Опрос
Ижкар+11 °C
10 -тӥ оштолэзь 2020 Удмуртарня
16+

Удмуртиын сюресъёсты эскерыны кутскизы. Нимысьтыз саклык Россилэн азьмуртэныз Владимир Путинэн кичӧлтэм «Кышкыттэм но ӟечлыко автомобиль сюресъёс» йӧскалык ӵектос улсын берло куинь ар ӵоже тупатъям но гарантийной сюресъёслы висъялозы.   Со сярысь элькунысь тӧролэн но кивалтэтлэн пресс-службазы ивортэ.

Сюресъёсты нимысьтыз ӧриос эскерозы, отчы кар но ёрос администрациослэн ыстэм муртъёссы, сюресчиос, экспертъёс но мер огазеяськонъёслэн ёзчиоссы.

Али сюресъёсты эскеронъя радлык кылдыто.  Котькуд объектэз кык арнялы одӥг пол эскерозы. Вань изъянъёсты нимысьтыз актэ пыртозы но соосты палэнтон дырез пусъёзы. 

Эскеронъёс оштолэзе кутскозы но куартолэзе шутэтскон нуналъёс дорозь кыстӥськозы

Но Камбаркаын, кылсярысь, гарантийной сюресъёсты 27-тӥ южтолэзе чакланы кутскизы ини. Ӧри карысь укмыс сюрес люкетъёсты эскериз. Шекъёс шараямын ӧй вал. Но Азин нимо урамын гумыосты тупатъянэн сэрен асфальтэз сӧроно луизы. Со гарантия улэ уг шедьы, сюресэз коммунальной возёсын ужасьёс ас коньдонэнызы тупатоно луозы. 

Дэри ёросын Ижкар – Ува трасса дорысен Постол черкогуртозь 7,1 иськемъем сюреслэсь кыкетӥ люкетсэ тупатъяны кутскизы. Со сярысь «ВКонтакте» мерлыко вотэсысь огинын сюрес лэсьтонъя «Ижевское» предприятие ивортэ.

Туэ сюресчиос кылем 3,95 иськемез асфальтэн шобыртозы

Оглом сюреслэсь инъетсэ ӝутозы но ӵошкытатозы, пӧртэм зӧкталаем ву кошкон гумыос пуктозы, канаваосты муромытозы но юнматозы.

Водительёсты пуктылэм сюрес пусъёсты сак чакланы но ӝоглыкъя куронъёсты быдэсъяны куро.

Тодэ вайытом, 2021-тӥ арын Дэри ёросын 27 иськемлэсь трос сюресъёсты тупатъялозы.    

Удмуртия Балезиноысь сюресъёсты тупатъяны 40 миллион манет висъяз. Кытчы коньдонэз кутыны малпало, элькун кивалтэтлэн тӧроезлы Ярослав Семёновлы Балезино ёрослэн тӧроез Юрий Новойдарский вераз.

Дефектовка ортчытӥм, тупатъямез тужгес но кулэ карись урамъёсты пусйим. Туннэ нуналлы сметаос сюрес возёсъя министерствое эскерыны келямын. Али пумкылзэс возьмаськом
Юрий Новойдарский, Балезино ёрослэн тӧроез

Тупатъян ужъёсты Балезино каргуртысь кӧня ке сюресъёс вылын ортчытозы. Кылсярысь, Киров нимо урамысь 600 метрзэ, Майской урамысь 830 метрзэ, Карл Маркс нимо урамысь 1 сюрс 380 метрзэ выльдозы, озьы ик Советской урамысь чугун сюрес вокзал дорысен сюрес вож дорозь люкетсэ тупатозы. Ватсаса ужъёс нюлэс база дорысь сюресъёс вылын, кытын чылкытатон сооружениос дорысен док доры васькон интыяськемын, но автобусъёслы берытскон интыын быдэстозы. Ужъёсты инвожо шорозь йылпумъяны чаклало.

