100 лет государственности Удмуртии
Ижкар+21 °C
7 -тӥ инвожо 2020 Воскресенье
16+

Туннэ, 18-тӥ куарусёнэ, Удмуртиысь операя но балетъя кун театрын Александр Бречалов Элькун тӧролэн ужоскетаз пырон ужрад йылпумъяськиз. Инаугурация ортчыку, улосвыллэн тӧроез удмурт но ӟуч кылын анткыл сётӥз.

Анткыллэн текстэз:

«Кыл сётӥсько, Удмурт Элькун Тӧролэсь ужоскетъёссэ быдэсъякум, адямилэсь но кунмуртлэсь эрикрадъёссэ но эрикъёссэ гажаны но утьыны, Россия Федерацилэсь Кункатсэ, федерал катъёсты, Удмурт Элькун Кункатэз но Удмурт Элькун катъёсты быдэсъяны но утьыны, калык понна оскымон ужаны»

Сӥё-дано ужрадэ Росси азьмуртлэн Приволжск федерал округъя ужоскето муртэз Михаил Бабич, Кун Кенешлэн куатетӥ ӧтчамаз выль быръем депутатъёс, кивалтэтлэн ёзчиосыз, федерал ёзэсъёслэн Удмуртиысь ёзэтъёссылэн но ужъюртъёссылэн кивалтӥсьёссы, муниципалитетъёслэн тӧрооссы но мукетъёсыз пыриськизы.

18-тӥ куарусёнэ Удмуртиысь операя но балетъя кун театрын Александр Бречаловлэн инаугурациез ортчоз. Элькун тӧролэн ужоскетаз пырон ужрад улосвылысь Кун Кенешлэн куатетӥ ӧтчамезлэн нырысетӥ сессиезлэн кенешоназ луоз.

Чакланъёсъя, сӥё-дано ужрадэ Росси азьмуртлэн Приволжск федерал округъя ужоскето муртэз Михаил Бабич лыктоз. Озьы ик инаугурациын луозы Кун Кенешлэн куатетӥ ӧтчамаз выль быръем депутатъёс, кивалтэтлэн ёзчиосыз, федерал ёзэсъёслэн Удмуртиысь ёзэтъёссылэн но ужъюртъёссылэн кивалтӥсьёссы, муниципалитетъёслэн тӧрооссы, элькунлэн дано кунмуртъёсыз, улосвылысь йӧскалык но вӧсьлык огазеяськонъёслэн кивалтӥсьёссы.

Тодэ вайытом, 10-тӥ куарусёнэ Удмуртилэсь тӧрозэ дырызлэсь вазь быръёнъёсын Александр Бречалов 78,16 процентсэ куараосты люказ. Со нуналэ элькунысь 34,54 процентэз бырйисьёс кура сётонэ пыриськизы.

Озьы ик 10-тӥ куарусёнэ Кун Кенешлэн куатетӥ ӧтчамаз депутатъёсты быръёнъёс мынӥзы. Парламентысь 60 мандатъёс пӧлысь 47-сэ «Единая Россия» партилэн ёзчиосыз басьтозы. Со сяна, 5 процентъем гожез ортчизы КПРФ, ЛДПР но «Справедливая Россия». Али партиос пусъё, кин пыроз выль ӧтчаме.

Туннэ, 14-тӥ куарусёнэ, Удмуртиысь Быръёнъёсъя валтӥсь ӧри улосвыллы тӧроез быръёнъёслы йылпумъянъёсты юнматӥз, ивортэ элькун парламентлэн пресс-службаез. Табере Александр Бречалов Удмуртилэн нимлыко быръем тӧроеныз лыдъяське.

«Бречалов Александр Владимировичез Удмурт Элькунлэн Тӧроезлэн интыужаз быръемен лыдъяно. Со бырйисьёслэсь 322 сюрс 305 куаразэс люказ, со луэ 78,16 процент яке куара сётонэ пыриськем бырйисьёслэн ӝыныезлэсь уноез куараоссы», — верамын улосвылысь ЦИК-лэн пуктэмаз.

Нимаз чурен гожтэмын Удмурт Элькунлы быръем Тӧролы быръем сярысь удостоверение сётыны.

