Ижкар+17 °C
16 -тӥ инвожо 2021 Вирнунал
18+

Якшур-Бӧдья ёросын Тыло – Узя сюреслэсь ветлыны луонтэм люкетсэ тупатъязы. 1,87 иськемез «Опорный план дорожной деятельности» элькун программая выльдӥзы. Со сярысь Удмуртиысь тӧролэн но кивалтэтлэн пресс-службазы ивортӥз.

Ӧнерчиос сюреслэсь пасьтазалэ 8 метрозь вуттӥзы, вылзэ 20 сантиметр зӧкта сӥен векчиятэм изэн, луоен суро кӧльыен шобыртӥзы. Со сяна, сюрес урдсысь вечи писпуосты но куакъёсты утялтӥзы, 20 метр кузьда корт гумыез тупатӥзы.

Та сюрес милем туж кулэ, малы ке шуоно татын валтӥсь производство интыяськемын. Котрес починкаын, кытчы сюрес нуэ, 200 йырлы ферма. Озьы ик со сюрес вылтӥ школа автобус ветлэ. Вал вакытъёс, куке кизёно музъем вылтӥ ветлоно луылӥз
Любовь Кононова, «Старозятцинское» муниципал кылдытэтлэн тӧроез

Чаклась ӧрилэн быдэстэм ужъя юанъёсыз ӧз кылдэ, сюресэз уже кутӥзы.

Ватсалом, 2021-тӥ арын «Гуртлэн арез» ӵектос улсын Якшур-Бӧдья ёросын «Родина» огазеяськон но Тылоысь ферма доры нуись сюресъёсты тупатъялозы.

Тодэ вайытом, Вавож ёросын элькун программая Ожги – Выль Какся сюресэз выльдӥзы

Удмуртиын «Кышкыттэм ӟечлыко сюресъёс» йӧскалык ӵектос улсын дышетон ужъюртъёс доры нуись 37 иськемлэсь трос 41 сюрес люкетъёсты тупатъялозы. Со сярысь элькун тӧролэн но кивалтэтлэн пресс-службазы ивортӥз.

Тужгес трос сюресъёсты Дэри но Эгра ёросъёсын лэсьтозы – быдэн 10-эн. Озьы ик бадӟым уж нуиськоз Можга, Якшур-Бӧдья, Пичи Пурга, Вотка, Вавож, Сьӧлта, Ува ёросъёсын, Сарапулын но Ижкарын.

Удмуртиысь транспортъя но сюрес возёсъя министр Алексей Горбачёв верамъя, йӧскалык ӵектос улсын тупатъяно сюресъёсты бырйыкузы, нырысь ик солэн мерлыко кулэлыкезлы саклык висъязы.

Нимысьтыз саклык школаос но нылпи садъёс доры нуись сюресъёслы, школа маршрутъёслы висъяське. Вань чаклам ужъёсты ӟечлыко но эсэп куронъёсъя быдэстыны кулэ
Алексей Горбачёв, Удмуртиысь транспортъя но сюрес возёсъя министр

Сюресъёсты котыр ласянь умой каро: сюрес шобретэз выльдэм сяна, сюрес вамен потон интыос радъяло, искусственной лёгъёс лэсьто, кенертонъёс, сюрес пусъёс пуктыло.

Кылсярысь, та дыре Дэри ёросысь Хохряки гуртын Тепличной урамысь сюресэз тупатъяло. Солэн кузьдалаез 950 метр. Сюрес вылэ асфальтобетон кык сӥен вӧлдӥзы, сюрес дуръёсты юнматӥзы. Али тротуаръёсты лэсьто. Соос лапег бордюр изъёсын но коляскаосын каньыл мынон-ветлон понна нялмыт васьконэн луозы.

«Хохряковское» муниципал кылдытэтлэн тӧроезлэн Роман Белицкийлэн кылъёсызъя, Тепличной урам 2006-тӥ арын кылдӥз. Отчы асфальт векчи сӥен вӧлдӥзы, 15 ар ӵоже солэсь номыр ӧз кыльы ни.

Арлы быдэ тупатъян ужъёсын но секыт вал сое возьыны. Нош табере милям татын чылкак выль сюрес кылдоз, со сяна, йӧскалык ӵектосъя тротуар но выльдӥськоз, со туж шумпоттэ. Милям уго татын школа сяна, нылпи сад но сылэ
Роман Белицкий, «Хохряковское» муниципал кылдытэтлэн тӧроез

Сюресэз ужась ӧри эскериз ини. Пыдын ветлӥсьёсты кышкытлыклэсь утён понна, сюрес выжон интыос но Хохрякиысь школа дорын кык искусственной лёгъёс лэсьтозы.

Тодэ вайытом, туэ Удмуртиын йӧскалык ӵектос улсын 122 иськем мында 98 сюрес люкетъёсты тупатъялозы.

Шаракан черкогуртын Тол Бабайлэн юртъерез доры нуись Свободы ульчаысь сюресэз тупатъяны кутскизы. Ужъёсты «Кышкыттэм но ӟечлыко сюресъёс» йӧскалык ӵектос улсын нуозы. Со сярысь элькун тӧролэн но кивалтэтлэн пресс-службазы ивортӥз.

Сюреслэн кузьдалаез - 875 метр. Та дыре сюресчиос инъетсэ дасяло, сюрес дурез юнмато. Азьланяз асфальтобетон кык сӥен вӧлдозы. Элькун коньдэт чотын выль тротуар лэсьтозы.

Тол Бабай доры котькуд ар кӧня ке сюрс куноос вуыло. Со сяна, отын кружокъёс, киужъёсъя юрт ужало

Озьы ик туэ Якшудр-Бӧдья – Шаркан сюресэз йӧскалык ӵектосъя тупатъялозы.

