Ижкар+12 °C
10 -тӥ куартолэзь 2021 Вордӥськон
18+

«Удмуртия» издательство элькунлэн кунлык басьтэмез дырысен 100 ар тырмонлы но улосвыл кивалтэтлэн юрттэменыз «Удмурт калыклы гожтэт» книга поттӥз. Солэн пуштросэз, кулэлыкез но отчы пырем авторъёс сярысь ивортодэтъя «Удмуртия» агентстволэн корреспондентэзлы книгаез люкась-радъясь, издательстволэн валтӥсь редакторез Георгий Грязев вераз.

Книгае ужкагазъёс, статьяос, кылбуръёс, проза, гожтэтъёс пыризы. Георгий Грязевлэн верамезъя, ваньмыз со ужъёс кылем даур кутсконын улэм адямиослэсь, автономия кылдытон бордын тыршем удмурт азьветлӥсьёслэсь мылкыдъёссэс, дунне шоры учконъёссэс возьмато.

Оглом 14 авторъёслэн ужъёссы люкаськизы. Соос пӧлын Иосиф Наговицын, Трокай Борисов, Степан Барышников, Кузебай Герд, Даниил Майоров, Ашальчи Оки, Иван Яковлев, Константин Яковлев, Максим Прокопьев но мукетъёсыз. Книгаез люкась-радъясьлэн кылъёсызъя, шонерезъя, соос трослы уногес луыны кулэ вал.

Мынам малпамея, татчы пырыны кулэ вал ваньмыз со адямиос, кудъёсыз пыриськизы удмуртъёслэн нырысетӥ съездазы. Отын пӧртэм-пӧртэм сямен улӥсь, пӧртэм-пӧртэм сямен дунне шоры учкись адямиос люкаськемын: отын купечьёс но, отын черко ужасьёс но, отын коммунистъёс но, эсеръёс но. Ваньмыз соос огазе люкаськизы удмурт автономия кылдытон понна
Георгий Грязев, «Удмуртия» книгапоттоннилэн валтӥсь редакторез, книгаез люкась-радъясь

Книга ньыль люкетлы люкемын. Нырысетӥяз удмурт автономия кылдытонлэн историез сярысь вераськон мынэ. Истори тодосъя докторлэн Кузьма Куликовлэн статьяез пыр со вакытысь шуг-секытъёс, ужпумъёс тупен-тупен усьтӥсько.

Кыкетӥ люкетаз сётэмын со исторической документъёс, кудъёсыз возьмато со вамышъёсты, кызьы кылдытӥзы, нырысь кызьы ужаны кутскиз, собере кызьы юнматэмын вал, собере кызьы тани, шуом, Глазкарысь шоркармес но выльысь Ижкаре берыктӥзы. Тӥни сыӵе ужкагазъёс возьмато, кызьы мынӥз та уж асьме элькунамы
Георгий Грязев, «Удмуртия» книгапоттоннилэн валтӥсь редакторез, книгаез люкась-радъясь

Куинетӥ люкетаз 14 авторъёслэн ужъёссы пыризы. Георгий Грязевлэн кылъёсызъя, котькуд чурысьтызы туала удмуртъёслы вазиськонзэс, маке вераны тыршемзэс шӧдыны луэ.

Валаны луэ, малы, шуом, Ашальчи Окилэн ик мӧзмыт кылъёсыз, малы Кузебай Герд шумпотэ «пеймытысь югытэ потӥм» ини шуыса. Котькуд чурез лыдӟиськод ке, со вакытысь адямилэсь мылкыдзэ шӧдӥськод, со асьмелы кыӵе ке ужпумез кельтэ кадь, мар лэсьтыны кулэ, ма карыны кулэ, удмурт калык медаз быры шуыса, автономия басьтӥз бере, азьланяз мед мыноз шуыса
Георгий Грязев, «Удмуртия» книгапоттоннилэн валтӥсь редакторез, книгаез люкась-радъясь

Куинетӥ люкетлэн шорсюлмыз Кузебай Гердлэн статьяосыз луо. Со удмурт но, ӟуч но кылъёсын гожъяз, кызьы улонамы ӟуч кыл пырыны кулэ, кызьы удмурт кыл нылпи садъёсын, мер улонын кутӥськыны кулэ, кызьы удмурт кыл мукет кылъёсын одӥг радын вамышъяны кулэ.

Озьы ик книгае Иван Яковлевлэн «Удмурт калыклы гожтэм» но «Удмуртъёслы гожтэм гожтэт» кык статьяосыз пыризы. Ӵапак соосъя ик книгалы ним но сётӥзы.

Соослэн одӥг сюлмаськонзы – удмурт калык бырыны кулэ ӧвӧл. Удмурт калык азьланьтыны кулэ кылэз но, лулчеберетэз но, историез но. <…> Со (Иван Яковлев – ред.) котькудӥз сямен пусъе, ӟуч кылтэк азьлань мыныны уз луы. Озьыен, соку ик сюлмасько ни вылэм, удмурт но, ӟуч но кыл огъя, ӵош мед мынозы шуыса. Одӥгез но со ышыны кулэ ӧвӧл, школаын но, лулчеберет улонын но, мер улонын но
Георгий Грязев, «Удмуртия» книгапоттоннилэн валтӥсь редакторез, книгаез люкась-радъясь

Вератэк кельтыны уг луы Максим Прокопьевез но. Георгий Грязевлэн кылъёсызъя, со удмурт автономиез кылдытон бордын туж трос ужаз ке но, автономиез адӟытэк кылиз, малы ке шуоно бырыны шедиз.

Кызьы шуо тодосчиос, асьмеос туннэ нуналлы Максим Прокопьевез тодӥськом солэн одӥг гинэ книгаезъя - «Максимлэн гожтэмез». Со поттэмын вал юри удмурт калык пӧлын валэктон уж нуон пумысен. Малы удмуртъёслы нимаз автономия кылдытоно, малы башкиръёс пӧлы но, бигеръёс пӧлы но пыроно ӧвӧл
Георгий Грязев, «Удмуртия» книгапоттоннилэн валтӥсь редакторез, книгаез люкась-радъясь

Асьме дорозь «Максимлэн гожтэмез» книга

Читать полностью

Ижкарын Удмурт кун университетысь Искусствоя но дизайнъя институтлэн музей ужъя но дышетонъя чеберлыко центраз Удмуртилэн кунлыкезлы 100 ар тырмонлы сӥзем адӟытон усьтӥськиз. Отчы школаосын дышетскисьёслэн ужъёссы пыризы, ивортэ элькунысь дышетонъя но тодосъя министерстволэн пресс-службаез.

237 пиналъёс суредъёссы пыр карез яратэмзэс, тужгес кельышлы интыосты возьматӥзы

Адӟытон 26-тӥ тулыспалозь ужалоз. Ужан дырыз: 9 часысен 17 час 30 минутозь. Музее, 91-61-09 номеръя гожтӥськыса, дунтэк пырыны луэ. 