Мукетъёсызлы быръёнъёсы пыриськем муртъёслы сётэм кураос:

  • Владимир Бодров — 36 011 (8,73%) бырйисьёслэн кураоссы;
  • Фарид Юнусов — 19 861 (4,82%) куара;
  • Тимур Ягафаров — 13065 (3,17%) куара;
  • Андрей Иванов — 10 296 (2,50%) куара.

Кабзэ йылпумъянъёсъя, куара сётонэ пыриськиз 412 сюрс 323 адями яке вань бырйисьёс пӧлысь 34,54 процентэз.

100 процентсэ бюллетеньёсты эскеронлы йылпумъянъёсъя Удмуртилы тӧроез быръёнъёсын Александр Бречалов 78,16 процентсэ куараосты люказ. Со сярысь ивортӥз элькунысь Быръёнъёсъя валтӥсь ӧрилэн тӧроез Виктор Кушко.

«Элькунлы тӧроезлэсь дырызлэсь вазь быръёнъёсын вормиз Бречалов Александр Владимирович, со 78,16 процентсэ куараосты люказ», — вераз Кушко.

Кыкетӥ луиз КПРФ-ысь Владимир Бодров, солы 8,73 процентэз бырйисьёс дурбасьтӥзы.

«Справедливая Россия» партилэн ӵектэм муртэз Фарид Юнусов 4,82 процент люказ, ЛДПР-ысь Тимур Ягафаров — 3,16 процент, КПСС-ысь Андрей Иванов — 2,5 процент.

Удмуртилы тӧроез дырызлэсь вазь быръёнъёсы 34,55 процентэз бырйисьёс пыриськизы.

95 процентсэ бюллетеньёсты эскерем бере улосвыллы тӧроез дырызлэсь вазь быръёнъёсын Удмуртилэн тӧроезлэсь ужзэ огдырлы быдэсъясь Александр Бречалов 78,01 процентсэ куараосты люка. Со сярысь туннэ, 11-тӥ куарусёнэ, журналистъёслы веразы элькунысь Быръёнъёсъя валтӥсь ӧриын.

Кыкетӥ интыын КПРФ-лэн кандидатэз Владимир Бодров, солэн 8,81 процентэз куараос, куинетӥ — «Справедливая Россия» партилэн кандидатэз Фарид Юнусов (4,89 процент). Ньылетӥ интыын ЛДПР-лэн ӵектэм муртэз Тимур Ягафаров (3,19 процент). «Коммунистическая партия социальной справедливости» огазеяськонлэн кандидатэзлы 2,48 процентэз бырйисьёс куаразэс сётӥзы.

Удмуртилы тӧроез быръёнъёслы нырысь-валысь йылпумъянъёсъя Александр Бречалов 78,82 процентсэ куараосты люказ. Со сярысь ивортэ «Интерфакс».

9,03 процент куараосын кыкетӥ интыын КПРФ-лэн ӵектэм муртэз Владимир Бодров. Собере мынэ «Справедливая Россия» партилэн кандидатэз Фарид Юнусов — 4,19 процент.

Нырысь-валысь йылпумъянъёсъя Тимур Ягафаров 2,9 процент люказ (ЛДПР). КПСС-лэн («Коммунистическая партия социальной справедливости») кандидатэзлы Андрей Ивановлы 2,52 процентэз бырйисьёс куаразэс сётӥзы.

Тодэ вайытом, 10-тӥ куарусёнэ элькунысь Удмуртилы тӧроез дырызлэсь вазь быръёнъёс но Кун Кенешлэн куатетӥ ӧтчамаз депутатъёсты быръёнъёс ортчизы. 18 часлы ивортонъёсъя куара сётыны 30,51 бырйисьёс ветлӥзы.

20 часын Удмуртиын ваньмыз быръён участокъёс ворсаськизы. Ӧриослэн ёзчиоссы куараосты чотаны кутскизы. 10-тӥ куарусёнэ улосвылын элькунлы тӧроез дырызлэсь вазь быръёнъёс но Кун Кенешлэн куатетӥ ӧтчамаз депутатъёсты быръёнъёс ортчизы.

Нырысетӥ йылпумъянъёсты элькунысь Быръёнъёсъя валтӥсь ӧри 23 час котырын шараялоз. Ӧрилэн тӧроез Виктор Кушко верамъя, нырысь ик Удмуртилы тӧроез быръёнъёсъя куараосты лыдъялозы, собере - Кун Кенеше депутатъёсты быръёнъёсъя.

