьтӥз ни. Соос вуоно арняе пумиськозы.

Тодэ вайытом, Удмуртилэсь азьвыл кивалтӥсьсэ 4-тӥ оштолэзе Ижкарын ӝегатӥзы. Кызьы ивортӥзы Россиысь Следствиосъя комитетын, Александр Соловьёвез 140 миллион манетлэсь трос взятка басьтэмен янгыше уськытӥзы.

Со нуналэ ик Россилэн азьмуртэз Владимир Путин сое улосвылэн кивалтонлэсь мозмытӥз.

Та темая вань иворъёсты лыдӟе «Удмуртилэсь тӧрозэ ӝегатон» сюжетысь

Москваысь Басманной суд Удмуртилэсь азьвыл тӧрозэ Александр Соловьёвез кык толэзьлы арест улэ басьтӥз. Иворъёсъя «Удмуртия» агентстволэн корреспондентэзлы со сярысь вераз судлэн пресс-секретарез Юнона Царёва.

Солэн верамезъя, чиновник 4-тӥ инвожоозь пытсамын луоз.

Тодэ вайытом, 4-тӥ оштолэзе ӵукна Соловьёвез ӝегатӥзы но Москвае нуизы. Отын сое Россилэн Уголовной кодексысьтыз 290-тӥ ёзэтлэн 6-тӥ люкетэзъя («Получение взятки должностным лицом, занимающим государственную должность Российской Федерации, в особо крупном размере») янгыше уськытэм сярысь пуктэтэн тодматӥзы.

Следствилэн ивортодэтэзъя, 2014-тӥ арысен 2016-тӥ арозь Александр Соловьёв Кам, но Буй шуръёс вамен выжъёс пуктӥсь огезлэсь огазеяськонлэсь 140 миллион манет пала басьтӥз. Со сяна, эрикрадэз утӥсьёс малпамъя, политиклы коммерци компаниын 2 миллион 700 сюрс манет сылӥсь люкетсэ сётӥзы. Со понна чиновник быдэсъяськись ужъёс понна элькун но федерал коньдэтъёсысь уксёез ӝегатскытэк тырыны кулэ вал.

Россилэн азьмуртэз Владимир Путин Александр Соловьёвез «осконысь потэменыз валче» ужезлэсь мозмытӥз. Озьы ик аслаз пуктэтэныз со улосвыллэн тӧроезлэсь ужзэ огдырлы быдэсъясе Александр Бречаловез юнматӥз

140 миллион манет пала взятка басьтэмен янгыше уськытэм Удмуртилэн азьвыл тӧроез Александр Соловьёв ассэ янгышен уг лыдъя. Следствие вылэ чӧлскыса, со сярысь ивортэ «Интерфакс». Со сяна, агентство ивортэмъя, улосвыллэн азьвыл кивалтӥсез валэктонъёс сётыны пумит луиз.

Со дыре ик следовательлэн верамезъя, азьвыл тӧролы пумит показаниос сётӥз ужъя мукетыз адями — улосвылысь транспортъя но сюрес возёсъя министрлэн воштӥсез, солэн быдэсак паньтэмез Александр Соловьёв.

Удмуртилэн азьвыл кивалтӥсез сое дораз арест улын возьыны куриз, но следствие солы пумит.

«Эрикын кыльыса, со адӟисьёс вылэ зӥбыны быгатоз. Со сяна, Соловьёвлы гинэ тодмо, кытын суд ужен сюрем тӥрлык возиське. Озьы ик Соловьёвлэн кун тӧрлык ёзэсъёсын трос кусыпъёсыз вань», — вераз следователь.

Тодэ вайытом, улосвыллэн азьвыл кивалтӥсез туннэ, 4-тӥ оштолэзе, ӵукна ӝегатэмын но Москвае нуэмын вал. Солы пумит туж бадӟым взятка басьтон кык учыръя уголовной уж ӝутэмын (ч. 6 ст. 290 УК РФ).