2021-тӥ арын нацпроектъя 10 муниципал кылдытэтъёсын 47 сюрес люкетъёсты выльдозы. Соос пӧлын Можга, Якшур-Бӧдья, Пичи Пурга, Вотка, Камбарка, Вавож, Эгра, Сьӧлта, Шаркан но Ува ёросъёс.

Тодэ вайытом, таяз арын элькунын 98 объектъёсты йӧскалык ӵектосъя тупатъяны малпало, туннэ нуналлы 28-аз ужало ни. Оглом 122 иськем сюресъёсты выльдозы. 

2021-тӥ арын «Кышкыттэм но ӟечлыко сюресъёс» йӧскалык ӵектос улсын Удмуртиын 98 сюрес люкетъёсты тупатъялозы, оглом 122,123 иськем мында. Объектъёслэн лыдметсы элькунысь транспортъя но сюрес возёсъя министерстволэн нимлыко сайтаз но «ВКонтатке» мерлыко вотэсысь огиназ поттэмын. Со сярысь улосвыл тӧролэн но кивалтэтлэн пресс-службазы ивортӥз.

Ми элькунысь сюресъёсты лэсьтонъя вань программаосъя объектъёсты люкылӥм. Со йӧскалык ӵектосъя 122 иськемлэсь трос лэсьтыны луонлык сётоз. 2021-тӥ арез Удмуртилэн тӧроез Гуртлэн ареныз ялӥз бере, трос объектъёс гурт интывылъёсын тупатъяны луозы. Оглом элькунъя 300 иськемлэсь трос тупатъямын но выльдэмын луоз – со вань программаосъя, со пӧлын йӧскалык ӵектосъя но
Ярослав Семёнов, Удмуртиысь кивалтэтлэн тӧроез

Тупатъяно люкетъёс пӧлын улосвыл но муниципалкуспо сюресъёс, Ижкарысь, Сараплуысь, Дэри ёросысь ульчаос, озьы ик муниципал кылдытэтъёсысь 47 объектъёс. Соос пӧлын Вавож, Вотка, Камбарка, Можга, Пичи Пурга, Сьӧлта, Ува, Шаркан, Эгра, Якшур-Бӧдья ёросъёсысь сюресъёс.

Туннэ нуналлы сюресчиос 10 улосвыл сюресъёс вылэ потӥзы ни, Дэри ёрсоын –куать, озьы ик Шарканын но Сарапулын. Ижкарын Ворошилов, Ленин нимо, Восточной, Революционной, Совхозной, Нижняя ульчаосты но Спартаковской пролкаез тупатъяны кутскизы. 

Тодэ вайытом, сюресъёсты тупатъян вакытэз Удмуртиын Ижкарысь Спартаковской пролкаысен ӧдъязы.

Удмуртиын сюресъёсты лэсьтон-тупатъян вакыт йӧскалык ӵектосъя объект бордысен кутскизы. 22-тӥ оштолэзе техника Ижкарысь Спартаковской пролкае потӥз. Со сярысь элькун тӧролэн но кивалтэтлэн пресс-службазы ивортӥз.

Пролкалэсь 203 метрзэ выльдозы - Совхозной ульчаысен Халтурин нимо ульчаозь. Али сюресчиос вуж тротуаръёсты утялто, жуг-жагез потто. Нимысьтыз техника сюреслэсь инъетсэ дася. Отын кык сӥен асфальтобетон вӧлдозы, бордюр изъёс пуктозы. Озьы ик выль тротуаръёс но кылдозы.

Татын ваньзылы коркаоссы доры вуыны шуг вал – машинаен но, пыдын но. Гоп вылын гоп, дэри. Бен, сюресэз ӵем ӵошкытъяло, но нырысетӥ зоръёс дорозь гинэ. Нош татаын трос улӥсез, нылпиосын анайёс. Артэ нылпи ваён юрт, диагностикая центр, выль коркаос. Татӥ адямиос трамвай дугдылонние мыно. Выль тротуар лэсьтӥзы ке, туж шумпотом
Спартаковской пролкаын улӥсьёс

Кызьы вераз Удмуртиысь кивалтэтлэн тӧроез Ярослав Семёнов, кылем арын сямен ик, сюресъёсты тупатъян вакытэз 1-тӥ куартолэзе кутскыны малпало вал, но куазь вазьгес потыны луонлык сётӥз.

Та арлы нош ик туж трос ужъёс чакламын – сюресчиос 300 иськемлэсь трос сюресъёсты тупатъяны, выльдыны но лэсьтыны кулэ. Соин ик вань ужан радлыкъёсты радъяны, пӧртэм факторъёсты лыдэ басьтоно
Ярослав Семёнов, Удмуртиысь кивалтэтлэн тӧроез

Тросэз объектъёс гурт ёросъёсын, угось 2021-тӥ ар Удмуртиын Гуртлэн ареныз ялэмын, пусйиз кивалтэтлэн тӧроез. «Кышкыттэм но ӟечлыко сюресъёс» йӧскалык ӵектосъя 110 иськемлэсь трос улосвыл но муниципалкуспо сюресъёсты, Ижкарысь, Сарапулысь, Воткаысь, Можгаысь, Дэри ёросысь ульчаосты тупатъяны чаклало.

Тодэ вайытом, азьвылгес Ярослав Семёнов 2021-тӥ арын Удмуртиын 18 ёросъёсысь 64 иськем сюресъёсты тупатъялозы шуыса вераз вал.

Удмуртиын йӧскалык ӵкектосъя тупатъям 500 пала гарантийной сюресъёсты эскерозы. Вань люкетъёсты 31-тӥ куартолэзёзь ортчыны кулэ. Со сярысь журналистъёслы элькунысь транспортъя но сюрес возёсъя министр Алексей Горбачёв ивортӥз.