Озьы ик солэн кылъёсъя, элькунъя быръёнъёсы пыриськемъёс 35-37 процент пала луозы. 

18 часлы 30,51 процентэз бырйисьёс куара сётонэ пыриськизы.

Туннэ, 10-тӥ куарусёнэ, Удмуртиын улӥсьёс улосвыллы тӧроез но Кун Кенеше депутатъёсты быръё. 

8 часын элькунын 1 сюрс 205 быръён участокъёс усьтӥськизы. Куара сётыны луоз 20 часозь.

Тодэ вайытом, улосвыл парламентлэн куатетӥ ӧтчамез 30 адямилы ӧжытгес луоз. Быръем депутатъёслы выль кивалтӥсез — Удмуртилэн Кун Кенешезлэсь тӧрозэ быръёно луозы.

Кин вожвылъяське элькун парламентэ тӥляд округдыя, тодыны луоз иворъёсъя «Удмуртия» агентстволэн материалысьтыз.

Нош Удмуртилы тӧроез быръёнъёс дырызлэсь вазь ортчо. Соосты радъяны кулэ луиз 2017-тӥ арын 4-тӥ оштолэзе Владимир Путин улосвыл кивалтӥсез Александр Соловьёвез оскон ышемен валче ужысьтыз мозмытэм бере. Со нуналэ ик Россилэн азьмуртэз Удмуртилэн тӧроезлэсь ужзэ огдырлы быдэсъясе Александр Бречаловз юнматӥз.

Со сяна, 10-тӥ куарусёнэ ватсаса быръёнъёс ортчо Вавож, Вотка, Глаз, Грак, Дэбес, Эгра, Каракулино, Кез, Кизнер, Шаркан, Якшур-Бӧдья ёросъёсын интыысь кенешъёсы депутатъёсты быръёнъёс мыно.

Иворъёсъя «Удмуртия» агентствоысь журналистъёс трансляциын вералозы, кызьы ортчо быръёнъёс Ижкарын, Уваын, Дэбесын но мукет интыосын. Озьы ик куара сётонлэн мынэмез сярысь элькунысь Быръёнъёсъя валтӥсь ӧриысь ивортонъёсты тодыны луоз.

«Удмуртилы тӧроез быръёнъёс-2017» но «Удмуртиысь Кун Кенеше быръёнъёс-2017» сярысь иворъёс.

Удмуртилэсь тӧрозэ дырызлэсь вазь быръёнъёсы пыриськон понна куинетӥзэ кандидатэз пусйиз элькунысь Быръёнъёсъя валтӥсь ӧри. Кызьы ивортэмын ЦИК-лэн сайтаз, со КПРФ-лэн улосвыл комитетэзлэн кивалтӥсез, Кун Кенешысь депутат Владимир Бодров.

Азьвылгес кандидатэн пусъемын улосвыл тӧролэсь ужзэ огдырлы быдэсъясь Александр Бречалов но ЛДПР-лэн улосвыл ёзэтэзлэн кивалтӥсез Тимур Ягафаров.

Со сяна, та интыуже ӵектэмын Фарид Юнусов («Справедливая Россия») но Андрей Иванов («Коммунистическая партия социальной справедливости»), но соос кандидат сямен пусйымтэ на.

Тодэ вайытом, Удмуртилы тӧроез быръёнъёс 10-тӥ куарусёнэ ортчозы.

28-тӥ пӧсьтолэзе Удмуртиысь Быръёнъёсъя валтӥсь ӧри элькунысь Кун Кенешын ЛДПР фракцилэсь кивалтӥсьсэ, партилэсь улосвылъя координаторзэ Тимур Ягафаровез Удмуртилэн тӧроезлэн интыужаз кандидатэз сямен пусйиз. Со сярысь ивортэмын ЦИК-лэн сайтаз.

Удмуртилэсь тӧрозэ дырызлэсь вазь быръёнъёсы кандидат сямен пусъемын ни «Единая Россия» партиен ӵектэм Александр Бречалов. Кулэ ужкагазъёсты дырыз дыръя сётымтэзы понна Павел Бутченкоез («Партия Возрождения России»), Олег Овчинниковез («Партия народной свободы») но Людмила Ниязоваез («Партия налогоплательщиков России») кандидатэн пусйыны пумит луизы. Ӵектэм но та дырлы пусйымтэ кандидатъёс пӧлын КПРФ-лэсь Владимир Бодров но «Справедливая Россия» партилэсь Фарид Юнусов.