Ижкарысь дышетскись телефонэ пуктыны Кузебай Герд сярысь визьсынан шудон лэсьтӥз.

1-тӥ толсуре Удмуртиын «ДаУР!» элькун ӵектослы йылпумъянъёс лэсьтӥзы. Улосвыллэн тӧроез Александр Бречалов творчествоя вожвылъяськонлэн куать ӧръёсаз вормисьёсты но финалистъёсты пусйиз но туризмъя квестэ пыриськисьёсты ӟечкылаз. Со сярысь элькун тӧролэн но кивалтэтлэн пресс-службазы ивортӥз.

Ӵектос бере интернет элькунмылэн паймымон инкуазь суредъёсыныз, лулчеберетъя но шутэтсконъя ужъюртъёсыныз фото- но видеоконтентэн тырмемын – вунонтэм мылкыдъёс басьтон понна милям зэмзэ но вань мае учкыны. Озьы Удмуртия сярысь Россилэн мукет улосвылъёсаз тросгес улӥсьёс тодозы, соослэн ваньзэ сое ас синмынызы адӟемзы потоз
Александр Бречалов, Удмуртилэн тӧроез

Ӵектослэн творчествоя вожвылъяськоназ вормисьёс но финалистъёс луизы:

«Пейзаж» ӧрын:

- 1-тӥ инты – Денис Вахрушев (Ершовская дубрава);
- 2-тӥ инты – Юлия Булатова (Карамас-Пельга);
- 3-тӥ инты – Николай Сойнов (Болтачево).

«Серия фото» ӧрын:

- 1-тӥ инты – Анна Ивонина;
- 2-тӥ инты – Александр Меньшиков;
- 3-тӥ инты – Андрей Ложкин.

«Описание» ӧрын:

- 1-тӥ инты – Наталья Платонова (Бачкей гуртысь «Этапный пункт» музей);
- 2-тӥ инты – Владимир Трефилов («Чёрные глубины Дикого озера»);
- 3-тӥ инты – Полина Куликова («Екатерининские дубы»).

«Личная история» ӧрын:

- 1-тӥ инты – Данил Соловьёв;
- 2-тӥ инты – Екатерина Кондратьева;
- 3-тӥ инты – Дарья Рябова.

«Оригинальное место» ӧрын:

- 1-тӥ инты – Николай Орлов (Удмуртиысь Ботанической сад);
- 2-тӥ инты – Александра Муратдымова (дуриськонъя «Морок» музей огъет);
- 3-тӥ инты – Ольга Верняева (Удмуртилэн географияя шорыз).

«Приз зрительских симпатий» нимысьтыз ӧрын «Тылыс» центрысь туспуктэмъёсыныз Елизавета Ипатова вормиз.

Вань вормисьёслы кузьымъёс сётӥзы. Нырысетӥ инты поннам – походъёсы ветлыны кулэ луись арбериосын туристлы рюкзак, кыкетӥ инты понна - Power bank, монопд но селфи кульчо, куинетӥ инты понна – «ДаУР!» дождевик. Озьы ик вань финалистъёс юри лэсьтэм свитшот, термокружка но изьы (бафф) басьтӥзы.

«ДаУР!» квестын вормизы:

- 1-тӥ инты (100 интыосы вуылӥзы) - Кондратьевъёслэн семьязы, Ольга Шафранова, Азат Фаттахов;
- 4-8 интыос (99 интыосы вуылӥзы) – Орловъёслэн, Санниковъёслэн семьяоссы, Ольга Шабалова, Сергей Ельцов, Закировъёслэн семьязы;
- 9-10 интыос (98
Читать полностью

Можга ёросын Удмуртилэн кунлыкезлы 100 ар тырмонлы «100 пӧртэм дэрем» адӟытон дасязы. Со сярысь ивортодэтъя «Удмуртия» агентстволэн корреспондентэзлы Можга ёросысь туризмез но киужез азинтонъя центрысь валтӥсь методист, удмурт дэремъя «Катар» студилэн кивалтӥсез Валентина Берёзкина вераз.

Элькунмылэн кунлык басьтэмез дырысен 100 ар тырмиз бере, ми но, Можга ёросъёс, малпамы мар ке но 100 лыдпусэн герӟаны. Соку шуак ваньмылэн йырамы малпан шуккиз, вашкала дэремъёсын выриськом бере ини, нош кыӵе меда быдэс Можга ёросамы вашкала дэремъёс? Соин ик малпамы «100 пӧртэм дэрем» карыны. Зэмзэ но озьы ик пӧрмиз, но соос табере 100-лэсь но трос луизы
Валентина Берёзкина, Можга ёросысь туризмез но киужез азинтонъя центрысь валтӥсь методист

Адӟытонлы Можга ёросысь вань 13 муниципал кылдытэтъёсысь пӧртэм гуртъёсысь дэремъёсты люказы. Со понна радъясьёс лулчеберет юртъёсын, школаосын ужасьёслы вазиськизы. Валентина Берёзкиналэн кылъёсызъя, ваньзы ик туж капчиен соглаш луизы, Удмуртилэн кунлыкезлы 100 ар тырмонлы сӥзем бадӟым ужрадлы соослэн но дэремъёссы юрттозы шуыса шумпотӥзы. Озьы, пӧлазы бигер палась вуэмъёсыз но, Вавож палась тусъемъёсыз но вань. Но огкадез – одӥг но ӧвӧл.

Кудӥз ке но ёрос гожысь ик бичамын, Нынёкысь но, Учаысь но, Удмурт Пычасысь но, Быдӟым Сурдысь но. Котькытысь-котькытысь. Шор сюлмысьтыз но. Озьы пӧртэм-пӧртэм дэремъёс луизы
Валентина Берёзкина, Можга ёросысь туризмез но киужез азинтонъя центрысь валтӥсь методист

Бызён, нуналысь-нуналэ нуллон удмурт дэремъёс XIX-тӥ даурысен кутскыса, ХХ-тӥ даурысь 60-тӥ аръёсы вуремъёсыз дорозь люкаськизы.

Воксё паймимы, вайизы быдэс комплект, Сибы палась Какся гуртысь. 1832-тӥ арын со воксё но вуремын ини. Тӥни со 1800-тӥ аръёсысь туж трос комплектъёс вуизы. Сыӵе калык татын дэремъёссэ ненег сяськаез кадь возем
Валентина Берёзкина, Можга ёросысь туризмез но киужез азинтонъя центрысь валтӥсь методист

Нош кызьы утиллям сыӵе вашкала дэремъёсты, юалоды. «Катар» студиен кивалтӥсьлэн верамезъя, вашкалаослэсь чакласа.

Пичи дырысенымы, пе, кылемын сыӵе суред: анайёссы шуо, пе, вылэм - куар чиньы йыл быдӟа луиз ке, одно ик тӧлатыны поттоно ини, нош сӥзьыл нырысетӥ куар усиз ке, выльысь кеносъёсы сандыкъёсы пыртано. Озьы, туж рос-прос, калыкез, инкуазез чакласа дэремъёсты утё вылэм
Валентина Берёзкина, Можга ёросысь туризмез но киужез азинтонъя центрысь валтӥсь методист

Адӟытонэз радъясьёс азязы дэрем пыр удмурт калыклэсь даур ӵоже ортчем сюрессэ возьматыны ужпум пуктӥзы: кызьы улӥзы, кызьы улон воштӥськиз, кызьы со улон удмурт нылкышнолэн дэремаз адӟиськиз.