2017-тӥ арысен статистикаез учконо ке, 2020-тӥ арын браклэн быдӟалаез 30 процентлы кулэсмиз. <…> Таяз арын 174 алонъёс, но эскеронъёс ӧз на йылпумъяське. Бадӟым шекъёс туннэ нуналлы ӧвӧл
Алексей Горбачёв, Удмуртиысь транспортъя но сюрес возёсъя министр

Солэн верамезъя, 2020-тӥ арын элькунын 288 эскеронъёс ортчытӥзы, соосъя 300 алонъёс сётӥзы. Ӵемысьгес асфальт вылын вамен но кузяла пилиськемъёс, куалдаськон, зор ву кошкон гумыосысь решеткаос вылын пуксён учыръёс пусйисько. Куд-ог объектъёсын ужъёсты 24-25 куартолэзёзь йылпумъяны кутэ

«Кышкыттэм но ӟечлыко сюресъёс» йӧскалык ӵектосъя сюресъёсты тупатъян борды 1-тӥ куартолэзьысен басьтӥськыны малпало

Ижкарын гарантийной сюресъёсты эскеронэз 5-тӥ оштолэзе кутскизы. Чакласьёс асфальт пильылӥськемъёсты, толалтэ лымыез утялтон дыръя бордюр изъёсты изъянтон, колодчаос котырын сюрес шобрет пуксён учыръёсты пусйизы. Сюресчиослы алонъёс сётӥзы. Кышкытлык вайись шекъёсты уй-нунал ӵоже палэнтыны кулэ, мукетъёссэ – 25-тӥ куартолэзёзь.

Милям Ижкарын 2017-тӥысен 2020-тӥ арозь 190-лэсь трос объектъёс гаранти улын. <…> Вань со интыосты ми куинь пол ортчом. 2020-тӥ, 2017-тӥ но 2018-тӥ аръёсы тупатъям объектъёсты нырысетӥзэ котыртӥм ни
Олег Бекмеметьев, Ижкарлэн тӧроез

Карлэн тӧроез тодэ вайытӥз, 2021-тӥ арын Ижын йӧскалык ӵектосъя укмыс сюрес люкетъёсты тупатъяны чакламын. Озьы ик тротуаръёс но лэсьтозы. Со сяна, «Пешеходный Ижевск» ӵектос улсын 63 тротуаръёсты выльдозы. 

2021-тӥ арын Гуртлэн арез улсын Удмуртиын 18 ёросъёсысь 64 иськем сюресъёсты тупатъялозы, со 34 объектъёс. Со сярысь улосвыл кивалтэтлэн тӧроез Ярослав Семёнов «ВКонтакте» мерлыко вотэсысь бамаз ивортӥз.

Гуртлэн арез улсын сюресъёсты тупатъяны элькун коньдэтысь 626 миллион манет висъязы

Тупатъяно сюресъёсын лыдметэ нырысь ик гурт возёсъёс, мерлыко ужъюртъёс, школаос доры нуись сюресъёс пыризы.

Куд-огзэ объектъёсты кык ар ӵоже лэсьтомы. Со огшоры тупатъян гинэ ӧвӧл, быдэсак выльдон. Кылсярысь, Дэбес ёросысь Дэбес – Зар-Медло но Глазкарысь Технической ульча Глазкар – Яр трасса вылэ потонэн
Ярослав Семёнов, Удмуртиысь кивалтэтлэн тӧроез

Озьы ик элькун кивалтэтлэн тӧроез пусйиз, Гуртлэн арез улсын сяна, ёросъёсын сюресъёсты мукет программаосъя но лэсьтозы: «Кышкыттэм но ӟечлыко автомобиль сюресъёс» йӧскалык ӵектос, «Опорный план дорожной деятельности» элькун программа, субсидиос.

Тодэ вайытом, 2021-тӥ арын Удмуртиын ӧжытсэ 200 иськем сюресъёсты выльдозы

Удмуртиын «Кышкыттэм но ӟечлыко автомобиль сюресъёс» йӧскалык ӵектос улсын тупатъяно сюресъёс пӧлы Шаркан ёросысь сюресэз пыртӥзы. Со сярысь элькун тӧролэн но кивалтэтлэн пресс-службазы ивортӥз.

Тупатъян ужъёс улсын сюрес вылысь вуж шобретсэ быдэсак куштыны, кык сӥен асфальтобетон вӧлдыны, сюрес дуръёсты юнматыны но кожонъёсты тупатъяны чаклало.

Выль тупатъяно объект Якшур-Бӧдья – Шаркан улосвыл сюреслэн люкетэз луэ но Шаркан ёросысь Ляльшур гурт пыр ортче. Солэн кузьдалаез 1 иськем. Сюрес вылтӥ нуналлы быдэ 4 но ӝыны сюрс машинаос ортчо, соос пӧлын секыт гурт возёс машинаос но. Гуртын Удмуртиысь йӧл поттон удысысь вить устоосыз возёсъёс пӧлы пырись «Ошмес» огазеяськон ужа. Озьы ик тысё юослэн удалтонлыксыя но азьмынӥсь луэ.

Ёросъёсын инфраструктураез умоятон, гурт возёсъёс доры сюресъёсты тупатон Гуртлэн араз эшшо но трос саклык висъямез кулэ каре. Ваньмыз со экономика, улосвылмылэн инвестициосты кыскыны быгатэмез но калыклэсь улонзэ умоятон сярысь
Ярослав Семёнов, Удмуртиысь кивалтэтлэн тӧроез

Со сяна, кивалтэтлэн тӧроезлэн кылъёсызъя, Якшур-Бӧдья – Шаркан сюрес «Мувырское» но «Сосновское» муниципал кылдытэтъёсын 1 сюрс 500-лэсь трос улӥсьёсты Шарканэн герӟа.

