100 лет государственности Удмуртии
Ижкар+11 °C
1 -тӥ инвожо 2020 Вордӥськон
16+

10 сюрслэсь трос адями вуылӥз Москваын ортчем Гербере. Со сярысь «Фейсбукысь» бамаз ивортэ Удмурт Элькунлэн тӧроезлэн Росси азьмурт бордын ялан ужась ыстэм муртэзлэсь ужоскетъёссэ огдырлы быдэсъясь Михаил Хомич.

1-тӥ пӧсьтолэзе Москваысь «Эрмитаж» садын шулдыръяськон 11 час кыстӥськиз. Куноос удмурт калыклэн но Удмуртилэн лулчеберетэныз, озьы ик элькунын поттэм вузъёсын тодматскыны багатӥзы. Аслыз тунсыкозэ но пайдаёзэ шедьтӥз пиналэз но, бадӟымез но.

Иворъёсъя «Удмуртия» агентство праздникысь текстэн трансляция нуиз. Нош али видеовзьматонмес учкыны ӵектӥськомы.

Гербер - 2017 Москваын


1-тӥ пӧсьтолэзе Москваысь «Эрмитаж» садын куинетӥ ползэ ни удмуртъёслэн Гербер праздниксы ортчиз. Таяз ардэ солэн валтӥсь мереткылъёсыз вал — «Лэсьтэмын Удмуртиын» но «Тод Удмуртиез Москваысь потатэк». Соослэсь пуштроссэс быдэсак усьтӥзы 10 площадкаос — «Шӧмъя Удмуртиез», «Тодматскы Удмуртиен», «Кылзы Удмуртиез», «Удмуртилэн данлыкез», «Лэсьтэмын Удмуртиын», «усьты Удмуртиез», «Йӧтскылы Удмуртия борды», «Удмуртиез тодад кельты», «Шуд Удмуртиен», «Удмуртиысь салам».

Удмурт Элькунлэн тӧроезлэн Росси азьмурт бордын ялан ужась ыстэм муртэзлэсь ужоскетъёссэ огдырлы быдэсъясь Михаил Хомич верамъя, Гербере 10 сюрслэсь трос адями вуылӥз.

Иворъёсъя «Удмуртия» агентство праздникысь текстэн трансляция нуиз

Удмуртарняе, 30-тӥ пӧсьтолэзе, Москваын жаль-жаль зориз, гудыръяз но чилекъяз. Но кӧснуналэ куазь удалтӥз — быдэс нуналскын одӥг пол гинэ вакчи дыр куспын кӧня ке зор усиз, но со чаклам радлыкез ӧз тӥя.

Азьвыл аръёсы сямен ик, трос калык люкаськиз Калашниковлэн автоматэныз туспуктэм лэсьтыны, гур азьын пыжем перепечез верьяны. Таяз радэ уно тунсыкъяськисьёс вал Пётр Чайковскийлэн музей-юртэзлэн стендэз дорын. Ужъюрт но нылпиослэн «Кванториум» технопарксы валче кылдытэм ӵектосъёсынызы тодматӥзы — музеетӥ виртуальной тур но «Чайковский. LIVE» ватсэт.

Юмшаса жадемъёс котсэс тырыны быгатӥзы фермеръёс дорын. Можга ёросысь фермерлэсь Галина Белозёровалэсь гинэ 200 килограммлэсь трос пельняньзэ басьтӥллям!

Куноос Удмуртиын поттэм вузъёсын, киужъёсын но книгаосын тодматскизы, ужбергатӥсьёсын но нимо-дано спортсменъёсын пумиськизы, удмурт кылэз дышетӥзы, шудӥзы но эктӥзы, кырӟанъёсты кылзӥзы. Оглом вераса, Москваын улӥсьёслы Удмуртиез котыр ласянь возьматӥзы.