Соос ыжгон, дэра басмалэсь но эшшо бурлат шорт дэремъёс мед луозы шуыса турттӥмы. Берпуметӥосыз тужгес дуноосыз - базар коже дэремъёс. XIX-тӥ даурлэн пумаз ӟеч уло вылэм ини, калык быгатэ вылэм ини басьтыны базарысь сӥньыс
Валентина Берёзкина, Можга ёросысь туризмез но киужез азинтонъя центрысь валтӥсь методист

Со сяна, дэремъёс адямилэсь кыӵе луэмзэ, сямзэ но возьмато. Валентина Берёзкина пусъе, котькуд дэрем тунсыко, дуно-а со, дунтэмгес-а, уго сое нуллӥсь ас даурзэ улӥз, улонэз адӟиз.

Одӥг кышномуртлэсь тани вайизы дэремзэ, Поршур гуртысь. Со выльысь 84 аресказ, огназ улӥсь кышномурт, корка пуктэ. Но 84 арескын кыӵе огназ улӥсь нылкышно дӥсьтоз выль корка пуктыны? Нош со озьы шуэм: «Кулон азям выль коркан улэме потэ». Одӥг тӥни со дэремъя ик валаськод – дэремез но куаж-куаж лэсьтэмын, вань сюлмысь. Тӥни озьы удмурт нылкышно усьтӥське
Валентина Берёзкина, Можга ёросысь туризмез но киужез азинтонъя центрысь валтӥсь методист

Пусъём, кык арня ӵоже адӟытонэн Можга карын тодматӥзы, нош табере сое Можга ёросысь Кватчи гуртын «Катар» студиын возьматозы.

Калык куриз, ваньзылэн адӟемзы потэ, ваньзы экскурсиен лыкто - пичиен бадӟымозь. Ваньзылы со выль усьтон - удмурт дэрем пыр Можга калыкез, солэсь историзэ, улон сюрессэ – ваньзэ-ваньзэ тани та экскурсиын адӟыны луоно. Соин ик ми малпамы сое Выль арозь кыскыны
Валентина Берёзкина, Можга ёросысь туризмез но киужез азинтонъя центрысь валтӥсь методист

Валентина Берёзкина пусйиз, юась луиз ке, адӟытонэз Ижкаре но ваёзы. Нош бӧрысь вань дэремъёсты берен кузёоссылы берыктозы.

Мон весь шуисько, куке дэремъёсты чебер-чебер манекен вылэ понӥськом, чебер-чебер вераськом, семьяослэн асьсэлэн но со дэремлы мылкыдзы ӝутӥське кадь. Соос собере дунъяны кутско со дэремъёссэс, милемлы кельтэмзы уг поты ни, выльысь куро. Соин ик ми соосты выльысь берыктомы
Валентина Берёзкина, Можга ёросысь туризмез но киужез азинтонъя центрысь валтӥсь методист


Удмуртилэн кунлыкезлы 100 ар тырмонэн ӟечкылан телеграммаос Казахстанлэн но Монголилэн Россиын посолъёссы Ермек Кошербаев но Дуламсурэн Даваа лэзизы. Шаерамы улӥсьёслы соос тазалык, шудбур, тупаса улон но азинсконъёс сӥзизы, ивортэ улосвыл тӧролэн но кивалтэтлэн пресс-службазы.

Ермек Кошербаев эпидемиологи югдур тупатскем бере Удмуртие вуылы оскытӥз.

Шумпотӥсько, Удмуртия милям кунысьтымы улосвылъёсын экономикая но гуманитарной кусыпъёсты азинтэ шуыса, со Казахстанлэсь но Россилэсь эшлыко кусыпъёссэс юнматонын шӧдскымон ватсэт луэ
Ермек Кошербаев, Казахстанлэн Россиын посолэз

Монголилэн посолэз но кусыпъёсты юнматон пумысен рос-прос кенешон понна Удмуртие вуылыны мылкыдыз сярысь вераз.

Пусъём, Удмуртилэн кунлыкезлы 100 ар тырмонэз пусъён улсын ужрадъёс азьланьтӥсько. Ар пумозь Вань удмуртъёслэсь ӧтчамзэс, муниципал кылдытэтъёслэсь форумзэс ортчытыны, Удмуртилэн выльысь поттэм атласэныз тодматыны чакламын.

Тодэ вайытом, Удмуртилэн вордскем нуналаз, 4-тӥ шуркынмонэ, кунлыклэн кутсконаз сылэм кун но мер ужасьёслэн синпелетъёссы доры сяськаос понӥзы, озьы ик бадӟым концерт возьматӥзы

Удмуртилэн кунлыкезлы 100 ар тырмон нуналэ, 4-тӥ шуркынмонэ, элькунын 36 нылпиос вордскизы – 19 нылъёс но 17 пиос. Со сярысь улосвыл тӧролэн но кивалтэтлэн пресс-службаез ивортӥз.

18 нуныос Ижкарын улӥсьёслэн семьяосазы вордскизы. Озьы ик Алнаш, Ува, Кез, Пичи Пурга но Дэри ёросъёсын, Воткаын, Сарапулын, Глазкарын но Можгаын нуны сюанъёс ӝоген шудозы.

Удмуртилэн 100 ар тырмон нуналаз вордскем вань пиналъёслы юбилейлы поттэм азвесь коньдон кузьмалозы.

Нырысетӥез кузьым басьтӥсь – пичи Ксения, со 0 часэ 18 минутэ Перинатальной центрын вордскиз. Ӟечкыласько анайзэ Ижкарысь Ольга Алексеевна Перевощиковаез! Вордскем сярысь ужкагазэн ӵош Ксения коньдонэз но басьтоз. Зэмос ибырвесь!
Александр Бречалов, Удмуртилэн тӧроез

Тодэ вайытом, Россиысь банк Удмурт Элькунлэн 100 ар тырмонэзлы 3 манет пуктэм дунын азвесь коньдонэз 1-тӥ коньывуонэ поттӥз. Сое 4-тӥ шуркынмонэ вордскем вож нуныослы синпельлы сётыны пумкылъян улосвыллэн тӧроез кутӥз

6-тӥ шуркынмонэ Калыкъёслэн эшъяськон юртазы Удмуртилэн тӧроез Александр Бречалов Калыкъёслэн огазеяськон нуналзылы но Удмуртилэн кунлыкезлы 100 ар тырмонлы сӥзем кун приём ортчытӥз. Улосвыллэн кивалтӥсез кун данъетъёс сётӥз. Со сярысь элькун тӧролэн но кивалтэтлэн пресс-службазы ивортӥз.