Удмуртиысь транспортъя но сюрес возёсъя министр Алексей Горбачёв 2021-тӥ арын Якшур-Бӧдья – Шаркан сюрес вылын туж трос ужъёс лэсьтэмын луозы шуыса пусйиз.

Выльдон программа улсын берпуметӥез, тужгес шугъяськытӥсь грунтовой люкетэз, асфальтэн шобыртэмын луоз. Солэн кузьдалаез 2,4 иськем. Со вӧзы, йӧскалык ӵектос улсын ини, улосвыл сюреслэн одӥг иськемъёс люкетэз но лэсьтэмын луоз. Соин ик Гуртлэн араз пӧртэм программаосъя та сюреслэн 3,4 иськемез выльдӥськоз шуыны луэ
Алексей Горбачёв, Удмуртиысь транспортъя но сюрес возёсъя министр

Озьыен, туннэ нуналлы «Кышкыттэм но ӟечлыко автомобиль сюресъёс» йӧскалык ӵектос улсын тупатъяно сюресъёслэн лыдметазы 30 объектъёс пыризы ни – сизьым улосвыл сюресъёс, Дэри ёросысь 11 объектъёс, Ижкарысь укмыс сюрес люкетъёс но Сарапулысь - куинь. Оглом сюресчиос 66,57 иськем сюресъёсты выльдозы.  

Тодэ вайытом, озьы ик 2021-тӥ арын Удмуртиын 16 сюрес люкетъёсты югдытозы.

2021-тӥ арын Удмуртиын «Кышкыттэм но ӟечлыко автомобиль сюресъёс» йӧскалык ӵектосъя тупатъяно улосвыл сюресъёслэсь кузьдалазэс 10,5 иськемлы будэтӥзы. Сыӵе пумкылъян элькунысь транспортъя но сюрес возёсъя министерствоын кутӥзы, ивортӥз улосвыл тӧролэн но кивалтэтлэн пресс-службазы.

Ньыль улосвыл объектъёс интые таяз арын куатьсэ тупатъялозы.

2021-тӥ ар Удмуртилэн тӧроеныз Гуртлэн ареныз ялэмын. Соин ик ёросъёсын инфраструктураез азинтон, уката ик сюресъёс, ми понна валтӥсь ӧр. Улосвыл трассаосты тупатъян радлыке ми кык люкетъёсты ватсам, кыкез ик Ижкар – Ува сюрес палан
Ярослав Семёнов, Удмуртиысь кивалтэтлэн тӧроез

Нырысетӥ люкетэз – (Ижкар – Ува) – Кабыста. Отын сюреслэсь 7,8 иськемлэсь трос шобретсэ тупатъялозы. (Ижкар – Ува) – Лудорвай – Ильинка сюрес вылын 2,6 иськеме кык сӥен асфальтобетон вӧлдозы, сюреслэсь урдэссэ юнматозы.

Озьы, 2021-тӥ арын йӧскалык ӵектос улсын 28 объектъёсты тупатъяны чакламын.

Ёрос центръёсты герӟась улосвыл но муниципалкуспо сюресъёслэсь куать люкетсэс тупатъям сяна, Дэри ёросын 11 муниципал сюресъёс выльдэмын луозы. Ижкарын укмыс объектъёсты но Сарапулын кык валтӥсь ульчаосты тупатъялом. Йӧскалык ӵектосъя тупатъям сюресъёслэн огъя кузьдалазы 65 иськем луоз
Алексей Горбачёв, Удмуртиысь транспортъя но сюрес возёсъя министр

Улосвыл кивалтэтлэн тӧроез озьы ик пусйиз, Ижкар кадь бадӟым агломерациосысь пумен палэнэ потыны кутскизы. Берло кӧня ке аръёс ӵоже Удмуртилэн шоркараз 169 иськем сюресъёсты тупатъязы, оглом 2 миллиард 500 миллион манет тыр.  

Тодэ вайытом, оглом 2021-тӥ арын Удмуртиын пӧртэм программаосъя ӧжытсэ 200 иськем сюресъёсты выльдозы

2021-тӥ арын Удмуртиын ӧжытсэ 200 иськем сюресъёсты выльдозы. Элькунын Гуртлэн арез улсын нимысьтыз саклык гурт сюресъёслы висъялозы. Со сярысь 21-тӥ толсуре брифингын улосвыл кивалтэтлэн тӧроез Ярослав Семёнов вераз, ивортэ тӧролэн но кивалтэтлэн пресс-службазы.

Ярослав Семёновлэн верамезъя, Гуртлэн араз «Опорный план дорожной деятельности» программа одӥгез валтӥсез луоз. Туннэ нуналлы кылдытэм лыдметэ 13 объектъёс пыризы – со 54,229 иськем. Озьы ик Костино – Камбарка сюреслэсь эшшо 6 иськем люкетсэ выльдозы. Якшур-Бӧдья – Шаркан сюреслэсь 2,55 иськемзэ выльдыны кутскозы.

Муниципал сюрес фондъёсы мынӥсь мувӧй вузъёслы акцизъёслэн быдӟалазы 2021-тӥ арысен кык поллы йылоз. Со муниципалитетъёслы сюресъёссэс возьыны но тупатъяны тросгес коньдон висъяны луонлык сётоз
Ярослав Семёнов, Удмуртиысь кивалтэтлэн тӧроез

«Кышкыттэм но ӟечлыко автомобиль сюресъёс» йӧскалык ӵектосъя 55,17 иськем сюресъёсты тупатъялозы. Озьы ик вить интыосы электротыл кыскозы, 25 фото- но видеокамераос пуктозы.