Москваын Гербер-2017 шулдыръяськон ортчиз

37 фото

«Удмуртъёс туж дунъяло но утё асьсэлэсь лулчеберетсэс, йылолъёссэс. Тау Москвалэн кивалтэтэзлы, инты сётэмез понна. Туж кулэ, Москваын но, быдэс Россиын но улӥсьёс мед тодозы шуыса, кыӵе узыр но пӧртэмлыко асьмелэн кунмы — мед тодозы котькуд улосвыллэсь аспӧртэмлыксэ,

Читать полностью

1-тӥ пӧсьтолэзе Москваын Гербер шулдыръяськонын валтӥсь крезьгуро куно луоз фольклор кырӟанъя но эктонъя «Айкай» кун театр. Праздниклэн крезьгуро пуштросэз сярысь ивортӥз Удмуртиысь Калыкъёслэн эшъяськон юртсылэн пресс-службаез.

Удмуртилэсь вашкала но туала крезьгуро лулчеберетсэ быдэс нунал ӵоже возьматозы тодмо но творчествоын сюрессэс али кутскись кырӟасьёс но коллективъёс.

«Айкай» азьын сцена вылэ потоз Иван Белослудцевлэн «Суоми» группаез. Нош праздникез усьтэм бере ик люкаськем калык тодматскыны быгатоз «Детская новая волна — 2017» калыккуспо конкурсын вормисен Арина Петроваен. Концертэз азьланьтоз Ижкарын вордскем кырӟась Евгений Гор. Асьсэ кырӟанъёсазы вашалазэ но туалазэ пӧлэстозы егит кырӟасьёс Катерина КенJали но Чупай Эли.

Озьы ик Гебере пыриськозы тодмо кырӟасьёс но кутскись рок-крезьгурасьёс — Татьяна Зыкина, «Silent Woo Goore» но «Малыми» группаос, Марк Юсим. Ваньзы соос ошмесо шаерын — Удмуртиын — вордскемын.

Фестивале вуоз «Прага LIVE» кавер-группа, вотэсын туж тодмо луиз соин быдэстэм «ВРИО» кырӟан. Учкисьёсты задор мылкыдыныз, баянэн йӧспӧртэм шудэменыз но кырӟанъёсыныз «ӝуатоз» Анна Плотникова. Нимысьтыз куно луоз «Голос» ӵектосэ пыриськем Екатерина Чистова, со Воткаын вордскемын.

Быдэс нунал ӵоже «Эрмитаж» садын крезьгуръёсты шудозы «Электроники DJ’s». Кунмылэн шоркараз Гербер «Эктоника» дискотекаен йылпумъяськоз.

Тодэ вайытом, 1-тӥ пӧсьтолэзе Москваысь «Эрмитаж» садын Гербер праздник 10 часысен 21 часозь кыстӥськоз.

Вань ужрадъёс сярысь лыдӟе «Гербер-2017 Москваын» сюжетысь.

Аспӧртэм удмурт куараосты, кырӟанъёсты дышетыны луоз Москваын Гербер праздникын. Иворъёсъя «Удмуртия» агнтстволы со сярысь вераз удмурт кыллы дышетӥсь Ольга Урасинова. Мастер-класс 16 час 30 минутэ кутскоз шуыса чакламын.

30 минутскын вакчияк верало удмурт кыл сярысь — дышетом аспӧртэм удмурт куараосты, кулэ луись веранъёсты (фразаосты), удмурт кырӟан дышетом. Озьы ик вакчияк верало удмуртъёс сярысь, тунсыко кылъёсмы сярысь, мар бордысь кылдэмзы сярысь, шуом, коньдон, кызаузы но мукет
Ольга Урасинова

Со ик Москваын удмурт кылъя курсъёсты нуоз. Пумиськонъёс Удмуртилэн тӧроезлэн шоркарысь постпердствояз ортчылозы.