Тодэ вайытом, Удмуртилы тӧроез быръёнъёс 10-тӥ куарусёнэ ортчозы.

28-тӥ пӧсьтолэзе ортчем кенешонын озьы ик оскытӥзы «Справедливая Россия» партилэн улосвыл ёзэтэныз ӵектэм одӥг мандатъем округъёсъя кандидатъёсын лыдметсэ (списокез) но кандидатъёсын элькун лыдметсэ.

Озьыен, укмыс партиослэсь кандидатъёсын элькун лыдметъёс пусъемын: «Партия Социальных Реформ — Прибыль от природных ресурсов — Народу», «Партия народной свободы», «Родина», «Партия возрождения России», «Справедливая Россия», «Единая Россия», ЛДПР, «Коммунисты России», КПРФ. Берпуметӥез юнматонэз но ортчиз.

Со сяна, одӥг мандатъем округъёсъя кандидатъёсын лыдметъёссы таӵе партиослэн оскытэмын: «Родина», «Партия Возрождения России», «Родная партия», «Справедливая Россия», «Единая Россия», ЛДПР, «Коммунисты России», КПРФ. Куд-огез кандидатъёс юнматэмын ни.

Тодэ вайытом, Удмуртилэн Куе Кенешезлэсь куатетӥ ӧтчамзэ быръёнъёс озьы ик 10-тӥ куарусёнэ ортчозы. Депутатъёслэн лыдзы 90 интые 60 луоз.

Улосвылысь Быръёнъёсъяя валтӥсь ӧри 27-тӥ пӧсьтолэзе ортчем кенешоназ Удмуртилэн Кун Кенешаз депутатэ кандидатъёсын «Родина» партилэсь элькун лыдметсэ юнматӥз, со тямысэтӥез быръёнъёсы пыриськись политика огазеяськон луиз ни. Со сярысь ивортэмын ӧрилэн нимлыко сайтаз.

Тодэ вайытом, азьвылгес Быръёнъёсъя валтӥсь ӧри таӵе партиослэсь кандидатъёсын элькун лыдметъёссэс юнматӥз: «Единая Россия», КПРФ, ЛДПР, «Родина», «Коммунисты России», «Партия народной свободы», «Партия возрождения России» но «Партия Социальных Реформ — Прибыль от природных ресурсов — Народу».

Со сяна, одӥг мандатъем округъёсъя кандидатъёсын лыдметъёссы «Единая Россия», КПРФ, ЛДПР, «Родина», «Коммунисты России» партиослэн юнматэмын. Отчы одӥг адямиен ӵектӥзы «Партия Возрождения России» но «Родная партия». Озьы ик округъёсъя 11 мурт ачиз ӵектӥськиз, одӥгез соос пӧлысь кандидат сямен пусъемын ни.

Удмуртиысь Кун Кенешлэн куатетӥ ӧтчамаз быръёнъёс 10-тӥ куарусёнэ ортчозы. Тодэ вайытом, депутатъёслэн лыдзы 90-ысь 60-озь кулэсмоз. Со нуналэ ик элькунлы тӧроез дырызлэсь вазь быръёнъёс мынозы.

«Удмуртиысь Кун Кенеше быръёнъёс-2017» темая вань иворъёс

Удмуртилэн тӧроезлэн интыужез понна вожвылъяськонэз быръёнъёсын вить кандидатъёс азьланьтозы. Кызьы вераз иворъёсъя «Удмуртия» агентстволы элькунысь Быръёнъёсъя валтӥсь ӧрилэн секретарез Олег Пырегов, ЦИК-е ужкагазъёсты ваись кандидатъёс пӧлын толон берпуметӥез луиз «Справедливая Россия» партилэн улосвыл ёзэтэзлэн кивалтӥсез Фарид Юнусов.