Со сяна, коньдэтысь ватсаса 5 миллион манет Сибирской но Русских нимо урамъёсын гопъёсты ворсаны висъялозы. Нимысьтыз огкыл чугун сюрес ултӥ потонэз выльдыны гожтозы. Ужъёсты озьы ик 2020-тӥ арын инвожо шорозь вуттыны чаклало

Удмуртилэн тӧроез Ярослав Семёнов тупатъян ужъёслэсь дырзэс чаклано шуыса пусйиз. Уго ог дыре кык сюресъёсты тупатъяку тӧрлыкъёсы калыклэсь ӝожтӥськонъёс вуыны быгатозы. 

2020-тӥ арын Удмуртиын тулыс-сӥзьыл вакытэ ветлыны луонтэм гурт сюресъёслэсь 17 люкетъёссэс тупатъялозы, оглом 83,67 иськем. Ужъёсты «Опорный план дорожной деятельности» элькун программая нуозы. Со сярысь «Удмуртавтодор» огазеяськон «ВКонтакте» мерлыко вотэсысьтыз огиназ ивортӥз.

Та дыре куать люкетъёсын ужъёсты кутскизы ни. Кез ёросын Кез – Кулига – Карсовай сюреслэсь 8,5 иськемзэ тупатъяны кулэ. Отын ву кошкон сӧзнэтэз тупатъялозы, сюреслэсь инъетсэ юнматозы, вылзэ векчи изэн, луоен суро кӧльыен шобыртозы.

Сюмси ёросын кык сюресъёс ужанрадлыке пыртэмын. Бадӟымлуд – Зун – Орловской сюреслэсь 4 иськем мында кык люкетсэ тупатъялозы. Та дыре сюрес урдсысь куакъёсты корало. Ву кошкон сӧзнэтэз выльдэм но сюреслэсь вылзэ ӵошкытатэм бере, сюресчиос векчи излэсь, луоен суро кӧльылэсь шобрет вӧлдозы.

Озьы ик (Ува – Сюмси) – Силино – Коӵо-Юс сюреслэсь кык люкетсэ тупатъялозы, оглом вить иськем.

Сарапул ёросын Сарапул – Верхний Бугрыш сюреслэсь 2,9 иськемзэ тупатъян борды басьтӥськизы. Али куакъёсты но вечи писпуосты утялто, ву кошкон корт гумы пукто. Ву кошкон сӧзнэтэз выльдон улсын эшшо кык гумы пуктозы но кыретъёсты муромытозы на. Сюресэз векчи изэн, луоен суро кӧльыен шобыртозы.

Балезино ёросын (Эгра – Глазкар) – Андрейшур сюреслэн оглом 8 иськем мында кык люкетъёсаз ужало. Та дыре ву кошкон сӧзнэтэз выльдыны кутскизы ни. Сюреслэн вылаз векчи из, луоен суро кӧльы кисьтозы.

Ужъёс сюреслэн одӥг палаз мыно, транспорт мукет палтӥз ветлыны быгатэ

Тодэ вайытом, таяз арын Удмуртиын 30 иськем улосвыл сюресъёсты выльдозы.  

2021-тӥ арын Удмуртиысь Дэри ёросын «Кышкыттэм но ӟечлыко автомобиль сюресъёс» йӧскалык ӵектос улсын 27 иськемлэсь трос сюресъёсты тупатъялозы. Со сярысь ӵектослэн улосвыл офисэзлэн пресс-службаез ивортэ.

Ёросэтӥ быдэс элькунэз Ижкарен герӟась валтӥсь автомобиль сюресъёс ортчо. Агломерациысь сюресъёсты эсэпъёсъя тупатон йӧскалык ӵектосэз быдэсъянлэн одӥгез валтӥсез возьматэм луэ. 2024-тӥ арлы со 85 процент луыны кулэ. Соин ик азьланьын та ласянь бадӟым уж возьма
Ирина Шкляр, Удмуртиысь транспортъя но сюрес возёсъя министрлэн воштӥсез

Тупатъяно люкетъёсын лыдметэз (список) ёрос администраци бордысь мер кенеш юнматӥз. Сое калыклэн вазиськонъёсызъя, ӟечлыксыя, мерлыклы кулэлыксыя кылдытӥзы.