«Курсъёс пумысен вераським — пӧсьтолэзе но гудырикошконэ быдэн одӥг пумиськон радъялом, нош сӥзьылысен ини, калык шутэтсконысь бертыса, курсъёс», — пусйиз Урасинова.

Тодэ вайытом, Гербер праздник Москваын ортчоз 1-тӥ пӧсьтолэзе «Эрмитаж» садын.

Таяз арын шулдыръяськонлэн мереткылэз (девизэз) «Лэсьтэмын Удмуртиын» луоз. Россилэн шоркараз улӥсьёс но куноос удмуртъёслэсь шудонъёссэс, эктонъёссэс но кырӟанъёссэс учкем сяна, Удмуртилэн туризмъя, инвестициосъя но экономикая луонлыкъёсыныз тодматскыны быгатозы. Кылсярысь, сюан йылолъёсты возьматозы, соосын пӧлын куран но айшон дӥсян. Удмуртиысь ужбергатӥсьёс асьсэ ӵектосъёсынызы тодматозы. Тодмо спортсменъёс вералозы, кин но мар юрттӥз соослы бадӟым вормонъёс басьтыны. Со сяна, дронъёсын ӵошатсконъёс но трос мукет ужрадъёс радъялозы.

Вань иворъёсты лыдӟе «Гербер-2016 Москваын» сюжетысь

1-тӥ пӧсьтолэзе Москваын Гербер шулдыръяськонын дронъёсын ӵошатсконъёс радъялозы. Со сярысь ивортэ Удмуртиысь тӧролэн, но кивалтэтлэн пресс-службазы.

«Тӥ тодӥськоды-а дронъёсъя Удмуртия Россиын нырысетӥ шуыса?! Ми дронъёсын ӵошатсконъёс ортчытомы!», — гожтӥз Фейсбукысь бамаз элькунлэн тӧроезлэн Росси азьмурт бордын ялан ужась ыстэм муртэзлэсь ужоскетъёссэ быдэсъясь Михаил Хомич.

Со сяна, празднике лыктэмъёс Калашниковлэсь автоматсэ сэртто-бичанын асьсэдыз эскерыны, Ижкарысь автозаводын поттэм выль автомобильёсын тодматскыны быгатозы.

Быдӟым крезьгурчилэсь Пётр Чайковскийлэсь талантсэ гажасьёсты солэн музей-юртэзлэн интерактивной площадкаяз возьмало. Отын виртуальной очки дӥсяса, крезьгурчилэн пинал дыраз вуылыны луоз.

Куноосты трос мукет тунсыкоез возьма. «Фермеръёслэн лаваязы сяме пырем сиён-юонъёсты веръян, мода возьматон, чеберлыко киужъёсъя мастер-классъёс, нылпиослы выжыкылысь геройёсын шудон площадкаос, калык коллективъёслэн, но егит кырӟасьёслэн возьматонъёссы, этно-дискотека, флешмоб, улосвылысь санаторийёсы путёвкаосын розыгрыш — ваньмыз со Москваын удмурт йӧскалык праздникын», — верамын ивортонын.

Озьы ик Герберын возьматозы удмурт сюан йылолъёсты, Удмуртиысь ужбергатӥсьёс асьсэ ӵектосъёсынызы тодматозы.

Праздник кутскоз 10 часын. Нимлыко усьтонэз «Эрмитаж» садлэн валтӥсь сцена вылаз 13 часын луоз.

Удмуртиысь тодмо куасэн бызьылӥсьёс Галина Кулакова но Тамара Тихонова, озьы ик биатлонист Иван Черезов Москваын Гербер шулдыръяськон улсын спортъя лекторие пыриськозы. Со сярысь ивортэ элькунысь тӧролэн но кивалтэтлэн пресс-службазы.

Нимо-дано спортсменъёс вералозы, кин но мар соослы вормонъёс басьтыны юрттӥз. Спортысь кизилиосын Москваын пумиськыны луоз 15 час 45 минутэ.