Азьвылгес ужкагазъёссэс сётӥзы элькун тӧролэсь ужзэ огдырлы быдэсъясь Александр Бречалов, КПРФ-лэсь но ЛДПР-лэсь кандидатъёс Владимир Бодров но Тимур Ягафаров, озьы ик «Коммунистическая партия социальной справедливости» огазеяськонлэн ыстэм муртэз Андрей Иванов.

Куара сётонэ 8 адями пыриськыны малпа вал. Но «Партия возрождения России», «Партия налогоплательщиков России» огазеяськонъёсысь Павел Бутченко но Людмила Ниязова, ПАРНАСысь Олег Овчинников ЦИК-е ужкагазъёссэс ӧз вае.

Тодэ вайытом, Удмуртилы тӧроез быръёнъёс 10-тӥ куарусёнэ ортчозы.

Та сярысь вань иворъёс татын: «Удмуртилы тӧроез быръёнъёс — 2017»

Удмуртилэн тӧроезлэн интыужаз эшшо одӥг кандидат улосвылысь Быръёнъёсъя валтӥсь ӧрие ужкагазъёсты сётӥз. Кызьы ивортэ ЦИК-лэн пресс-службаез, со «Коммунистическая партия социальной справедливости» огазеяськонлэн ыстэм муртэз, «Столица Ижевск» агентстволэн валтӥсь редакторез Андрей Иванов.

Тодэ вайытом, азьвылгес быръёнъёсъя ӧрие ужкагазъёссэс сётӥз Удмуртилэн тӧроезлэсь ужзэ огдырлы быдэсъясь Александр Бречалов, КПРФ-лэн но ЛДПР-лэн ыстэм муртъёссы Владимир Бодров но Тимур Ягафаров. Быръёнъёсы оглом 8 кандидатъёс пыриськыны малпало вал.

Кандидатъёсын люкам кинюртэмъёсты быръёнъёсъя ӧрие сётон дыр туннэ, 26-тӥ пӧсьтолэзе, йылпумъяське.

Удмуртилы тӧроез дырызлэсь вазь быръёнъёс 10-тӥ куарусёнэ ортчозы.

Та сярысь вань иворъёс «Удмуртилы тӧроез быръёнъёс — 2017» 

Удмуртлы тӧроез быръёнъёсы пыриськон понна элькунысь Быръёнъёсъя валтӥсь ӧрие ужкагазъёссэс сётӥзы КПРФ-лэсь кандидат Владимир Бодров но ЛДПР-лэсь кандидат Тимур Ягафаров. Со сярысь ивортэмын улосвылысь ЦИК-лэн сайтаз.

Ягафаров ужкагазъёссэ удмуртарняе, 21-тӥ пӧсьтолэзе, сётӥз, Бодров — вордӥськонэ, 24-тӥ пӧсьтолэзе.

Пусъёмы, быръёнъёсы пыриськон понна кандидатъёс 16-тӥысен 26-тӥ пӧсьтолэзёзь ӧжытсэ 7 процентэзлэсь муниципал депутатъёслэсь кинюртэмъёссэс ӧрие вайыны кулэ.

Тодэ вайытом, Быръёнъёсъя валтӥсь ӧрие ужкагазъёсты азьвылгес сётӥз Удмуртилэн тӧроезлэсь ужзэ огдырлы быдэсъясь Александр Бречалов. 10-тӥ куарусёнэ ортчоно дырызлэсь вазь быръёнъёсы 8 кандидатъёс пыриськыны малпало.

Та сярысь вань иворъёс «Удмуртилы тӧроез быръёнъёс – 2017» сюжетын

Федераци Кенешын Удмуртилэн ёзчиез интые элькун тӧролэсь ужзэ огдырлы быдэсъясь Александр Бречалов куинь муртэ ӵектӥз. Со сярысь вераз 21-тӥ пӧсьтолэзе Быръёнъёсъя валтӥсь ӧрие кулэ ужкагазъёсты сётыкуз, ивортэ «Единая Россия» партилэн улосвыл ёзэтэзлэн пресс-службаез.

Элькунлы выль кивалтӥсез бырйыку Федераци Кенешын улосвыллэн ёзчиез но воштӥське. Удмуртилы тӧроез дырызлэсь вазь быръёнъёс ортчем бере улосвыл кивалтӥсь Федераци Кенеше выль ёзчиез бырйыны кулэ луоз. Али отын Удмуртилэн тӧроезлэн но кивалтэтлэн ыстэм муртэз луэ Александр Чекалин.

