26 -тӥ коньывуон 2020 Вордӥськон
18+

Удмуртиын улӥсьёс элькунлэсь нырысетӥ азьмуртсэ Александр Волковез берпуметӥ сюресаз келязы. Люкиськон ортчиз 24-тӥ куартолэзе Ижкарысь Свято-Михайловской соборын. Политикез буре вайыны калык 9 часысен лыктӥз.

Азьвыл сенаторен люкиськыны лыктӥзы: улосвыл тӧролэсь ужзэ огдырлы быдэсъясь Александр Бречалов, кивалтэтлэн тӧроезлэсь ужзэ быдэсъясь Виктор Савельев, кивалтэтлэн ёзчиосыз, Кун Кенешлэн тӧроез Владимир Невоструев, Федераци Кенешлэн тӧроезлэн воштӥсез Ильяс Умаханов, Росси азьмуртлэн Приволжск федерал округъя ужоскето муртэзлэн воштӥсез Олег Мельниченко, Хими ожтӥрлыкез кышкыттэмлыко возёнъя но быдтонъя федерал управленилэн кивалтӥсез Валерий Капашин, «РуссНефть» компанилэн кивалтӥсьёсызлэн кенешсылэн тӧроез Михаил Гуцериев, Брянск улосвылсь губернаторлэн воштӥсез Михаил Кобозев, Федераци Кенешлэн Удмуртилэсь ёзчиез Александр Чекалин, Ижкарлэн тӧроез Юрий Тюрин, Кар думалэн тӧроез Олег Гарин, «Ижевский мотозавод «Аксион-Холдинг» огазеяськонлэн кивалтӥсез Геннадий Кудрявцев, Россиысь Следствиосъя комитетлэн элькунъя Следствиосъя управленилэн кивалтӥсез Владимир Никешкин, Ижкарлэн азьвыл сити-менеджерез Денис Агашин, карлэн азьвыл кивалтӥсез Александр Ушаков но трос мукетъёсыз.

«Тодӥськоды-а, мон оскисько, со шудо адями вал шуыса. Котыраз матысь адямиосыз но ӵыжы-выжыосыз вал шуыса гинэ ӧвӧл. Со шудо вал туж трос лэсьтыны быгатэменыз но - сое, мар кема аръёс ӵоже адямиос понна ужалоз. Со зэмос шуд: ортчем сюресэз учкыса, адӟыны храмъёсты, мечетьёсты, нылпи садъёсты, школаосты. Нош валтӥсез — адӟыны адямиосты, кинлы со юрттӥз. Удмурт Элькунлэн нырысетӥ азьмуртэз, калыкез но аслэсьтыз музъемзэ сюлмысьтыз яратӥсь патриот сайкытэн тодэ мед кылёз», — вераз люкиськон кылаз улосвыл кивалтӥсь Александр Бречалов.

Александр Волковен люкиськон

25 фото

Александр Волковез Ижкарлы матысь Хохряки гурт вӧзысь шайвылын ватӥзы.

Федераци Кенешлэн ёзчиез улонысь кошкемен валче 24-тӥ куартолэзез Удмуртиын кайгырон нуналэн ялӥзы. Быдэс элькунын куншетъёсты лэзизы, шулдыръяськон ужрадъёсты

Читать полностью

Ижкарын Удмуртилэн нырысетӥ азьмуртэныз Александр Волковен люкиськон ортче. Туннэ, 23-тӥ куартолэзе, 19 часозь - Драмая ӟуч театрын. Вирнуналэ, 24-тӥ куартолэзе, 9 часысен 11 часозь - Свято-Михайловской соборын.

Удмуртиын улӥсьёс Александр Волковен люкисько

5 фото

Собере отын ик граждан панихида ортчоз. Александр Волковез Ижкарлы матысь Хохряки гурт вӧзысь шайвылын ватозы.

Удмуртилэн нырысетӥ азьмуртэз, Федераци Кенешлэн ёзчиез улонысь кошкемен валче 24-тӥ куартолэзе Удмуртиын кайгырон нунал луоз. Быдэс элькунын куншетъёсты лэзёзы.

Тодэ вайытом, Александр Волков кулӥз 20-тӥ куартолэзе Германиын, со отысь одӥгаз эмъюртын эмъяське вал. 

Александр Волков улонысь кошкемен валче 24-тӥ куартолэзез Удмуртиын траур нуналэн ялӥзы. Со сярысь пуктэтэз юнматӥз элькун тӧролэсь ужзэ быдэсъясь Александр Бречалов.

Траур нуналэ быдэс Удмуртиын куншетъёсты лэзёзы. Со сяна, телерадиокомпаниослы но лулчеберетъя ужъюртъёслы шулдыръяськон передачаосты но программаосты возьматонлэсь возиськыны ӵектӥзы.

Тодэ вайытом, Удмуртилэн нырысетӥ азьмуртэныз люкиськон 23-тӥ куартолэзе Драмая ӟуч театрын (11 часысен 19 часозь) но 24-тӥ куартолэзе Свято-Михайловской соборын (9 часысен 11 часозь) ортчоз.