Ижкарын Россилэсь нуналзэ но Карлэсь нуналзэ пусъён улсын ортчем шахматъя турнирын вормисьёсын шудозы, чакланъёсъя, Россиысь кивалтэтлэн тӧроезлэн воштӥсез Аркадий Дворкович но Кун Думаысь лулчеберетъя комитетлэн тӧроез Станислав Говорухин.

Тодэ вайытом, Гербер шулдыръяськон Москваысь «Эрмитаж» садын 1-тӥ пӧсьтолэзе ортчоз. Куноосты трос тунсыкоез вите.

Гербер удмурт йӧскалык шулдыръяськон Москваын куинетӥзэ ортчоз. Таяз арын йӧскалык лулчеберетэз сяна, Удмуртия туризмъя, экономикая но инвестициосъя луонлыкъёссэ возьматоз. Куноосты 1-тӥ пӧсьтолэзе «Эрмитаж» садын возьмало.

Удмурт Элькунлэн тӧроезлэн Росси азьмурт бордын ялан ужась ыстэм муртэз Михаил Хомич верамъя, праздниклэн мереткылэз (девизэз) «Лэсьтэмын Удмуртиын» луоз.

Москваын Гербере пыриськись ужбергатӥсьёс иворъёсъя «Удмуртия» агентстволы веразы, мар соос возьматозы но мар возьмало ужрадлэсь.

«Малпасько, со тунсыко луоз»

facebook.com

Артём Субботин, «Симкомат» компаниез кылдытӥсь:

 — Зэмзэ вераса, Москваысь Герберлэсь бадӟым возьманъёсы али ӧвӧл, угось та ужрадэн матысь тодмо ӧвӧл. Малпасько, со тунсыко луоз! Ми отын асьмелэн самообслуживаниея киоскмес — симкоматэз — возьматомы.

Озьы луиз, ми Удмуртиысь Москвае выжимы, клиентъёсмы доры матэгес. Али элькунын зэзьлык (активность) но усьтӥськон (публичность) тросгес луиз, азьвыл со ӧй вал, со улослы ӝоггес азинскыны юрттоз. Матысь дыре #ИнвестируйвУдмуртию мереткыл улсын нырысетӥ азинлыко ӵектосъёсмес быдэстомы шуыса малпасько.

Милям кык ас ӵектосмы. Нырысетӥез — мобильной операторъёслэсь SIM-картаоссэс вузанъя киоскъёсты поттон. Ми соин 2013-тӥ арын вырыны кутскимы, нырысь ик Россиысь сотовой операторъёслы вузаны кутскимы, али СНГ-е пырись кунъёсын но, Африкаын но, кылсярысь, Камерунын.

Кыкетӥез ӵектос — адямиез онлайн амалэн тодманъя программаосты кылдытон — 2015-тӥ арын кылдӥз. Матысь чакланъёсмы — инвестициосты шедьтон но кыкезъя ик ӧръёсъя вузкаронэз будэтон.

«Москваын улӥсьёслы Удмуртилэн учкымонлыкъёсыныз 360 градус форматэн видео возьмато»

facebook.com

Игорь Мельников, Boxglass компанилэн кивалтӥсез:

 — Мынам учкеме потэ, кызьы дунъялозы Москваын улӥсьёс но куноос Удмуртилэсь вузъёссэ но лулчеберетсэ. Москвичьёслы виртуальной дуннеез кылдытӥсь Boxglass очки возьмато, со Удмуртиын кылдытэмын но поттэмын, озьы ик Удмуртилэн учкымонлыкъёсыныз 360 градус форматэн видео.

Читать полностью

Москваын удмурт йӧскалык шулдыръяськон дырозь арня кылиз. Гербер «Эрмитаж» садын 1-тӥ пӧсьтолэзе ортчоз. Россилэн шоркараз праздник кунетӥзэ радъяськоз ни.