Йӧскалык ӵектосъя тупатъян радлыке пыризы: Ижкар – Аэропорт сюрес дорысен Ижкар – Вотка сюрес дорозь люкет, Брангурт – Кияса, Глазкар – Юкаменск, Можга – Вавож. Озьы ик Дэри ёросын 11 объектъёсты лэсьтозы. Валтӥсьёсыз пӧлын: Вотка шоссе дорысен «Встреча» кафе дорозь сюреслэн люкетэз, Изгуртысь но Дэриысь объектъёс. Сарапулын Алин но Крал Маркс нимо ульчаосысь сюресъёсты выльдозы.

Ижкарын 6,7 иськем кузьда 9 сюрес люкетъёсты тупатъяны чаклало.

Ваньмаз со люкетъёсын тротуаръёс лэсьтэмын луозы, куд-ог объектъёсын – сюреслэн кык палтӥз. Тупатъяно тротуаръёслэн кузьдалазы – 8,1 иськем
Олег Бекмеметьев, Ижкарлэн тӧроез

Ижкарын тупатъяны кулэ луись сюресъёсын лыдмет карысь Мер палатаез но автомобилистъёслэн мер огазеяськонъёсынызы соглаштэмын. Нырысь ик отчы сизьым объектъёс пыризы:

- Ворошилов нимо ульча, Автозаводской ульчаысен 9-тӥ Январь ульчаозь;
- Нижняя ульча, Киров нимо ульчаысен 7-тӥ подлесной ульчаозь;
- М. Горький нимо ульча, Бородин нимо ульчаысен Ленин нимо ульчаозь;
- Ленин нимо ульча, М. Горький нимо ульчаысен Красной ульчаозь;
- Восточной ульча, Промышленной ульчаысен Краев нимо ульчаозь;
- Революционной ульча, ВЛКСМ-лы 40 ар ульчаысен Чугуевский нимо ульчаозь.

Сметаосты чаклам бере, лыдметэ эшшо кык объектъёсты пыртыны луиз: Совхозной ульчаез но Спартаковский пролкаез.

Ньыль ар ӵоже Ижкарысь сюресъёсты
Читать полностью

20020-тӥ арын Удмуртиын 400,8 иськем сюресъёсты тупатъязы. Ужъёсты куать программаосъя нуизы: «Кышкыттэм но ӟечлыко автомобиль сюресъёс» йӧскалык ӵектос, «Гурт интывылъёсты котыр ласянь азинтон», «Россиысь транспорт сӧзнэтэз азинтон», «Сюресъёсты лэсьтонъя инъет ужанрадлык», «Удмуртиысь ёросъёсын тупатъянъёс». Сюрес лэсьтон вакытлы йылпумъянъёсын 21-тӥ толсуре ортчем пресс-конференциын тодматӥзы.

Удмуртиысь кивалтэтлэн тӧроез Ярослав Семёнов верамъя, 2019-тӥ ар сюрес возёс удыс понна куазь сэрен секыт вал, соин ик туэ кылем арысь ужъёсты быдэстӥзы.

Оглом тупатъямын но выльдэмын 400 иськемлэсь трос. <…> Ужъёс борды оштолэзь кутсконын басьтӥськизы ни, ӝыныезлэсь тросэз объектъёс сизьым толэзь ортчыса лэсьтэмын ни вал – коньывуонэ. Табере ми вераны быгатӥськом, сюресъёсты лэсьтон вакыт ворсамын. Объектъёсын вань ужъёс быдэстэмын
Ярослав Семёнов, Удмуртиысь кивалтэтлэн тӧроез

Солэн кылъёсызъя, мер огазеяськонъёсын валче ужаса, умой ужъемышъёс адӟыны но шекъёсты палэнтыны луиз. Со сяна, йӧскалык ӵектосъя ватсаса 340 миллион манет басьтыны кылдӥз.

«Кышкыттэм но ӟечлыко автомобиль сюресъёс» йӧскалык ӵектос улсын Ижкарын, Камбаркаын, Сарапулын, Можгаын, Воткаын но улосвыл сюресъёс вылын 88 люкетъёсты тупатъязы - со 138,66 иськем. Та ужъёслы 1 миллиард 700 миллион манет быдтӥзы. Нош оглом элькунысь сюресъёслы 4 миллиард 800 миллион манет висъязы

2020-тӥ ар пумозь Ижкар – Сарапул сюрес вылын (Брангуртэ кожонлы матын) машинаослэсь секталазэ чаклась эрказ ужась пункт пуктозы, со сюресэз эсэплэсь секыт транспортлэсь утьыны юрттоз.

Йӧскалык ӵектос улсын туэ сюресъёслэсь ньыль люкетъёссэс югдытӥзы, вить светофоръёс, 15 фото- но видеокамераос пуктӥзы.

Ярослав Семёновлэн верамезъя, али 2021-тӥ арлы чаклам объектъёсъя конкурс ужъёс мыно ни. Йӧскалык ӵектосъя торгъёс йылпумъяськизы ни, мукет программаосъя контрактъёсты толшор пумозь юнматыны малпало.

«Сюресъёсты лэсьтонъя инъет ужанрадлык» («Опорный план дорожной деятельности») программая сӥзьыл но тулыс ветлыны луонтэм 28 объектъёсты рос-прос тупатъязы – оглом 131,523 иськем

Со сяна, Орловской – Киров улосвыллэн гожез, Вотка – Чёрной, (Ижкар – Ува) – Постол станция, Сарапул – Вотка сюрес люкетъёсты рос-прос выльдӥзы. Соослэн оглом кузьдалазы 20,323 иськем.

Озьы ик туэ Костино – Камбарка

Читать полностью

Удмуртиысь Яр ёросын Киров улосвыллэн гожез дорозь сюресэз выльдон ужъёсты йылпумъязы. 2020-тӥ арын сюресчиос Сосновка гуртысен 7,4 иськемзэ тупатъязы. Со сярысь элькун тӧролэн но кивалтэтлэн пресс-службазы ивортӥз.