24-тӥ куартолэзе граждан панихида ортчоз. Федераци Кенешлэсь ёзчизэ Хохряки гурт вӧзысь шайвылын ватозы.

Александр Волков улонысь кошкиз 20-тӥ куартолэзе Германиын, отын со эмъяське вал. 2017-тӥ арын политиклы 66 арес тырмысал.

Удмуртилэсь нырысетӥ азьмуртсэ Александр Волковез Ижкарлы матысь Хохряки гурт вӧзысь шайвылын ватозы. Со сярысь ивортӥзы улосвыл тӧролэн но кивалтэтлэн пресс-службаязы.

Ватозы 24-тӥ куартолэзе граждан панихида бере.

Тодэ вайытом, люкиськон кык нунал ӵоже мыноз: 23-тӥ куартолэзе Драмая ӟуч театрын (11 часысен 19 часозь) но 24-тӥ куартолэзе Свято-Михайловской соборын (9 часысен 11 часозь).

Александр Волков улонысь кошкиз 20-тӥ куартолэзе Германиын, отын со эмъяське вал. Удмуртилэн нырысетӥ азьмуртэз улонысь кошкиз 66 аресаз мыныкуз.

Удмуртилэн нырысетӥ азьмуртэныз, Россиысь Федераци Кенешлэн ёзчиеныз Александр Волковен люкиськон Ижкарын 23-тӥ но 24-тӥ куартолэзе ортчоз. Со сярысь ивортӥз элькун тӧролэн но кивалтэтлэн пресс-службазы.

Политикен люкиськон 23-тӥ куартолэзе 11 часысен 19 часозь ортчоз Драмая ӟуч театрын, 24-тӥ куартолэзе 9 часысен 11 часозь Свято-Михайловской соборын.

Граждан панихида но отпевание 24-тӥ куартолэзе 11 часын луоз.

Тодэ вайытом, Александр Волков улонысь кошкиз 20-тӥ куартолэзе Германиын, отын со эмъяське вал. Удмуртилэн тӧроезлэсь ужзэ огдырлы быдэсъясь Александр Бречалов элькунлэсь нырысетӥ азьмуртсэ берпуметӥ сюресаз келянэз радъянъя ужась группаез юнматӥз.

Удмуртилэсь нырысетӥ азьмуртсэ Александр Волковез 24-тӥ куартолэзе Ижкарын ватозы. Аппарат кенешонын улосвыл тӧролэсь ужзэ огдырлы быдэсъясь Александр Бречалов ватонэз радъянъя ужась группа кылдытыны куриз. Элькун но федерал министерствоослэн но удысэтъёслэн кивалтӥсьёсынызы сяме пырем кенешон Александр Волковез буре ваёнэн кутскиз. 

«Тӥ сое мынэсьтым умойгес тодӥськомы, но мыным шуд усиз <…> сон пумиськыны. Милям кык гинэ пумиськонмы вал <…>. Нимлыко пумиськонмы бере мынам валанэ кылдӥз, со адями Удмуртилы улонэзлэсь бадӟым люкетсэ гинэ ӧз сёты, ассэ но сётӥз. Со элькунын ужан вакытэз пӧртэм сямен дунъяны луэ, но тодӥськоды, мон учкисько, мар адями ачиз бере кельтӥз. Кема вераны луоз, храмъёс, мер объектъёс бордысен кутскыса. Нимысьтыз саклык гуртлы. Тодӥськоды-а, мар мон верасал? Со нимлыко пумиськонмы бере, прессаын, мерлыко вотэсъёсын трос вераськонъёс ӝутскизы. Мон валасько, ваньмызлэн быдэсак тодонлыксы ӧвӧл, но ваньмыз уг валало, мар со секыт аръёсы интывылэн кивалтон, ванмьмыз уг валало, мар со кризислы пумитъяськон <…>. Но ваньмыз тэргало. Тӧрлыкын ужасьёслэн сыӵе адӟонзы, дыр», — вераз элькун тӧролэсь ужзэ огдырлы быдэсъясь Александр Бречалов.

Александр Волковлэсь мугорзэ Удмуртилэн шоркараз ваёзы. Элькунлэн азьвыл кивалтӥсеныз люкиськон Свято-Михайловской соборын ортчоз.

Удмуртилэн нырысетӥ азьмуртэз, Федераци Кенешысь тодосъя, дышетонъя но лулчеберетъя комитетлэн тӧроезлэн воштӥсез Александр Волков улонысь кошкиз 20-тӥ куартолэзе, Германиысь одӥгаз эмъяськонниын.

Ватсан

Александр Александрович Волков вордскиз 1951-тӥ арын 25-тӥ толсуре Брянскын.

1970-тӥ арын Брянскысь лэсьтӥськонъя техникумез «промышленное и гражданское строительство» ӧнеръя йылпумъяз. Собере Механикая Чупчи заводлэн лэсьтӥськонъя управленияз ужаны кутскиз.
Ужакуз ик 1978-тӥ арын Пермьысь политехникая институтэз «Инженер-строитель» ӧнеръя йылпумъяз.
1986-1989 аръёсы – Глазовысь кар исполкомлэн тӧроез.
1989-тӥ арын Удмурт Элькунысь
Читать полностью
Наверх
Вниз