Та праздник арняе асьмеос Росси улосвылъёсысь но пӧртэм кунъёсысь ӟеч но шуныт кылъёс басьтӥськом. Россилэн азьмуртэз Владимир Путин телеграммаяз пусйиз, «асьме улосчиосмы Атыкай музъеммылэн ож историяз умой пытьы кельтӥзы, экономикаез, тодосэз, дышетонэз азинтонэ, трос пӧртэм йӧслыкъем калыкмылэсь историзэ, лулчеберетсэ но лулпуш кылёсбурзэ утёнэ бадӟым ватсэт пыртӥзы» шуыса пусйиз. Гажано эшъёс! Россилэсь сюрессэ но солэсь азинлыксэ Удмуртитэк син азе пуктыны уг луы, озьы вал но вань
Александр Бречалов, Удмуртилэн тӧроез

Александр Бречалов Удмуртилэн Дано кунмуртэз луэмзы сярысь нимысьтыз лентаос Удмуртпотребсоюзлэн кенешезлэн тӧроезлы Рауф Каримовлы но элькунысь Дышетонэз азинтонъя институтлэн кивалтӥсезлы Наталья Судариковалы сётӥз. Озьы ик элькунлэн Дано кунмуртэз Удмуртиысь Вылӥ Судлэн отставкае потэм тӧроез Юрий Суханов луиз. Со сяна, туэ вылӥ элькун данъетэз Кун Кенешлэн тӧроелэн нырысетӥ воштӥсезлы Надежда Михайловалы но тодмо автогонщиклы Владимир Гольцовлы сётӥзы вал ини.

Рауф Каримов тыршемзэ дунъямзы понна тау кариз но сыӵе дано ним басьтон туж бадӟым кылкутон шуыса пусйиз.

Ноку ӧй малпа вал мынэсьтым нуналмысь тыршемме тазьы дунъялозы шуыса. Куке ужаськод, данъет сярысь уд малпаськы, пайдалыкез сярысь. Вормонъёс басьтыны огъя командаен гинэ луэ. Мон вань ӵош ужась эшъёсылы, ужасьёсылы, коопераци огазеяськонъёсын кивалтӥсьёслы тау карисько
Рауф Каримов, Удмуртпотребсоюзлэн кенешезлэн тӧроез

Озьы ик Александр Бречалов Данъян пул вылэ пыртэм кунмуртъёслы но коллективъёсын кивалтӥсьёслы свидетельствоос сётӥз.

Данъян пул вылэ сяме пыӵамъя 50 кунмуртъёслэсь но 13 коллективъёслэсь нимзэс пыртӥзы

Сӥё-дано ужрад улсын залын Удмуртиысь крезьгурчиослэн, соос пӧлын Пётр Чайковскийлэн но, крезьгуръёссы чузъяськизы.

Дуно эшъёс, мон тау карисько тӥледлы тыршемды понна. Азяды секыт но бадӟым ужпумъёс пуктыны уд кышкаське шуыса. Ас тыршеменыды, быгатонлыкъёсыныды бадӟым вормонъёс басьтӥськоды, Удмуртиез кужмогес но чебергес кариськоды
Александр Бречалов, Удмуртилэн тӧроез

Пусъём, ужрад пандемиен сэрен кышкытлыклэсь утиськонъя вань куронъёсты чакласа ортчиз. Ужрадэ вань пыриськисьёс нунал азьвыл коронавируслы тест сётӥзы но висёнзы шараямтэ шуыса ужкагаз басьтӥзы. 

4-тӥ шуркынмонэ Удмуртилэн кунлыкезлы 100 ар тырмон нуналэ но Калыкъёслэн огазеяськон нуналазы Ижкарын удмурт калыклэн кунлыкезлы инъет кылдытӥсьёслэн – Трокай Борисовлэн, Иосиф Наговицынлэн, Кузебай Гердлэн – синпелетъёссы доры сяськаос понӥзы.

Ужрадъёсы улосвыл кивалтэтлэн, Ижкар администрацилэн, мер огазеяськонъёслэн ыстэм муртъёссы, депутатъёс пыриськизы.

Удмуртиысь кивалтэтлэн тӧроезлэн воштӥсез Анастасия Муталенко Трокай Борисовлэн синпелетэз доры сяськаос понӥз. Со пусйиз, ӵапак Борисов 20-тӥ аръёс шорын удмурт дышетӥсьёсты дасянъя курсъёс, собере семинариос кылдытӥз.


Анастасия Муталенко элькун праздниклы кӧня ке ар дасяськиз шуыса тодэ вайытӥз. Кунлыклы 100 ар тырмон улсын книгаос поттӥзы, историен герӟаськем лекциосын сузьет дасязы, нылпиослы литература но кунлыклы кутскон сётӥсьёслэсь гожтэтъёссэс поттыны чакламын. Со сяна, котыр дырпуслы сӥзем маркаос, конвертъёс, коньдон потӥзы, «ДаУР» квест ортчытӥзы.

Иосиф Наговицынлэн синпелетэз доры сяськос понтон ужрадэ улосвыл тӧролэн но кивалтэтлэн администрацизылэн кивалтӥсез Сергей Смирнов пыриськиз.


Кылем даурысь 20-тӥ аръёсы секыт вакыт вал – ож, сютэк улон. Со дыре ик ваньбур поттонэ, дышетонэ коньдон висъяно, гуртэз азинтоно. Со быдӟым адямиос кунэз лэсьтӥсьёс сямен малпаськыны, 100 арлы азьпал, кужымзэс шедьтӥзы. Соослы луыса кӧня ке поколениослэн, миллионъёсын адямиослэн улонзы воштӥськиз. Али Удмуртия – азинскем промышленностез но гурт возёсэз чебер, кужмо элькун
Сергей Смирнов, Удмуртиысь тӧролэн но кивалтэтлэн администрацизылэн кивалтӥсез

Кузебай Гердлы синпелет доры сяськаос понӥз Удмуртиысь Кун Кенешлэн тӧроезлэн воштӥсез Александр Прозоров.

Вавож ёросын вордскем мурт удмурт калыклэн историяз «югдытӥсь» нимын пыраклы кылиз. Герд кылбуръёсын но поэмаосын даслэсь трос бичетъёс поттӥз. Ӟуч гожъясьёслэсь произведениоссэс, ӟуч калык выжыкылъёсты но кырӟанъёсты удмурт кылэ берыктӥз. Вань улытозяз со ӧтись-ӝуткась, валэктӥсь вал. Удмурт калыклэсь мылкыдзэ ӝутӥз
Александр Прозоров, Удмуртиысь Кун Кенешлэн тӧроезлэн воштӥсез

Ватсалом, озьы ик Удмуртилэн кунлыкезлы инъет кылдытӥсьёслы синпелетъёс доры сяськаос понӥзы «Удмурт Кенеш» огазеяськонлэн азьветлӥсьёсыз. 