Сюресэз лэсьтон ужъёс 2017-тӥ арын кутскизы, соку Люкымвож (Усть-Лекма) гуртозь 5 иськемез тупатъязы, 208-тӥ арын - Люкымвожысен Зэризь (Елово) черкогуртозь 6 иськемзэ, 2019-тӥ арын – Зэризьысен Сосновка гуртозь 4 иськемзэ. Ньыль ар ӵоже оглом 22 иськем сюресэз быдэсак выльдӥзы

Яр ёрослэн тӧроез Александр Старцев пусйиз, Киров улосвыл палан асфальт куинь ар пала вань ни, нош Удмуртия палан сюрес кӧльыен шобыртэмын вал, соин сэрен тулыс но сӥзьыл бадӟым машинаослы ортчыны быдӟым шугъяськонъёс кылдылӥзы.

Та сюресэз лэсьтонэз ми ёросамы придорожной сервисэз, заправкаосты азинтыны луонлыкен герӟаськомы. Нош со выль ужан интыос усьтон
Александр Старцев, Яр ёрослэн тӧроез

Ассэ сюресэз выльдэм сяна, ӧнерчиос мер транспорт дугдылонниос, сюрес пусъёспуктӥзы.

Шаркан ёросын Быги гуртэ сюресэз быдэсак выльдон ужъёс йылпумъяськизы. Со сярысь элькун тӧролэн но кивалтэтлэн пресс-службазы ивортӥз.

Ӧнерчиос сюреслэсь 4,2 иськемзэ тупатъязы. Азьвыл со векчи кӧльыен шобыртэмын вал, табере - асфальтэн

Сюрес Шегъян (Нижний Казес) но Быги гуртъёсты герӟа. Ӧнерчиос сюреслэсь инъетсэ, дуръёссэ юнматӥзы, ву кошкон гумыос пуктӥзы, сигнал юбоос, сюрес пусъёс но барьеръёс пуктӥзы. Ужъёсты «Гурт интывылъёсты котыр ласянь азинтон» программа улсын быдэстӥзы. 

Объектын ужъёс 2019-тӥ арын кутскизы но кык люкетэн мынӥзы. Со дыр ӵоже оглом 6,5 иськемез выльдӥзы. Гуртын скал гид, сюро таза пудо возён ферма, школа, нылпи сад, фельдшер-акушер пункт ужало. Татын ю но трос аръем турынъёс будэто. Со сяна, та сюрес вылтӥ быдэ Шегъянысь дышетскисьёсты нуо-ваё. Со сюресъя ик Быгиын поттэм гурт возёс вузъёсты Шарканэ келяло
Ярослав Семёнов, Удмуртиысь кивалтэтлэн тӧроез

Озьы ик татын туризм туж умой азинске. 2013-тӥ арын 7-тӥ гудырикошконэ Хельсинкиын Финн-угор егитъёслэн ассоциацизылэн XI конгрессаз Быгиез Финн-угор дуннелэн нырысетӥ лулчеберет шоркареныз ялӥзы.

Сюресэз эскерем бере, удмурт лулчеберетъя «Быгы» йӧскалык центрлэн кивалтӥсез Жанна Ермолаева но «Быгинское» муниципал кылдытэтлэн тӧроез Нина Беляева сюресчиослы экскурсия ортчытӥзы но удмурт улон-вылонлэн аспӧртэмлыкез, интыысь сям-йылолъёс сярысь мадизы.Арлы быдэ Быгиын финн-угор сиён-юонъя «Быг-Быг» калыккуспо фестиваль радъяське, нош ачиз гурт «ДаУР!» ӵектос улсын быръем 100 тужгес учкымон интыос пӧлы пыре.

Сюресъёсты тупатъян вакыт Удмуртиын пумаз вуэ ини. Ужын та вакытлы куинь объект гинэ на: Орловской – Киров улосвылэн гож (7,4 иськем), Кияса – Лутоха (11,3 иськем) но (Кез – Кулига - Карсовай) – Жерноково – Медьма (9,8 иськем). Берпуметӥ кык сюресъёсты озьы ик «Гурт интывылъёсты котыр ласянь азинтон» программа улсын лэсьто, соосты шуркынмон пумозь уже кутозы. 

Тодэ вайытом, кемалась ик ӧвӧл Постол станциозь сюресэз но вуттӥзы.

Удмуртиын Росси азьмуртэн Владимир Путинэн кичӧлтэм «Кышкыттэм но ӟечлыко автомобиль сюресъёс» йӧскалык ӵектосъя вань ужъёсты йылпумъязы. Со сярысь элькун тӧролэн но кивалтэтлэн пресс-службазы ивортӥз.

2020-тӥ арын ӵектос улсын Удмуртиын оглом 138,6 иськем мында 88 объектъёсты тупатъязы. Со улосвыл но муниципал кылдытэтъёс куспысь 19 сюресъёс, Ижкарысь урамъёсысь 23 сюрес люкетъёс, озьы ик Сарапулысь, Воткаысь, Можгаысь но Камбаркаысь сюресъёс. Тодэ вайыто, Удмуртиысь ньыль каръёсысь объектъёсты ватсаса коньдонлы луыса тупатъяны луонлык кылдӥз. Сое федерация йӧскалык ӵектосъя ужъёсты дараз но ӟечлыко быдэстэммы понна висъяз
Александр Бречалов, Удмуртилэн тӧроез

Йӧскалык ӵектос улсын берпуметӥ тупатъям объектъёс Сарапулысь Ленин нимо но Раскольников нимо урамъёс луизы. 4-тӥ шуркынмонэ администрациысь ыстэм муртъёслэсь, подрядчикъёслэсь, мер ужасьёслэсь но ГИБДД-лэн управлениысьтыз ӧнерчиослэсь кылдытэм ӧри сюресъёсты эскериз. 