Та темая вань иворъёсты лыдӟе «Удмуртилэсь тӧрозэ ӝегатон» сюжетысь

Удмуртилэсь азьвыл тӧрозэ Александр Соловьёвез янгыше уськытэм сярысь пуктэтэн тодматӥзы. Со сярысь ивортэ Россиысь Следствиосъя комитетлэн пресс-службаез.

Улосвыллэсь азьвыл кивалтӥсьсэ Росси Федерацилэн Уголовной Кодексысьтыз 290-тӥ ёзэтлэн 6-тӥ люкетэз («Получение взятки должностным лицом, занимающим государственную должность Российской Федерации, в особо крупном размере») улэ шедись йыружын янгыше уськыто.

Туннэ следствие Александр Соловьёвез арест улэ басьтон пумысен судэ вазиськиз.

Тодэ вайытом, Александр Соловьёв ӝегатэмын но Москвае нуэмын вал пуксёнэ, 4-тӥ оштолэзе, ӵукна. Солы пумит уголовной уж ӝутӥзы. Владимир Путин Соловьёвез оскон быремен валче ужысьтыз мозмытӥз.

Россилэн азьмуртэз Владимир Путин Удмуртилэн тӧроезлэсь ужъёссэ огдырлы быдэсъясе Александр Бречаловез юнматӥз. Со сярысь пуктэтэз Кремльлэн нимлыко сайтаз поттӥзы.

«Удмурт Элькунлэн тӧроез интые быръем мурт ужоскетаз пырытозь Удмурт Элькунлэн тӧроезлэсь ужзэ огдырлы быдэсъясе юнматоно Бречалов Александр Владимировичез», — верамын ужкагазын.

Пуктэт кинюртэм дырысен кужымаз пыре.

Тодэ вайытом, Владимир Путин улосвыллэсь азьвыл кивалтӥсьсэ Александр Соловьёвез солы оскон быремен валче 4-тӥ оштолэзе ужъёсызлэсь палэнтӥз. Пуктэтэз Кремльлэн нимлыко сайтаз поттӥзы. Азьвылгес Удмуртилэсь азьвыл тӧрозэ ӝегатӥзы но Москвае келязы. Сое Росси Федерацилэн Уголовной Кодексысьтыз 290-тӥ ёзэтлэн 6-тӥ люкетэзъя («Получение взятки должностным лицом, занимающим государственную должность Российской Федерации, в особо крупном размере») янгыше уськытэмын.

ВАТСАН

Александр Владимирович Бречалов вордӥськиз 1973-тӥ арын 18-тӥ шуркынмонэ Адыгея автономной улосвылысь Тлюстенхабль каргуртын. 
1994-тӥ арын Краснодарысь армилэн генералэз Сергей Матвеевич Штеменко нимо вылӥ ожгар училищеез (ожгар институт) горд дипломен йылпумъяз.  
1999-тӥ арын Москваысь Олег Емельянович Кутафин нимо кун юридик академиез йылпумъяз. 
1994–1996-тӥ аръёсы — Чкаловской гарнизонысь режимъя ёзэсэныз кивалтӥсьлэн воштӥсез (нимысьтыз ужъёсъя авиационной дивизия). 
1996–1999-тӥ аръёсы — «ТВ-6 Москва» акционер огазеяськонын юрисконсульт. 
1999–2000-тӥ аръёсы — «Альфа-Банк» акционер огазеяськонын юрисконсульт. 
2001–2002-тӥ аръёсы — «Юниаструм Банк» (ООО) коммерци банклэн юридик ёзэтэн кивалтӥсез.  
2002–2003-тӥ аръёсы — «Юниаструм Банк» (ООО) коммерци банклэн юридик департаментэзлэн кивалтӥсез. 
2003–2006-тӥ аръёсы — «Юниаструм Консалтинг» огазеяськонлэн кивалтӥсез. 
2006–2013-тӥ аръёсы — «ВБО Консалт» огазеяськонлэн президентэз. 
2007–2014-тӥ аръёсы — «Юниаструм Банк» (ООО) коммерци банклэн Кивалтӥсёсызлэн кенешсылэн ёзчиез.  
2012–2014-тӥ
Читать полностью

Удмуртилы тӧроез быръёнъёсты ортчытон ужпумез, катрадлык куремъя, улосвылысь Кун Кенешлэн матысь сессияз эскерозы.