Удмуртилэн кунлыкезлы 100 ар тырмон нуналэ вордӥськем нылпиос котырес лыдпуслы сӥзем коньдон басьтозы. Сыӵе пумкылъян элькунлэн тӧроез Александр Бречалов кутӥз, ивортэ улосвыл тӧролэн но кивалтэтлэн пресс-службазы.

Вань нылпиослы, кудъёсыз вордӥськозы Удмуртилэн Вордӥськем нуналаз – 2020-тӥ арын 4-тӥ шуркынмонэ – ми синпель коньдон кузьмалом. Сое кылдытон бордын Санкт-Петербургысь коньдон поттон юртысь скульпторъёс, суредасьёс но чеканщикъёс тыршизы. Тодэ вайыто, котырес лыдпуслы сӥзем коньдон 925-тӥ пробаем азвесьлэсь лэсьтэмын
Александр Бречалов, Удмуртилэн тӧроез
 

Пусъём, 4-тӥ шуркынмонэ 12 часлы Удмуртиын 26 пиналъёс вордӥськизы вал ини. Нырысетӥез пинал Ксения нимо ныл луиз, со 00 час 18 минутэ элькунысь Перинатальной центрын вордӥськиз.

Азьвесь коньдонъёсты Россиысь Банк 1-тӥ коньывуонэ поттӥз. Со коллекционной ке но, катъя быдэс Россиын тыриськыны кутӥськыны быгатоз. Пыр-почгес ивор милям сюжетамы:

Памятную монету выпустили к 100-летию государственности Удмуртии


4-тӥ шуркынмонэ Удмуртилэн кунлыкезлы 100 ар тырмонлы сӥзем видеолекциослэн выль сериез потӥз. Элькунын улӥсьёсын солэсь валтӥсь катсэ пӧртэм аръёсы кутон сярысь Удмуртиысь валтӥсь архивлэн ёзэтысьтыз кивалтӥсьлэн воштӥсез Сергей Ашихмин вералоз.

Элькунлэн куинь валтӥсь катъёсыз


Удмуртилэн автономилэн сямен инлыкез шӧдскымон будӥз 30-тӥ аръёс шорын. 1934-тӥ арын 28-тӥ толсуре Удмурт автоном область Удмурт АССР луиз. Со дырлы лулчеберетэз ӝутонын но грамотаез тодымтэен нюръяськонын бадӟым азинсконъёс вал ни, со кун тӧрлык ёзэсъёсын но кивалтонын ужан понна йӧскалык кадръёсты кылдытыны но элькунлэн историяз нырысетӥзэ Кункатэз дасяны луонлык сётӥз
Сергей Ашихмин, Удмуртиысь валтӥсь архивлэн ёзэтысьтыз кивалтӥсьлэн воштӥсез

Улон азинскемъя кунын ортчись воштӥськонъёсты кункатэн юнматыны кулэ луиз. Соин валче 1978-тӥ но 1994-тӥ аръёсы Кункатъёс кутэмын вал. Учкисьёс со вакытысь видеоез адӟыны быгатозы.

Тодэ вайытом, «Terra Удмуртия» ӵектос 14-тӥ коньывуонэ кутскиз. Солэн нырысетӥ выпусказ удмурт музъемъёслэн вашкалазы сярысь вераськон мынӥз.

«Кыдёкысь дауръёс пушкысь»: удмурт музъемъёслэн вашкалазы


Кыкетӥ выпускысь Удмуртиын корт поттон заводъёслэн кылдэмзы, Ижын но Воткаын нырысетӥ улӥсьёс сярысь тодӥмы.

Иж но Вотка заводъёс: кылдэмзы но нырысетӥ улӥсьёсыз


Видеолекциосын курслэн куинетӥ серияз веразы, кызьы Ижысь заводын пыӵал тӥрлык поттыны кутскизы, кыӵе пыӵалъёс лэсьтӥзы татын XIX даурын.

Кызьы Ижысь заводын пыӵал поттыны кутскизы


Ньылетӥез выпуск удмуртъёслэн историысьтыз тужгес шимес учырлы – Мултан ужлы – сӥземын. 124 сюрс учкисьёс тодӥзы, кызьы Росси империысь устоосыз журналистъёс, юристъёс но мер ужасьёс адямиез курбон сётэмен янгыше уськытэмъёсты утьыны выризы.

Мултан уж – кызьы удмуртъёсты янгыше уськытон быдэс Росси империез зуркатӥз


Витетӥяз видеолекциын ХХ даур кутсконын Ижысь но Воткаысь рабочийёслэн большевикъёслы пумитъяськонзы сярысь вераськон мынӥз. Тазэ выпускез 61 сюрс пала адями учкиз.

Ижын но Воткаын пумитъяськон: бугыръяськись 1918-тӥ ар


Видеолекциосын курслэн куатетӥ серияз веразы, кызьы элькунлэн уйпалаз Совето Союзысь тужгес бадӟымзэ льнозаводэз пуктыны малпало вал но малы ӵектос улонэ ӧз пыӵа.

«Глазкарысь завод»: льнозаводысен уранозь


Сизьыметӥез лекция Удмуртилэн Быдӟым Атыкай ож аръёсы улонэзлы сӥземын.

Удмуртия Быдӟым Атыкай ож аръёсы


Тямысэтӥ серияз тодмо конструкторлэн Михаил Калашниковлэн но солэн валтӥсь кылдытосэзлэн адӟонзы сярысь вераськон мынӥз.

Михаил Калашников но быдэс дуннелы тодмо автомат


Укмысэтӥ выпускын элькунлэн революцилсь азьло но туннэ нуналозь крезьгур йылолъёсыз, со пӧлын «На родине П. И. Чайковского» фестиваль, сярысь тодӥмы.

Устолыкъя «На родине П.И. Чайковского» фестиваль


4-тӥ шуркынмонэ Удмуртилэн кунлыкезлы 100 ар тырмон нуналэ Кун Кенешлэн тӧроез Владимир Невоструев элькунамы улӥсьёсты праздникен ӟечкылаз но выль вормонъёс сӥзиз.

Владимир Невоструевлэн Удмуртилэн кунлыкезлы 100 ар тырмонэн ӟечкыланэз


Та аръёс ӵоже азинсконаз элькунмы туж трос лэсьтӥз. Россиен ӵош со вань шуг-секытъёсты, куректонъёсты ортчиз. Та аръёс ӵоже ми кунмы понна ожмаськонъёсы пыриським, социализм кылдытӥм. Туннэ демократи кунын ми азинском но ваньзэ лэсьтӥськом, элькунамы, кунамы улӥсьёс йӧназ мед улозы но кунэнымы мед данъяськозы шуыса. <…> Гажано эшъёс, ӟечкыласько тӥледыз та бадӟым праздникен! Сӥзисько тӥледлы шудбур, тазалык, выль вормонъёс но ваньзэ-ваньзэ умойзэ!
Владимир Невоструев, Удмуртиысь Кун Кенешлэн тӧроез

Тодэ вайытом, элькунамы улӥсьёсты озьы ик ӟечкылаз Вань удмуртъёслэн «Удмурт Кенеш» огазеяськонзылэн тӧроез Татьяна Ишматова.