Объектъёсын кык сӥ асфальт вӧлдӥзы, сюрес дуръёсты юнматӥзы но кожон интыосты тупатӥзы. Сюресъёслэн ӟечлыксыя алонъёс ӧй вал

Ленин нимо урам 1,473 иськем кыстӥське. Отысь ӧнерчиос машинаосты пуктон интыосты но сюрес вамен выжон интыосты тупатъязы, искусственной лёгъёс лэсьтӥзы но сюрес пусъёс пуктылӥзы. Ньыляз дугдылонниосын автопавильонъёсты воштӥзы.

Раскольников нимо урамысь 370 метр сюрес шобретэз выльдӥзы.

Туэ Сарапулын оглом 7,3 иськем мында 11 сюрес люкетъёсты тупатӥзы. Выльдӥськизы Лесной проспект, Озёрной, Красноармейской урамъёс, 3-тӥ Дубровской пролка, Западной проезд, Азин нимо но Амурской урамъёсысь быдэн кык сюрес люкетъёс, Ленин нимо но Раскольников нимо урамъёс.

Нялтас вераса, Удмуртия йӧскалык ӵектос улсын ватсаса 340 миллион манет басьтӥз. Коньдонэз Сарапулысь, Камбаркаысь, Воткаысь но Можгаысь урамъёсты тупатъяны кутӥзы. Ватсаса уксёлы луыса оглом 28 иськем мында 46 объектъёсты лэсьтӥзы

Тодэ вайытом, Камбаркаын йӧскалык ӵектос улсын тупатъям вить сюрес люкетъёсты уже кутӥзы

Удмуртиын «Опорный план дорожной деятельности» элькун программая 2020-тӥ арын тупатъяны чаклам ветлыны луонтэм сюресъёс пӧлысь берпуметӥзэ люкетэз вуттӥзы - Кез – Кулига – Карсовай. Со сярысь улосвыл тӧролэн но кивалтэтлэн пресс-службазы ивортӥз.

Ӧнерчиос сюреслэсь Кама шур дорысен Степанёнка гурт дорозь 4,3 иськемзэ тупатъязы, вылзэ векчиятэм изэн но луоен суро кӧльыен шобыртӥзы.

Туж урод сюрес вал, куд-ог интыетӥз ветлыны воксё уг луы вал, шумпотӥськом, та люкетсэ лэсьтӥзы шуыса
Фёдор Першин, «Степанёнки» возёслэн тӧроез

2020-тӥ арын Кез – Кулига – Карсовай сюреслэсь кык люкетсэ тупатъязы. Нырысетӥез, Кулига пыр ортчись 8 иськемъем люкетэз, коньывуонэ уже кутэмын. Со сяна, 2019-тӥ арын выльдэм люкетъёсын кылдэм шекъёсты тупатӥзы.

Тодэ вайытом, «Опорный план дорожной деятельности» элькун программая таяз арын сӥзьыл но тулыс ветлыны луонтэм 28 сюресъёсты тупатъяны чакламын вал.

Та программая туэ 130 иськемлэсь трос сюресъёсты выльдӥмы. Валаны кулэ, соос нуо гуртъёсы, кытын 20 сюрслэсь трос адями улэ. Мерлык ласянь туж кулэ программа, угось мынон-ветлонэз умоятон нимысьтыз транспортлы, эм ужасьёслы яке эрикрадэз утисьёслы, сюрес усьтэ. Берло куинь аръёс ӵоже ми 83 объектъёсты лэсьтӥм ни, нош нырысь-валысь чакланъёсын 62 вал. Программаез 2021-тӥ арын но азьланьтом
Александр Бречалов, Удмуртилэн тӧроез

Тодэ вайытом, азьвылгес улосвыллэн тӧроез 2021-тӥ арын гурт сюресъёсты тупатъяны ӧжытсэ 750 миллион манет висъялозы шуыса вераз вал. 

Эгра ёросын М-7 «Волга» федерал трассалэсь люкетсэ (км 265+000 – км 272+500) тупатъян ужъёсты йылпумъязы. Со сярысь 27-тӥ коньывуонэ «Удмуртавтодор» огазеяськон «ВКонтатке» мерлыко вотэсысь огиназ ивортӥз.

Выльдэм сюреслэн кузьадлаез 7,5 иськем - Эгра каргуртысь «Гурман» кафе дорысен Чемошур гурт пумозь

Сюресчиос тордылӥсь интыосысь сюез воштӥзы, сюреслэсь куд-ог интыоссэ эсэпъёсъя тямыс метрозь паськытатӥзы. Сюресэз кык сӥен асфальтобетонэн шобыртӥзы. Выль шобрет медаз пилиськылы шуыса, сое геосеткаен юнматӥзы.

Со сяна, сюрес дуръёсты векчиятэм изэн юнматӥзы. Дугдылон площадкаосты умоятӥзы, сюрес пусъёсты но сигнал юбоосты воштӥзы.

Тодэ вайытом, азьвылгес М-7 «Волга» федерал сюреслэсь Дэри ёросын Изгуртэ кожон дорысен Пероггурт дорозь люкетсэ (км 158+000 – КМ 162+200) рос-прос тупатъян ужъёсты йылпумъязы.

Камбаркаын Росси азьмуртэн Владимир Путинэн кичӧлтэм «Кышкыттэм но ӟечлыко автомобиль сюресъёс» йӧскалык ӵектос улсын лэсьтэм куать сюресъёсты эскериз. Витьсэ соос пӧлысь уже кутӥзы. Со сярысь элькун тӧролэн но кивалтэтлэн пресс-службазы ивортӥз.