21-тӥ пӧсьтолэзе Александр Бречалов куинь кандидатъёсты ӵектӥз. Соос пӧлын: Россотрудничестволэн кивалтӥсез Любовь Глебова, «Сообщество» фондлэн кивалтӥсез Иван Черезов но Удмурт Элькунъя валтӥсь федерал инспектор Дмитрий Мусин.

Александр Бречалов Удмуртилэн тӧроезлэн интыужаз кандидат сямен пусйиськыны вань кулэ луись ужкагазъёсты улосвылысь Быръёнъёсъя валтӥсь ӧрие сётӥз. Со сярысь 21-тӥ пӧсьтолэзе ивортӥзы «Единая Россия» партилэн улосвыл ёзэтэзлэн пресс-службаяз.

Тодэ вайытом, элькун кивалтӥсез дырызлэсь вазь быръёнъёс Удмуртиын 10-тӥ куарусёнэ ортчозы.

Пресс-служба ивортэмъя, Александр Бречалов элькунысь муниципалитетъёслэн кенешъёсысьтызы депутатъёслэн кинюртэмъёсынызы кагазъёсты сётӥз. Улосвыл катрадлыкъя, кинюртэмъёслэн лыдзы вань со депутатъёс пӧлысь 7 процентэзлэн луыны кулэ. Ужкагазъёс вуэм бере 10 нуналскын Быръёнъёсъя валтӥсь ӧри кандидатэз пусъён сярысь пумкылъян кутоз.

«Муниципалитетъёлэн депутатъёссылы оскемзы но дурбасьтэмзы понна тау карисько. Милям валтӥсь ужпуммы — улосвылмылэн дэлетлыкез понна ӵошен, командаен ужан», — вераз Александр Бречалов.

Тодэ вайытом, элькунлэн тӧроезлэн интыужаз ас кандидатуразэс ӵектэм сярысь Быръёнъёсъя валтӥсь ӧрие тямыс адями ивортӥз.

Удмуртиысь Быръёнъёсъя валтӥсь ӧрие ужкагазъёс сётӥзы: Александр Бречалов («Единая Россия»), Владимир Бодров (КПРФ), Павел Бутченко («Партия Возрождения России»), Андрей Иванов («Коммунистическая партия социальной справедливости»), Олег Овчинников (ПАРНАС), Фарид Юнусов («Справедливая Россия»), Тимур Ягафаров (ЛДПР) но Людмила Ниязова («Партия налогоплательщиков России»).

Кандидатъёсын люкам кинюртэмъёсты ЦИК-е сётон дыр 26-тӥ пӧсьтолэзе йылпумъяське.

Элькунысь Быръёнъёсъя валтӥсь ӧрие Удмуртилэн тӧроезлэн интыяз кандидатуразэс ӵектэм сярысь 8 адями ивортӥз. Иворъёсъя «Удмуртия» агентстволы со сярысь вераз ӧрилэн секретарез Олег Пырегов.

Удмуртиысь Быръёнъёсъя валтӥсь ӧрие ужкагазъёссэс сётӥзы: Александр Бречалов («Единая Россия»), Владимир Бодров (КПРФ), Павел Бутченко («Партия Возрождения России»), Андрей Иванов («Коммунистическая партия социальной справедливости»), Олег Овчинников (ПАРНАС), Фарид Юнусов («Справедливая Россия»), Тимур Ягафаров (ЛДПР) но Людмила Ниязова («Партия налогоплательщиков России»).

Кандидат луыса пусйиськон понна соос 16–26 пӧсьтолэзе элькунысь ЦИК-е муниципал депутатъёслэсь кинюртэмъёссэс вайыны кулэ. Соиз яке таиз политик понна ӧжытсэ 7 процентэз калыкен быръемъёс дурбасьтыны кулэ.

Кинюртэмъёсты ваем бере ужкагазъёсты эскерыны но вожвылъяськисез быръёнъёсы кандидатэз сямен пусйыны ЦИК-лы 10 нунал сётӥське.

Тодэ вайытом, Удмуртилы тӧроез дырызлэсь вазь быръёнъёс 10-тӥ куарусёнэ ортчозы.