4-тӥ шуркынмонэ Удмуртилэн кунлык басьтэмезлы 100 ар тырме. Удмурт калыклэн та бадӟым вормонэныз элькунамы улӥсьёсты Вань удмуртъёслэн «Удмурт Кенеш» огазеяськонзылэн тӧроез Татьяна Ишматова ӟечкылаз.

Татьяна Ишматовалэн Удмуртилэн кунлыкезлы 100 ар тырмонэн ӟечкыланэз


100 ар – со паськыт сюрес, со туж трос лэсьтэм ужъёс, трос адямиос, кудъёсыз ортчемын, кудъёсыз лэсьтэмын трос калыкмы понна, шаермы понна. Мон туннэ шумпотыса ӟечкыласько асьмедыз, асьмелэн таӵе нуналмы вань шуыса, асьмеос огазе шуыса, асьмелэн вань асьме Удмурт Элькунмы. Озьы ик сӥземе потэ котькудмылы, асьмеос данъяськыны мед быгатом асьме шаеренымы, асьме адямиосынымы, мед данъяськыны быгатом асьме вормонъёсынымы но. Котькуддылы капчи мылкыд, котькуддылы юн-юн тазалык, котькудды котьку мед шӧдоды асьтэлэсь выжыдэс, асьтэлэсь кужмо луэмдэс
Татьяна Ишматова, «Удмурт Кенеш» огазеяськонлэн тӧроез

Тодэ вайытом, 4-тӥ шуркынмонэ 12 но 19 часъёсын «Удмуртия» телеканалын Удмуртилэн кунлыкезлы 100 ар тырмонлы сӥзем «Республика – общее дело» концертэз (6+) возьматозы.

Удмуртъёсты но удмурт шаерын улӥсьёсты Удмуртилэн кунлыкезлы 100 ар тырмонэн ӟечкылаз но элькунмылы синмаськемзэ вераз Венгрилэн посольствоысьтыз лулчеберет ужъёсъя советник Анита Хедьи.

Гажано эшъёс, удмуртъёс но удмурт шаерын улӥсьёс, ӟечкыласько тӥледыз Удмурт Элькунлы 100 ар тырмонэн! Мон удмурт шаерез но удмурт калыкез туж яратӥсько но гажасько. Мынам трос удмурт эшъёсы, мон туж яратӥсько удмурт перепеч сиыны но удмурт сямен эктыны. Шудбур, ваньбур но таза улон ваньдылы! Дано мед луоз Удмурт Элькун! Оскисько, ӝоген нош ик пумиськомы!
Анита Хедьи, Венгрилэн посольствоысьтыз лулчеберет ужъёсъя советник

Удмурт Элькунысь Вылӥ Кенешлэн нырысетӥ тӧроез, элькунлэн дано кунмуртэз Валентин Тубылов шаерамы улӥсьёсты Удмуртилэн кунлыкезлы 100 ар тырмонэн ӟечкылаз.

Валентин Тубыловлэн Удмуртилэн кунлыкезлы 100 ар тырмонэн ӟечкыланэз


Туж сюлмысьтым ӟечкыламе потэ 100 ар тырмонэн – асьме удмурт калыклэн кунлыкеныз, именно удмурт калыклы со кунлык сётэмын вал. <…> Бадӟымесь азинсконъёс мед луозы улонамы азьланяз но
Валентин Тубылов, Удмурт Элькунлэн дано кунмуртэз
 

Удмуртилэн кунлыкезлы 100 ар тырмонлы сӥзем «Республика – общее дело!» концертын (6+) 15-лэсь трос мултимедианомеръёс возьматозы. Со сярысь улосвыл тӧролэн но кивалтэтлэн пресс-службазы ивортӥз.

Ми возьматыны тыршим, маин улэ Удмуртия, кызьы азинске, мар сое азьланьын возьма, маин со данъяське. Бен, кылдытыны та выллем шоу, кытын залын учкисьёс чакламтэ, со творчествоя группа понна выль опыт, эскерон. Но ми тыршимы лэсьтыны озьы, дорын телевизор азьын пукись котькудӥз элькунамы улӥсь Шаермылэсь чеберлыксэ но быдӟымлыксэ мед валалоз шуыса
Павел Поздеев, концертлэн режиссёрез

Концертын Герман Корепановлэн но Евгения Копысовалэн тодмо крезьгуръёссы чузъяськозы. Учкисьёс адӟозы, кызьы воштӥськиз Удмуртия, кыӵе вакытъёсты солы ортчоно луиз, нош валтӥсез – мар сое азьланьын возьма.

Возьматонэ пӧртэм амалэн оглом 1 сюрслэсь трос адями пыриськиз, ваньзы соос Удмуртиын улӥсьёс яке татын вордскемъёс. Пӧлазы «Айкай» театр, филармониысь коллективъёс, йӧскалык но ӟуч театръёсысь артистъёс, «Брангуртысь песянайёс», Марк Юсим, пианист Евгений Михайлов. Куд-ог номеръёсты видеоконференци амалэн а капелла быдэстӥзы.

Нырысьсэ телеконцертын ватсам дунне амал кутӥськиз

Концертэз «Удмуртия» телеканалын 12 но 19 часъёсы возьматозы. Озьы ик сое телерадиокомпанилэн мерлыко вотэсъёсысь огинъёсаз адӟыны луоз. 

4-тӥ шуркынмонэ Удмуртилэн кунлыкезлы 100 ар тырмонэз пусъён азьын Ижкарын элькунлэсь Данъян пулзэ выльдӥзы. Выль нимъёсты отчы пыртон сярысь журналистъёслы улосвыл тӧролэн но кивалтэтлэн администрацизылэн кивалтӥсез Сергей Смирнов вераз.

Котькуд ар Данъян пул вылэ Удмуртилэсь мерлык но экономика удысъёссэ азинтон понна трос тыршем 50 кунмуртъёслэн нимъёссы, озьы ик 13 ужась коллективъёслэн нимъёссы пыртӥсько. Азьвыл аръёсын ӵошатыса, 2020-тӥ арын, улосвыл тӧролэн Александр Бречаловлэн ӵектэмезъя, ӧри эм ужасьёслы нимысьтыз саклык висъян сярысь пумкылъян кутӥз. Озьы, Дан пул вылэ паласькись висёнъёсъя элькун эмъяськонниысь коллективез пыртозы
Сергей Смирнов, Удмуртиысь тӧролэн но кивалтэтлэн администрацизылэн кивалтӥсез

Солэн верамезъя, паласькись висёнъёсъя элькун эмъяськонни коронавирусэн нырысетӥ черламъёсты кутӥз. Со мукет эмъюртъёсты выль висёнэн нюръяськон понна тупатыны дыр сётӥз. Озьы ик элькун эмъюртысь ӧнерчиос мукет эмъяськонниосын ужасьёсты дышетӥзы. Оглом, эм удысын ужась вить коллективъёсты Данъян пу вылэ пыртӥзы.