Оглом 25,5 иськем пала 16 объектъёсты юнматӥзы

Лыдметэ пыризы:

- Вотка шоссе ульча – Хохряки;

- (Ижкар – Ува) – Подшивал – Лудӟыл;

- Первомайской посёлокысь Сабуров но Ленин ульчаос но мукетъёсыз.

Дэри черкогуртын Коммунальной, Речной, Пушкинской но Полевой ульчаосты тупатъялозы.

Пыӵанка гуртын туэ шор ёзо школа пуктыны кутскозы. Со 2021-тӥ арын усьтонлы куинь ульчаосты тупатъяны малпало.

Дэри ёросын быдэстоно ужъёс оглом 225 миллион манет котыр усёзы шуыса чаклало

Берпум лыдпус эскеронъёсты ортчем бере тодмо луоз. Соосты торгъёс дыръя быръем нимысьтыз огазеяськон ортчытоз.

Ужъёсты быдэстӥсь огазеяськонъёсын огкылъёсты 2020-тӥ арын коньывуонэ-шуркынмонэ юнматозы.

Тодэ вайытом, Росси азьмуртэн Владимир Путинэн кичӧлтэм «Кышкыттэм но ӟечлыко автомобиль сюресъёс» йӧскалык ӵектос улсын 2021-тӥ арын Удмуртиын оглом 63 иськемлэсь трос улосвыл сюресъёсты тупатъялозы.

Таяз арын Удмуртиын улосвыл сюресъёслэсь 6 люкетъёссэс выльдозы, оглом 30 иськем пала луэ. Со понна элькун коньдэтысь 665 миллион манет висъязы. Со сярысь Удмуртиысь тӧролэн но кивалтэтлэн пресс-службазы ивортэ.

2020-тӥ арын кылем арысь кык объектъёсты йылпумъяны но ньыльзэ кутскыны чакламын: Со Орловский – Киров улосвыллэн гожез, Воткинск – Чёрная, Сарапул – Воткинск, «Ижевск – Ува) – Постол станция.

Ваньмыз сюрес люкетъёс мерлыко но экономикалы кулэлыксыя быръемын.

Нырысетӥез быдӟалаезъя, уката ик кулэлыкезъя, - Орловский – Киров улосвыллэн гожез объектэз йылпумъян. Татын берпуметӥ люкетэз кылиз - 7 иськемлэсь ӧжыт тросгес. Озьы Киров улосвылэн герӟаськон ласянь ужпум асьмелэн сэрттэмын-пертчемын луоз. Со покчи но шоро-куспо ужбергатонэз азинтонлы бадӟым луонлык. Али Глазкарысь предприятиос вузъёссэс нуыкузы 100 иськем котырсконо луо
Ярослав Семёнов, Удмуртиысь кивалтэтлэн тӧроез

Со тодэ вайытӥз, Россилэн азьмуртэз Владимир Путин Федерал Собранилы вазиськоназ улосвылъёсты герӟась сюресъёслэсь кулэлыксэс нимысьтыз пусйиз шуыса. Удмуртиын Орловский – Киров улосвыллэн гожез сюрес одӥгез соос пӧлысь. Оглом 23 иськем вылын ужъёсты быдэстозы.

Со сяна, Сарапул – Воткинск сюреслэсь кыкетӥ люкетсэ выльдозы – 3,7 иськем. Со трос аръем сюлмаськонэз палэнтыны юрттоз.

Эшшо одӥгез туж кулэ сюрес - (Ижевск - Ува) - станция Постол. Тросэз Постолын улӥсьёс «Советско-Никольский леспромхоз» предприятиын ужало, отчы сюрес туж урод. Таяз арын 3,82 иськемзэ тупатыны чаклало. 

Тодэ вайытом, 2021-тӥ арын Удмуртиын 63,3 иськем улосвыл сюресъёсты тупатъялозы.

2021-тӥ арын Удмуртиын 63,3 иськем улосвыл сюресъёсты тупатъялозы. 2-тӥ южтолэзе Удмуртиысь транспортъя но сюрес возёсъя министерство бордысь мер кенеш Росси азьмуртэн Владимир Путинэн кичӧлтэм «Кышкыттэм но ӟечлыко автомобиль сюресъёс» йӧскалык ӵектос улсын тупатъяно люкетъёсты юнматӥз. Со сярысь улосвыл тӧролэн но кивалтэтлэн пресс-службазы ивортэ.