Праздниклэн валтӥсь ужпумез — Москваын улӥсьёсты удмурт лулчеберет тодматон, пусъё радъясьёсыз. Куноосты трос тунсыкоез возьма.

Фестивальын сюан йылолъёсты возьматозы. Соосын пӧлын куран но айшон дӥсян.

Озьы ик шулдыръяськонэ лыктэмъёс Тол Бабаен но Лӧпшо Педунен тодматскыны, эшъёссылы «Ижкарысь открыткаез» келяны быгатозы.

Ужбергатонэн тунсыкъяськисьёсты Василий Мунтянлэн лекцияз возьмало. Со банкын ужзэ кельтӥз но аспӧртэм ӵектоссэ кутскиз — «Рубашка на заказ». Туннэ солэн кӧня ке сюрс басьяськисьёсыз, дэремъёссэ улосвыл тӧроос но нулло.

Шулдыръяськонлэн радлыкеныз Москваысь Герберлэн сайтаз тодматскыны луэ.

Тодэ вайытом, «Эрмитаж» садын ортчоно Гербер шулдыръяськонлэн мереткылэз (девизэз) «Лэсьтэмын Удмуртиын» луоз. Россилэн шоркараз улӥсьёс но куноос удмуртъёслэсь шудонъёссэс, эктонъёссэс но кырӟанъёссэс учкем сяна, Удмуртилэн туризмъя, инвестициосъя но экономикая луонлыкъёсыныз тодматскыны быгатозы.

1-тӥ пӧсьтолэзе Москваысь «Эрмитаж» садын ортчоно Гербер шулдыръяськонлэн мереткылэз (девизэз) «Лэсьтэмын Удмуртиын» луоз. Россилэн шоркараз улӥсьёс но куноос удмуртъёслэсь шудонъёссэс, эктонъёссэс но кырӟанъёссэс учкем сяна, Удмуртилэн туризмъя, инвестициосъя но экономикая луонлыкъёсыныз тодматскыны быгатозы, ивортэ элькунысь Калыкъёслэн эшъяськон юртсылэн пресс-службаез.

Удмурт йӧскалык праздник Россилэн шоркараз куинетӥзэ ортчоз ни. Шулдыръяськон, улосвылэн тодматон 10 часысен 21 часозь мыноз.

«Таяз арын Москваын Гербер выль сямен ортчоз. Москваын улӥсьёс но куноос Удмуртия сярысь,  мар лэсьтӥське асьме улосвылын рос-прос мед тодозы. «Лэсьтэмын Удмуртиын» — праздниклэн валтӥсь мереткылэз луоз. «Гербер» улсын калыккуспо гроссмейстерен но нимысьтыз ӧтем куноосын шахматэн шудон ортчоз. Кылсярысь, отчы пыриськыны соглаш луэмез сярысь вераз ни Росси Федерацилэн Кун Думаысьтыз лулчеберетъя комитетлэн тӧроез Станислав Говорухин», — Удмурт Элькунлэн тӧроезлэн Росси азьмурт бордын ялан ужась ыстэм муртэзлэсь ужоскетъёссэ огдырлы быдэсъясь Михаил Хомичлэсь кылъёссэ вера пресс-служба.

Улосвыллэсь промышленностья луонлыкъёссэ возьматозы «LADA Ижевск» но «Калашников» концерн. Россиысь автопромлэн берло азинсконъёсыныз тодматскыны луоз автомобильёсты адӟытонын. Ыбылӥськон тӥрлыкез поттон удысын азьветлӥсьлэн стендэз дорын куноосты тодмо ожтӥрлыкен вырыны дышетозы. Со сяна, празднике лыктэмъёс Удмуртиын поттэм дронъёсын-беспилотникъёсын тодматскыны, соосын кивалтыны эскерыны быгатозы.