Азьвыл аръёсы Данъян пул вылэ пыртэм нимаз адямиосты но коллективъёсты одно ик кун приёме ӧтё вал. Туэ сое ортчытон пумысен юанъёс вань.

Ми тыршомы сӥё-дано пумиськон ортчытыны. Но вань сюбегатонъёсты лыдэ басьтыса – маска нуллон режим, мерлыко вис возён, ӧжыт адямиос. Но ужанрадлыкын со али вань
Сергей Смирнов, Удмуртиысь тӧролэн но кивалтэтлэн администрацизылэн кивалтӥсез

Тодэ вайытом, «Лудорвай» музей-заповедникын «Традиционная удмуртская свадьба» книгаен (12+) тодматӥзы, сое элькунлэн кунлыкезлы 100 ар тырмонэз пусъён улсын поттӥзы. 

2-тӥ шуркынмонэ Удмуртиысь «Лудорвай» музей-заповедникын «Традиционная удмуртская свадьба» книгаен (12+) тодматӥзы, сое элькунлэн кунлыкезлы 100 ар тырмонэз пусъён улсын поттӥзы. Ужрадэ ивортодэтъя «Удмуртия» агентстволэн корреспондентэз вуылӥз.

Книгаен тодматон удмурт сюанлэн йылолъёсызъя ортчиз – «Лудорвай» музейын ужасьёс куноосты перепечен, кырӟанъёсын но эктонъёсын пумитазы. Тӧро луиз «Свадьба народов мира: культурное наследие» ӵектослэн кивалтӥсез, «Традиционная удмуртская свадьба» книгалэн авторез Денис Князев. Собере сюанчиос ужрадэ мынӥзы, кытын «Айкай» театрысь артистъёс удмурт сюанлэн йылолъёсыныз тодматӥзы.

Удмуртилэн 100 ар тырмонэзлы дасяськыны кемалась кутскимы, дасяськимы вань ӧръёсъя. Кык ар талэсь азьло дуннеысь пӧртэм калыкъёслэн сюанъёссы сярысь книгаос поттыны малпазы, нош Удмуртилэн кунлыкезлы 100 ар тырмон аре асьме элькунысен кутскыны. Со ёросъёсысь но шоркарысь библиотекаослы чебер кузьым луоз
Анастасия Муталенко, Удмуртиысь кивалтэтлэн тӧроезлэн воштӥсез

«Традиционная удмуртская свадьба» книга ЮНЕСКО ужъёсъя Россиысь ӧрилэн утемез улэ шедиз

Денис Князев дуннеысь калыкъёслэн сюанъёссы сярысь этнографи материал люка, одӥг пол со удмурт сюанэз снимать карыны малпаз. Ӵапак та книга «Свадьбы народов мира: культурное наследие» ӵектосын нырысетӥез луиз.

Куке мон сяме пырем удмурт сюанэз снимать кари, валай, ӵектосэз снимать карем сяна, книга но кылдытом шуыса, котькуд калыклэн куинь кылын книгаез луоз
Денис Князев, тодосъя но этнографияя «Свадьбы народов мира: культурное наследие» калыккуспо ӵектослэн кивалтӥсез

Книга ӟуч, удмурт но англи кылъёсын потӥз

Денис Князев туспуктӥсь но. Альбоме солэн ужъёсыз, озьы ик Кузебай Герд нимо йӧскалык музейлэн, Глазкарысь шаертодонъя музейлэн архивъёсысьтызы но Удмуртиын улӥсьёслэсь туспуктэмъёс пыртэмын.

Туспуктэмъёс борды удмурт сюан сярысь тунсыко ивортодэт гожтэмын. Ӵектослэн тодосъя кивалтӥсез истори тодосъя доктор, Россиысь тодосъя академилэн профессорез Алексей Загребин луиз.

Котькуд выль книга – со бадӟым шумпотон. Та книга дуннеысь вань калыкъёслэн улонысьтызы одӥгез валтӥсь ужрадзы сярысь вера
Алексей Загребин, Традиционная удмуртская свадьба» книгалэн тодосъя редакторез

Книгалэн валтӥсь геройёсыз фольклор кырӟанъя но эктонъя «Айкай» театр но «Азвесь нюжа» ансамбль луизы. Артистъёс «Лудорвай» музей-заповедникын сяме пырем удмурт сюанэз шудӥзы.

Мынам сюанэз сыӵеен возьматэме потӥз, кыӵе со вал 20-тӥ даур кутсконын. Калык эшлыко, йылолъёсын узыр, солэн узыр историез шуыса возьматыны но со сярысь асьме улосвылын гинэ ӧвӧл, Россиын но вераны, со сюан сярысь быдэс дуннеын мед тодозы
Денис Князев, тодосъя но этнографияя «Свадьбы народов мира: культурное наследие» калыккуспо ӵектослэн кивалтӥсез

Удмуртиысь йӧскалык политикая министр Лариса Буранова книга котьку тунсыко луоз шуыса пусйиз.

Вань сыӵеез, мар пыраклы кыле, кыӵе ке дырын гинэ герӟаськемын ӧвӧл. Сыӵеос пӧлын – сяме пырем лулчеберет. Книгаын туала но архивъёсысь туспуктэмъёс. <…> Мон малпасько, со пыраклы. Книгаез кутыны быгато али семья кылдытӥсьёс, соос отысь дӥсьлэсь но, сюанлэн радлыкысьтыз но мае ке басьтыны быгато
Лариса Буранова, Удмуртиысь йӧскалык политикая министр

Книга-альбомез «Удмуртия» издательствоын поттӥзы

«Традиционная удмуртская свадьба» книгалэн авторез верамъя, 2021-тӥ арын соин Нью-Йоркын ООН-лэн штаб-квартираяз тодматыны малпало.

Тодэ вайытом, Удмуртилэн кунлыкезлы 100 ар тырмонлы Ижкарысь лыдӟетъюртъёс 1 сюрс 600 пала

Читать полностью

Россиысь Кунсьӧр ужъёсъя министерстволэн Нижний Новгородын ыстэм муртэз Сергей Малов Удмуртилэсь тӧрозэ Александр Бречаловез но элькунын улӥсьёсты Удмуртилэн кунлыкезлы 100 ар тырмонэн но Калыкъёслэн огазеяськон нуналэнызы ӟечкылаз. Со сярысь улосвыл тӧролэн но кивалтэтлэн пресс-службазы ивортӥз.

Элькунлы азинскыны, мукет кунъёсын кусыпъёсты паськытатыны сӥзисько, нош тӥледлы но улосвылын вань улӥсьёслы ӟеч ужъёсын удалтон, юн тазалык, ванё-буро улон но азьланяз умоезлы оскон
Сергей Малов, Россиысь Кунсьӧр ужъёсъя министерстволэн Нижний Новгородын ыстэм муртэз

Ӟечкылан телеграммаяз озьы ик со Удмуртия история но лулчеберет ласянь узыр йылолъёсыныз, мерлык но экономика, тодос но техника ласянь ӟеч азинскеменыз, чырмыт улосвыл политикаеныз висъяське шуыса пусйиз.