Ӵектэм объектъёсты ми калыклэн кулэяськонъёсыз но улосвылысь экономикаез азинтон ласянь рос-прос эскеримы. Нокыӵе замечаниосмы ӧз кылдэ – лыдмет понна огкылысь дурбасьтӥм. Пусйымон объектъёс пӧлын Можга – Вавож сюресэз ниманы луоз, со палан али пудо вордон огъет туж умой азинске. Валамон, сюрес отын улӥсьёслы гинэ ӧвӧл, продукциез поттон понна туж кулэ. Али отын сюрес туж урод
Наиль Зиятдинов, Удмуртиысь транспортъя но сюрес возёсъя министерство бордысь мер кенешлэн тӧроез

Валтӥсь объектъёс вуоно арлы лыдметэ одно ик пырозы. Нырысь ик со бадӟым ёрос центръёсты герӟась сюресъёс: Ижкар – Ува, Можга – Вавож, Сарапул – Вотка, Якшур-Бӧдья – Шаркан но мукетъёсыз.

Тупатъяно люкетъёслэн лыдметсы:

  • Глазов – Яр – Пудем (км 22+195 – км 23+695, км 24+130 – км 26+396);
  • Ижкар – Ува (км 22+690 – км 35+190);
  • Сарапул - Вотка (км 29+144 – км 33+744);
  • Ижкар – Люк (км 13+600-км 21+600);
  • Ижкар котыртӥ сюреслэн Ижкар – Аэропорт сюрес дорысен Ижекар – Вотка сюрес дорозь люкетэз (км 0+000 – км 10+085);
  • Ижкар – Ува (км 60+060 – км 65+060);
  • Брангурт – Кияса (км 0+038 – км 8+000);
  • Можга – Вавож (км 17+000-км 23+800);
  • Якшур-Бӧдья – Шаркан (км 7+800- км 12+400).

Резерв объектъёс борды басьтӥськозы, коньдонэз шыръяны луиз яке ватсаса висъязы ке. Со Ува – Сюмси, Эгра – Сьӧлта – Сюмси – Киров улосвылэн гож, Алнаш – Грак, Кияса котыр сюрес но мукетъёсыз.

Кызьы пусъемын ивортонын, вуись арлы лыдметэз Удмуртиын такем вазь ӧз кылдытъялэ на вал. Сыӵе пумкылъян коньдонэз ӝегатскытэк висъяны луонлык сётоз, ӵапак сыӵе курон Россилэн азьмуртлэн Владимир Путин тӧрлык ёзэсъёс азе пуктэ. Кылем 10 толэзь ӵоже заказчикъёс ужкагазъёс дасяны, торгъёс ортчыны кулэ. Нош подрядчикъёс, быдэстоно ужъёслэсь быдӟалазэс азьвыл ик тодыса, пичигес дунъёсын материалъёс басьтыны, техникаез но ужан тӥрлыксэс выльдыны быгатозы.

«Кышкыттэм но ӟечлыко автомобиль сюресъёс» йӧскалык ӵектосэз быдэсъян улсын Ижкар агломерациысь 85 процентсэ сюресъёсты эсэп куронъёслы тупась карыны кулэ. 2021-тӥ арын со лыдпусэз

Читать полностью

«Кышкыттэм но ӟечлыко автомобиль сюресъёс» йӧскалык ӵектос улсын Удмуртиысь сюресъёсты тупатъяны 1 но ӝыны миллиардлэсь трос коньдон висъялозы. Со сяна эшшо 500 миллион манет сюресъёсъя улосвыл фондысь вуоз на. Со сярысь «Комсомольская правда - Ижевск» (12+) но «Мынам Удмуртие» (16+) радиоослэн меӵак эфиразы элькунлэн тӧроез Александр Бречалов ивортӥз.