Каткылдытъясь ёзэслэн нимлыко сайтэз ивортэмъя, вуоноез сессия 25-тӥ оштолэзьлы чакламын.

Тодэ вайытом, Удмуртилэсь тӧрозэ Александр Соловьёвез ужысьтыз мозмытэм бере, со сярысь пуктэтэз Россилэн азьмуртэз Владимир Путин туннэ, 4-тӥ оштолэзе юнматӥз, нырысь ик улосвыллэн тӧроезлэсь ужъёссэ быдэсъясь юнматэмын луыны кулэ. Нош куарусёнэ — куара сётонъя огъя нуналэ — элькунын выль тӧроез быръёнъёс ортчозы.

Александр Соловьёвез 4-тӥ оштолэзе ӵукна ӝегатӥзы но Москвае нуизы. Солы пумит Росси Федерацилэн Уголовной Кодексысьтыз 290-тӥ ёзэтлэн 6-тӥ люкетэзъя («Получение взятки должностным лицом, занимающим государственную должность Российской Федерации, в особо крупном размере») уголовной уж ӝутӥзы. Следствилэн ивортэмезъя, Удмуртилэн тӧроез Камбарка палан выжъёсты лэсьтӥсь огазеяськонъёслэн оскем муртъёсызлэсь 139 миллион манет басьтӥз, озьы ик коммерци огазеяськонлэсь 2 миллион 700 сюрс манет сылӥсь люкетсэ.

Удмуртилэн тӧроезлы пумит уголовной уж ӝутӥзы. Со сярысь ивортӥзы Россиысь Следствиосъя комитетлэн пресс-службаяз.

Удысэтлэн ивортэмезъя, уголовной уж ӝутӥзы Росси Федерацилэн Уголовной Кодексысьтыз 290-тӥ ёзэтлэн 6-тӥ люкетэзъя («Получение взятки должностным лицом, занимающим государственную должность Российской Федерации, в особо крупном размере»). Учыръёсты Следствиосъя комитетын ужасьёс Россиысь ФСБ-лэн оперативной службаосыныз ӵош шараязы.

Ивортэмын, Удмуртилэн тӧроез Камбарка дорысь Кама но Буй шуръёс вамен выжъёсты лэсьтӥсь огазеяськонъёслэн оскем муртъёссылэсь огъя 139 миллион манет тыр коньдонэн взяткаос басьтӥз, озьы ик коммерци огазеяськонлэcь 2 миллион 700 сюрс манет сылӥсь люкетсэ. Со понна Александр Соловьёв быдэсъяськись ужъёс понна федерал но улос коньдэтъёсысь ӝегатонъёстэк но нырысь ик уксё тырыны луонлык кылдытыны кулэ вал, озьы ик мупушкесэз эскерыны но луо но луо-кӧльы сурет поттон понна лицензиос висъяны.

Следстви ужъёсты ортчытон понна улосвыл кивалтӥсь Москвае вуттэмын. Матысь дыре следствие солы янгышан ялыны но кылкутонэз пусъён понна судэ вазиськыны чакла.

Пусъёмы, кызьы ивортэ «Интерфакс» эрикрадэз утись ёзэсъёс вылэ чӧлскыса, Александр Соловьёвлэн улон интыяз обыскъёс мыно.

Элькун тӧролэн пресс-службаяз «Удмуртия» агентстволы уж котьку сямен мынэ шуыса ивортӥзы, вань чаклам ужрадъёс кутэм радлыкъя ортчытӥсько.

Тодэ вайытом, улослэн тӧроез 4-тӥ оштолэзе Москвае келямын. Удмуртилэсь тӧрозэ ӝегатон сярысь вераз ини Россилэн азьмуртэзлэн пресс-секретарез Дмитрий Песков. Солэн кылъёсызъя, Владимир Путинлы югдур сярысь ивортэмын.

Наверх
Вниз