Тодэ вайытом, Удмуртилэн кунлыкезлы 100 ар тырмонлы сӥзем бадӟым концертэз 4-тӥ шуркынмонэ телевидение пыр возьматозы

2-тӥ шуркынмонэ Удмуртилэн кунлыкезлы 100 ар тырмонлы сӥзем видеолекциосын курслэн укмысэтӥ сериез. Элькунлэн революцилсь азьло но туннэ нуналозь крезьгур йылолъёсыз сярысь вералоз Удмуртиысь кун филармонилэн кивалтӥсез Алексей Фомин.

Устолыкъя «На родине П.И. Чайковского» фестиваль


Революцилэсь азьвыл ай Сарапул Императорской ӟуч крезьгур обществое пырись каръёс пӧлын вал. Солы луыса каре шоркарысь кырӟасьёс, пианистъёс, скрипачъёс вуылӥзы, гастрольёсын Уралэтӥ, Волгаетӥ, Каметӥ но Россилэн Уйпалтӥз гастрольёсын ветлӥсь Ӟуч Операя Эштослэсь спектакльёссэ возьматъязы. Татын вал симфони оркестр, кӧня ке хоръёс, нырысетӥез крезьгуръя школа. Берлогес крезьгуръя кык училищеос но консерваторской класс кылдӥзы. Революци бере лулчеберетлэн шор интыез Ижкар луиз. Ижкарын филармони общество кылдытэм дырысен 2020-тӥ арын 18-тӥ инвожое 90 ар тырмиз
Алексей Фомин, Удмуртиысь кун филармонилэн кивалтӥсез

Элькунлэн крезьгур улоназ бадӟым ужрад луиз П. И. Чайковский нимо нырысетӥез калыккуспо конкурс, со 1958-тӥ арын ортчиз но быдэс дуннеын дано луиз. Со арын ик 6-тӥ куартолэзе, крезьгурчилэн вордскем нуналэз азьын, Воткаын музей-юртэз азьын нырысетӥзэ крезьгуро фестивалез усьтӥзы. Сое ялан ортчытъяны кенешизы.

Али устолыкъя фестивальмы одно ик 7-тӥ куартолэзе – быдӟым крезьгурчилэн вордскем нуналаз – йылпумъяське. Пусйыны кулэ, фестивальлэн вань куноосыз понна крезьгурчилэн вордскем шаераз вуылон, вуоно генийлэн юртэзлэн омыреныз шокан улоназы нимысьтыз инты басьтэ
Алексей Фомин, Удмуртиысь кун филармонилэн кивалтӥсез

Учкисьёс тодозы, кызьы нырысетӥ фестиваль возьматонъёс ортчылӥзы, кинъёс отчы пыриськизы, кыӵе шуг-секытъёсын пумиськылӥзы сое радъясьёс, озьы ик кинохроникаысь кадръёсты адӟыны быгатозы.

Тодэ вайытом, «Terra Удмуртия» ӵектос 14-тӥ коньывуонэ кутскиз. Солэн нырысетӥ выпусказ удмурт музъемъёслэн вашкалазы сярысь вераськон мынӥз. Сое 192 сюрслэсь трос адями учкиз ни.

«Кыдёкысь дауръёс пушкысь»: удмурт музъемъёслэн вашкалазы


Кыкетӥ выпускысь Удмуртиын корт поттон заводъёслэн кылдэмзы, Ижын но Воткаын нырысетӥ улӥсьёс сярысь тодӥмы. Сое 76 сюрс пала адями учкыны вуттӥз.

Иж но Вотка заводъёс: кылдэмзы но нырысетӥ улӥсьёсыз


Видеолекциосын курслэн куинетӥ серияз веразы, кызьы Ижысь заводын пыӵал тӥрлык поттыны кутскизы, кыӵе пыӵалъёс лэсьтӥзы татын XIX даурын. Та тема 119 сюрс пала адямилы тунсыко потӥз.

Кызьы Ижысь заводын пыӵал поттыны кутскизы


Ньылетӥез выпуск удмуртъёслэн историысьтыз тужгес шимес учырлы – Мултан ужлы – сӥземын. 124 сюрс учкисьёс тодӥзы, кызьы Росси империысь устоосыз журналистъёс, юристъёс но мер ужасьёс адямиез курбон сётэмен янгыше уськытэмъёсты утьыны выризы.

Мултан уж – кызьы удмуртъёсты янгыше уськытон быдэс Росси империез зуркатӥз


Витетӥяз видеолекциын ХХ даур кутсконын Ижысь но Воткаысь рабочийёслэн большевикъёслы пумитъяськонзы сярысь вераськон мынӥз. Тазэ выпускез 61 сюрс пала адями учкиз.

Ижын но Воткаын пумитъяськон: бугыръяськись 1918-тӥ ар


Видеолекциосын курслэн куатетӥ серияз веразы, кызьы элькунлэн уйпалаз Совето Союзысь тужгес бадӟымзэ льнозаводэз пуктыны малпало вал но малы ӵектос улонэ ӧз пыӵа. Тазэ выпускез 91 сюрс пала адями адӟиз ни.

Читать полностью

13 ужась коллективъёслэсь нимъёссэс Удмуртилэн Данъян пул вылаз пыртӥзы. Улосвыл тӧроен Александр Бречаловен кинюртэм косэт элькун тӧрлыкъёслэн нимлыко сайтазы шараямын.

Витез коллективъёс тазалыкез утён удысын ужало: нылпиослы элькун эмъюрт, Дэри ёрос эмъяськонни, паласькись виёнъёсъя элькун эмъюрт, Ижкарысь ӝог эмъюрттэт сётонъя станция, Можга ёрос эмъяськонни.

Со сяна, Данъян пул вылэ пыртэмын фольклор кырӟанъя но эктонъя «Айкай» театр, Россиысь тодосъя академилэн Урал ёзэтысьтыз Эскеронъёсъя удмурт федерал центрлэн Историяя, кылъя но литературая удмурт институтэз, Ижкарысь опытно-механической завод, «Аксион-холдинг» мотозавод, Ижкарысь 271 номеро нылпи сад, Глазкарысь кудӟытӥсь юонъёс но вуос поттӥсь завод, Сарапулысь историяя но архитектурая но чеберлыкъя музей-заповедник, Шаркан ёросысь «Восход» акционер огазеяськон.

Озьы ик Данъян пул вылэ нимаз ужасьёслэсь нимъёссэс но туспуктэмъёссэс пыртозы, ваньмыз 50 адями. Соос пӧлын скал кыскисьёс но трактористъёс, дышетӥсьёс но визьнодасьёс, инженеръёс но тодосчиос, эм ужасьёс но заводын тыршисьёс, лэсьтӥськисьёс но кивалтӥсьёс.

Тодэ вайытом, 4-тӥ шуркынмонэ Удмуртилэн кунлыкезлы 100 ар тырмонлы сӥзем «Республика – общее дело» (6+) концертэз телевидение пыр возьматозы.  

Наверх
Вниз