2020-тӥ арын со ӵектослы гинэ 1 но ӝыны миллиард манет висъямын. Милям планамы 80 иськемлэсь трос улосвыл сюресъёс но 30 иськемлэсь трос Ижкарысь сюресъёс. Гурт сюресъёсты лэсьтонъя нимаз программамы вань – со 600 миллион манетлэсь трос коньдон но 25 иськем пала сюресъёс
Александр Бречалов, Удмуртилэн тӧроез

Удмуртилэн тӧроез пусйиз, Россилэн азьмуртэныз кичӧлтэм «Кышкыттэм но ӟечлыко автомобиль сюресъёс» йӧскалык ӵектос сяна, улосвыллэн сюресъёсты тупатъянъя аслаз ужанрадлыкез но вань. Элькун коньдонэз ветлонтэм гурт сюресъёсты тупатъяны но выльдыны кутозы. 2020-тӥ арлы 18 сыӵе объектъёсты пусйизы – со 100 иськем пала сюресъёс.

2018-тӥ но 2019-тӥ аръёсы Удмуртия сюресъёсты тупатъянъя куинь устоосыз улосвылъёс пӧлы пыриз

Озьы ик Александр Бречалов ватсаз, федерал трассаез тупатъяны но куд-ог интыосын сое ньыль полосаозь паськытатыны кулэлык кылдӥз шуыса. Со сяна, матысь дыре каръёс куспысь сюресъёсты паськытатыны куриськон дасямын луоз, уго Ижкар – Вотка, Ижкар – Ува сюресъёс вылтӥ ветлӥсьёслэн лыдзы йылэ но йылэ.

Удмуртиысь транспортъя но сюрес возёсъя министерство вуоно арын кысык вакытлы дасяськыны кутскиз. Со сярысь элькунысь тӧролэн но кивалтэтлэн пресс-службазы ивортэ.

2020-тӥ арын лэсьтӥськон объектъёсы куд-ог материалъёсты Выль ар шулдыръяськонъёс бере ик вуттыны кутскозы
Алексей Горбачев, Удмуртиысь транспортъя но сюрес возёсъя министр

«Удмуртавтодор» валтӥсь лэсьтӥськон материалъёсты толшоре ик вайыны кутскыны чакла. Ву кошкон гумыосты тулыспалэ вуттозы, инертной материалъёсты – кысык вакыт кутсконлы. Ваньзэ дыраз вуттон понна нимысьтыз механизированной колонна кылдытӥзы.

Тулысозь подрядчикъёс сюрес дурысь будосъёсты коралозы, коммуникациосты выжтозы но шуныт куазез кулэ карисьтэм мукет ужъёсты быдэстозы. Со сяна, ужан машинаоссэс эскерозы

Али ик сюресчиос ужан тӥрлыкъёссэс но асфальт вӧлдон машинаоссэс дасяло. Со ласянь предприятиослы машинаосты лэсьтӥсь заводысь ӧнерчиос юрттӥсько, нимаз дышетонъёс радъяло.

Улосвылысь транспортъя но сюрес возёсъя министерство Владимир Путинэн кичӧлтэм «Кышкыттэм но ӟечлыко автомобиль сюресъёс»йӧскалык ӵектос улсын ужа.

Ӵектослэн туж бадӟым мер кулэлыкез но ужъемышез понна кылкутон сюресъёсты лэсьтон ӟечлыкез чаклан понна улосвыламы азьвыл кутӥськымтэ вить тубатъем радлык кылдытоно каризы. Подрядчик, лэсьтӥськонэз чаклась огазеяськон, заказчик, мер чаклан, элькун Миндортранс. Озьы ик ужъёсты чаклась видеокамераос пуктэмын вал
Ирина Шкляр, Удмуртиысь транспортъя но сюрес возёсъя министрлэн воштӥсез

Юалляськонъёслы йылпумъянъёсъя, Россиын ӝыныезлэсь трос улӥсьёс берло ар ӵоже «Кышкыттэм но ӟечлыко автомобиль сюресъёс» йӧскалык ӵектосэз улонэ пыӵатонэн улсын умой воштӥськонъёсты адӟизы.

Тодэ вайытом, вуоно арын йӧскалык ӵектосъя Ижкарысь сюресъёсты тупатъян уже ӝыны миллиард манет пала коньдон висъялозы. Улосвыламы сюрес лэсьтон технологиосты нимысьтыз сюрес лаборатория дунъялоз.