«Удмуртилэсь шӧмзэ» усьтозы фермеръёс. Соос асьсэлэсь вузъёссэс возьматозы но йӧскалык сиён-юонэн (перепечен но пельнянен) утялтозы.

Киужъёсын тунсыкъяськисьёс пӧртэм мастер-классъёсы пыриськыны быгатозы. Пинал куноосты шулдыртозы удмурт выжыкылъёсысь геройёс Тол Бабай но Лӧпшо Педунь. Сцена вылэ потозы Удмуртиысь кырӟанъя но эктонъя тодмо коллективъёс. Шулдыръяськонэ лыктэмъёсты улосвыллэсь пуссэ кылдытон флешмоб огазеялоз, сое лобась дрон снимать кароз.

Праздник

Читать полностью

Москваын «Гербер» удмурт шулдыръяськон 1-тӥ пӧсьтолэзе ортчыны быгатоз. Со сярысь иворъёсъя «Удмуртия» агентстволы Удмуртилэн тӧроезлэн Росси азьмурт бордын ужась представительствоезлэн пресс-службаяз веразы.

«Куинетӥез «Гербер» удмурт йӧскалык шулдыръяськон Москваын 2017-тӥ арын 1-тӥ пӧсьтолэзе ортчыны быгатоз, «Герберез» Удмуртиын ортчытэм бере. Шулдыръяськонэз радъяны азьвыл кыр аръёсысь интыосты эскериськомы – «Эрмитаж» сад яке «Музеон», - веразы иворъёсъя «Удмуртия» агентстволы.

Праздниклэн валтӥсь ужпумъёсыз - шоркарын улӥсьёсты но куноосты удмурт калыклэн лулчеберетэныз, сямъёсыныз но аспӧртэмлыкеныз тодматон, озьы ик улослэсь экономикая но инвестициосъя луонлыкъёссэ возьматон. Ужрадэ пыриськозы элькунысь йӧскалык лулчеберетъя огазеяськонъёслэн ёзчиоссы, озьы ик пӧртэм удысъёсысь предприятиослэн ыстэм муртъёссы.

Радъясьёслэн верамзыя, шулдыръяськонын тунсыко площадкаос ужалозы. Кылсярысь, «Ижкарысь открытка», «Калашников» концернлэн интерактивной стендэз, Калашниковлэсь автоматсэ сэрттон-бичанъя турнир радъямын луоз но трос мукетъёсыз.

Та дыре постпредство шулдыръяськонлэсь учкетсэ Удмуртиысь Йӧскалык политикая министерствоен но Инвестициосты азинтонъя агентствоен ӵош кылдытэ.

Тодэ вайытом, Москваын кыкетӥез «Гербер» 2016-тӥ арын 16-тӥ пӧсьтолэзе ортчиз

«Гербер» шулдыръяськон Москваын


Москваын куинетӥ ползэ ортчытозы «Гербер» удмурт йӧскалык праздникез. Со сярысь ужкагаз шараямын элькун тӧролэн но кивалтэтлэн пресс-службаязы.

Ужрадэз радъясьёсыз луозы Удмуртиысь йӧскалык политикая министерство но лулчеберетъя но туризмъя министерство, озьы ик Элькунлэн тӧроезлэн Росси азьмурт бордын ялан ужась представительствоез но улосвылысь быдэсъясь ёзэсъёс. Соос борды итӥськыны быгато элькунысь муниципал кылдытэтъёс но.

Тодэ вайытом, кыкетӥез «Гербер» Москваысь «Эрмитаж» садын ортчиз 2016-тӥ арын 16-тӥ пӧсьтолэзе. Куноос удмурт шудонъёсын, эктонъёсын, кырӟанъёсын тодматскыны, пӧртэм мастер-классъёсы но вожвылъяськонъёсы пыриськыны, йӧскалык сиён-юонъёсты веръяны быгатӥзы.

Гербер Москваысь «Эрмитаж» садын


Наверх
Вниз