Сюресчиос оглом 3 иськем 200 метр мында куать сюресъёсты тупатъязы

Ваньмыз ик объектъёс, Ленин нимо урамысь, Декабристъёслэн урамысьтызы, Никита Манохин нимо урамысь, Маяковский нимо урамысь, озьы ик Уральской но Комсомольской пролкаосысь сюресъёс, дасесь. Но Комсомольской пролкаысь сюресэз уже кутонэз, ву гумы пасяськемен валче выльдэм сюрес сӧриськемен сэрен, берлолы выжтоно луиз.

Али Комсомольской пролкаын сюрес шобрет сӧриськемын ке но, адӟиське, сюресчиослэн ужзы ӟеч лэсьтэмын шуыса. Берло кӧня ке ар ӵоже Камбаркаын сюресъёсъя югдур умой пала берытскиз. Али валтӥсь сюресъёс гинэ умоесь ӧвӧл ини, мукетъёссэ но сюресъёсты кар тупатъяны кутске. Калленэн тротуаръёсты лэсьто, урамъёс кузя кышкыттэм ветлонлы саклык висъяло, тужгес но школаос но нылпи садъёс котырын – гожъёс лэсьто, сюрес пусъёс, тыл юбоос пуктыло. Ужъёсты котыр ласянь нуо, со шумпоттэ
Александр Санин, Огъяросси калык фронтлэн улосвыл штабезлэн ёзчиез

Пусъём, ужъёсты Удмуртилы йӧскалык ӵектос улсын сюресъёсты тупатъяны ватсаса висъям 340 миллион манетлы луыса быдэстӥзы. Коньдонэз, Камбаркаысь сяна, Сарапулысь, Воткась но Можгаысь сюресъёсты лэсьтыны келязы. Туннэ нуналлы Камбаркаын но Можгаын ужъёс йылпумъяськизы ини, Воткаын но Сарапулын – пумаз вуо. 

Тодэ вайытом, кемалась ик ӧвӧл, Удмуртиын М-7 федерал сюреслэсь люкетсэ рос-прос лэсьтӥзы. 

2020-тӥ арын Удмуртиын «Опорный план дорожной деятельности» элькун программая ветлыны луонтэм 100 иськемлэсь трос сюресъёсты тупатъязы. Туэлы чаклам 28 объектъёс пӧлысь кызь ньыляз ужъёсты быдэстӥзы ни. Со сярысь улосвылысь транспортъя но сюрес возёсъя министерстволэн пресс-службаез ивортӥз.

Та нуналъёсы Бурино – Чепца – Полом – Кез сюреслэсь вить иськем люкетсэ тупатъяса быдтӥзы. Сӥзьыл но тулыс куазь жобаськон вакытэ сюрес ветлыны луонтэм вал. Ӧнерчиос сюресэз векчиятэм изэн но луоё кӧльыен шобыртӥзы, ву кошкон канаваос лэсьтӥзы.

Тодэ вайытом, туэ та сюреслэсь ик одӥг люкетсэ «Кышкыттэм но ӟечлыко автомобиль сюресъёс» йӧскалык ӵектосъя тупатъязы

Удмуртиын М-7 «Волга» федерал сюреслэсь Изгуртэ кожон дорысен Пероггурт дорозь люкетсэ (км 158+000 – КМ 162+200) рос-прос тупатъян ужъёсты йылпумъязы. Со сярысь «Удмуртавтодор» огазеяськонлэн «ВКонтакте» мерлыко вотэсысь бамаз ивортӥзы.

Сюресчиос оглом 4 иськем 200 метр сюресэз выльдӥзы

Ужъёсты быдэстон улсын ӧнерчиос трассалэсь лапкам интыоссэ битумен сурам векчиятэм изэн ӵошкытатӥзы. Сюрес люкетэ куинь сӥен асфальтобетон вӧлдӥзы. Сюреслэсь куд-ог интыоссэ паськытгес каризы – ӝоглыкез будэтыны яке кулэстыны чуръёс лэсьтӥзы.

Сюрес дуръёслэсь пасьталазэ 3,75 метрозь будэтӥзы, солэсь 75 сантиметрзэ асфальтобетонэн юнматӥзы.

Со сяна, ӧнерчиос сюрес дурысь ог 3 сюрс 118 метр барьеръёсты воштӥзы, секталаез чаклан интыысь тӥрлыкез воштӥзы, пассажиръёсты пуктон-васькытон интыосты тупатъязы, кортлэсь кык павильонъёс но 70 светодиод светильникъёс пуктӥзы.

Тодэ вайытом, вуоно арын Удмуртиын гурт сюресъёсты тупатъяны ӧжытсэ 750 миллион манет висъялозы

2021-тӥ арын Удмуртиын гурт сюресъёсты тупатъяны ӧжытсэ 750 миллион манет висъялозы. Со сярысь 20-тӥ коньывуонэ мерлыко вотэсъёсын меӵак эфирез дыръя элькунлэн тӧроез Александр Бречалов вераз.

Вуоно арын гурт сюресъёслэсь эшшо 13 люкетсэс тупатъяны чакламын. <…> Соин ик со ӧрлы таяз арынлэсь, 2019-тӥ арынлэсь кык поллы трос коньдон висъяны пумкылъян кутӥм. Гуртъёсысьтымы сюресъёсты тупатъяны, выльдыны но лэсьтыны ӧжытсэ 750 миллион манет коньдон кутӥськоз
Александр Бречалов, Удмуртилэн тӧроез

Пусъём, туннэ нуналлы «Опорный план дорожной деятельности» элькун программа улсын гурт сюресъёслэсь 79 люкетсэс тупатъязы ини. Эшшо ньыльзэ 2020-тӥ ар пумозь вуттозы.

Тодэ вайытом, кемалась ик ӧвӧл сюресчиос Сюмси ёросысь ветлыны луонтэм сюресэз лэсьтӥзы

Наверх
Вниз