2020-тӥ арын Удмуртилэн шоркарысьтыз сюресъёсты тупатъяны 488 миллион 400 сюрс манет кутозы. Ижкарысь благоустройствоя но сюрес возёсъя ёзэс «Кышкыттэм но ӟечлыко автомобиль сюресъёс» йӧскалык ӵектосъя сюресъёсты выльдыны муниципал контрактъёс юнматӥз. Со сярысь ӵектослэн улосвыл офисэзлэн пресс-службаез ивортэ.

Коньдонэз федерал но улосвыл коньдэтъёсысь висъялозы. Со чотын 23 интыосысь оглом 31 иськем 760 метр сюресъёсты выльдозы

Конкурслы йылпумъянъёсъя кык контрактъёсты сюрес лэсьтонъя «Ижевское» предприятие быдэстоз. Со Индустри но Октябрь ёросъёсысь сюресъёсты оглом 95 миллион 660 сюрс манет тыр лэсьтоз.

Первомай но Устинов ёросысь сюрес люкетъёсты «Радонеж дорожные конструкции» огазеяськон тупатоз. Со оглом 151 миллион 45 сюрс тыр кык аукционын вормиз.

Ленин ёросысь сюресъёсты 241 миллион 300 сюрс манет тыр «Удмуртавтодор» огазеяськонысь ӧнерчиос лэсьтозы. Соос вылэ тужгес бадӟым уж усёз, уго 2020-тӥ арын Ленин ёросын 11 урамъёсысь оглом 12 иськем 800 метр мында сюрес люкетъёсты тупатъяны чакламын.

Аукционлы йылпумъянъёсъя 3 миллион 540 сюрс манет шыръяны луиз. Со коньдонэз тупатъяны чаклам сюресъёс вылын ватсаса ужъёсты быдэстонэ кутыны малпало.

Пусъём, выльдоно сюресын лыдмет калыклэсь но карысь мер палаталэн ёзчиосызлэсь дэмланъёссэс лыдэ басьтыса кылдытэмын.

2020-тӥ арын Ижкарысь тупатъяно сюресъёсын лыдмет:

Индустри ёрос:

  1. Профсоюзной пролка Совхозной урам дорысен Парковой урам дорозь (тротуарез тупатъянэн);
  2. Ижкар – Оранжерейной огъет (тротуарез тупатъянэн);
  3. Сельской урам Выставочной урам дорысен карлэн гожез дорозь (тротуар лэсьтонэн).

Октябрь ёрос:

  1. Студенческой пролка (тротуарез тупатъянэн);
  2. Красногеройской урам Удмуртской урам дорысен Карл Маркс нимо урам дорозь;
  3. Раздельной пролка (тротуарез тупатъянэн);
  4. Пушкинской урам Октябрьлы 10 ар урам дорысен Холмогоров нимо урам дорозь (тротуарез тупатъянэн).

Первомай ёрос:

Читать полностью

16-тӥ толсуре Сюмси ёросысь Орловской черкогурт вӧзын Кильмезь шур вамен выжез усьтозы. Со сярысь элькунысь транспортъя но сюрес возёсъя министерстволэн пресс-службаез ивортэ.

Али Орловскойын 700-лэсь трос адями улэ. Соос ёрос центре 60 ар талэсь азьло пуктэм выж вылтӥ ветло вал, но берло дыре отӥ потаны кышкыт луиз. Тупатъян ужъёс мынытозь, черкогуртын улӥсьёс Сюмсие мукет, кузьгес, сюрес кузя ветлӥзы.

Выжез тупатъяны элькун коньдэтысь 7 миллион 200 сюрс манет висъязы. Табере отӥ 6 тоннаозь секталаем машинаос ортчыны быгатозы

Тупатъям выжез усьтонэ элькун кивалтэтлэн ыстэм муртъёсыз но транспортъя но сюрес возёсъя министерствоысь кивалтӥсьёс пыриськозы. 

Шаркан ёросын Мишкин – Вортчапочинка сюресэз тупатъян ужъёсты йылпумъязы. Со сярысь «Удмуртавтодор» огазеяськонлэн «ВКонтакте» мерлыко вотэсысь огиназ ивортӥз.