Александр Бречалов Удмуртилы тӧроез быръёнъёсы кандидатэ ӵектӥськон сярысь ужкагазъёсты элькунысь быръёнъёсъя шор ӧрие сётӥз. Улосвыл кивалтӥсьлэсь ужъёссэ огдырлы быдэсъясь со сярысь ивортӥз 4-тӥ пӧсьтолэзе «ВКонтакте» мер вотэсын.

Солэн верамезъя, программазэ ньыль валтӥсь эсэпрадъёсты лыдэ басьтыса кылдытӥз: кылкутон, чылкыт сюлэмо луон, калыклы шара луон но пайдалык.

«Сое мон лыдэ басьтӥсько аслам ужам, сое курисько ужасьёсызлэсь но, со ик валтӥсез луыны кулэ калыкен но ужбергатонэн ужанын», — пусйиз Александр Бречалов ивортоназ.

Солэн кылъёсызъя, программаын пусъемын 10 валтӥсь удысъёс, кудъёсызъя со ужез радъяны малпа: экономика, жилищно-коммунальной возёс, сюресъёс, басьтыны вормымон улон инты, гурт возёс, тазалык, дышетон, мерлыко юрттэт, мугорез кылдытон но спорт, лулчеберет.

Тодэ вайытом, «Единая Россия» партилэн улосвыл ёзэтэзлэн толон ортчем конференцияз Александр Бречаловез элькунлы тӧроез быръёнъёсы кандидатэ бырйизы. Солы дурбасьтӥзы 251 пӧлысь 233-ез делегатъёс. Озьы ик Удмуртилэн тӧроезлэсь ужзэ огдырлы быдэсъясь улосвыллэн Кун Кенешаз депутатъёсты быръёнъёсын партилэн лыдметэзлэн нырысетӥ чураз.

Та темая вань иворъёсты лыдӟе «Удмуртилы тӧроез быръёнъёс – 2017» сюжетысь

«Справедливая Россия» Удмуртилы тӧроез быръёнъёсы Фарид Юнусовез ӵектӥз. Пуксёнэ, 4-тӥ пӧсьтолэзе, со сярысь ивортэмын партилэн улосвыл ёзэтэлэн сайтаз.

Партилэн конференциез Ижкарын 3-тӥ пӧсьтолэзе ортчиз. Отын Юнусовлэсь гинэ кандидатуразэ эскеризы. Азьвылгес солы дурбасьтэмез сярысь вераз партилэн кивалтӥсез. Улосвыл ёзэтлэн азьветлӥсез понна куаразэс сётӥзы 44-ез делегатъёс, пумит — 6.

Ватсалом, Удмуртилэн Кун Кенешаз депутатэ ӵектон понна кандидатъёслэсь лыдметсэс «Справедливая Россия» партилэн улосвыл ёзэтэз 15-тӥ пӧсьтолэзёзь юнматыны чакла.

Удмуртилы тӧроез но Кун Кенеше депутатъёсты быръёнъёс 10-тӥ куарусёнэ ортчозы.

Азьвылгес верамын вал, улосвыл кивалтӥсез быръёнъёсын Удмуртилэн тӧроезлэсь ужзэ огдырлы быдэсъясь Александр Бречалов «Единая Россия» партилэн кандидатэз луоз шуыса, Владимир Бодров КПРФ-лэсь мыноз, ЛДПР-лэсь — Тимур Ягафаров, «Коммунистическая партия социальной спправедливости» огазеяськонлэсь — Андрей Иванов.

Удмуртилы тӧроез быръёнъёсын «Единая Россиялэн» кандидатэз луоз Александр Бречалов. Сыӵе пумкылъя кутӥзы партилэн улосвыл конференцияз 3-тӥ пӧсьтолэзе.

Лушкем куара сётон дыръя 251 делегат пӧлысь 213-ез элькун тӧролэсь ужзэ огдырлы быдэсъясь понна куразэс сётӥзы.

Нырысь-валысь куара сётонэ пыриськем Дэри ёрослэн тӧроез Андрей Коняшин 37 куара люказ.

Одӥгез бюллетень ярнатэмен лыдъямын вал.

Тодэ вайытом, Удмуртилы тӧроез дырызлэсь вазь быръёнъёс элькунын 10-тӥ куарусёнэ ортчозы.

Читать полностью
Наверх
Вниз