Ӧнерчиос сюресэз 10 метрозь паськытатӥзы, кулэ интыетӥ ӵошкытатӥзы. Озьы ик ву кошкон сӧзнэт лэсьтӥзы: 14 гумыос пуктӥзы, кыретъёс кыскизы но юнматӥзы.

Сюреслэсь вылзэ луоё кӧльыен но векчиятэм изэн шобыртӥзы

Со сяна, Вортчапочинка гуртын тротуаръёсты асфальтэн шобыртӥзы, кутӥськонъёс пуктӥзы. 

Тодэ вайытом, 2020-тӥ арын Удмуртиын пӧртэм программаосъя 240 иськем пала сюресъёсты тупатъяны чаклало. 

Удмуртиын 8,4 иськем пала Красногорск – Убытьдур сюресэз тупатъян ужъёсты йылпумъязы. Со сярысь «Удмуртавтодор» огазеяськонлэн «ВКонтакте» мерлыко вотэсысь огиназ ивортэмын.

Выль сюрес Эгра – Красногорск трассаен эшшо куинь гуртъёсты герӟаз: Потаповоез, Бадӟым Эграез но Выльгуртэз

Сюбег но куакъёсын басьтэм, интыосын ветлыны луонтэм сюрес интые али луоё кӧльыен но векчиятэм изэн шобыртэм паськыт сюрес мынэ. Табере со кышкыттэмлыкъя вань куронъёслы тупа.

Ӧнерчиос сюресэз дас метрозь паськытатӥзы, ву кошкон 17 гумыос пуктӥзы, кыретъёс лэсьтӥзы но юнматӥзы.

Со сяна, Убытьдурын мер транспортлы берытскон инты но павильон лэсьтӥзы. Сыӵе ик дугдылонни Вужгурт вӧзын пуктӥзы.

Выльдэм сюрес кузя 114 пусъёс, 373 пичи юбоос но 452 метр мында корт кенеръёс пуктӥзы. 

2020-тӥ арын Удмуртиын пӧртэм программаосъя 240 иськем пала сюресъёсты тупатъялозы. Со сярысь «Удмуртавтодор» огазеяськон «ВКонтатке» мерлыко вотэсысь огиназ ивортӥз.

Ужъёсты быдэстӥсьёсты но дырез аукционъёс бере пусъёзы. Тупатъян ужъёслэн картаенызы чӧлсконпусъя тодматскыны луэ.


«Кышкыттэм но ӟечлыко автомобиль сюресъёс» йӧскалык ӵектосъя 80,6 иськем элькун сюресъёсты тупатъяны чаклало. Со программая ик Ижкарын оглом 32 иськем мында 23 сюрес люкетъёсты выльдозы.

«Опорный план дорожной деятельности» элькун программая 100,9 иськем сюресъёсты выльдозы. Гурт возёсэз азинтон кун программа улсын куинь гурт сюресъёсты тупатъялозы, оглом 25,24 иськем.

Тодэ вайытом, 2019-тӥ арын Удмуртиын «Кышкыттэм но ӟечлыко автомобиль сюресъёс» йӧскалык ӵектосъя оглом 134,5 иськем мында 79 сюрес люкетъёсты тупатъязы.  

Кияса ёросын Косолапово гуртэз Сарапул – Киясово трассаен герӟась 6,36 иськем сюресэз тупатъязы. Со сярысь «Удмуртавтодор» огазеяськонлэн «ВКонтакте» мерлыко вотэсысь огназ ивортэмын.

Сюресэз 10 метрозь паськытатӥзы, мынон-ветлон люкетсэ – куать метрозь. Выльысь лэсьтӥзы ву кошкон сӧзнэтэз: 18 бадӟым гумыос пуктӥзы, кыретъёс лэсьтӥзы но юнматӥзы. Яжбахтинка шур вамен 24,1 метр корт выж пуктӥзы

Сюреслэсь вылзэ векчиятэм изэн но луоё кӧльыен шобыртӥзы. Выж вылэ пырон но пыдын ветлон люкетъёсаз асфальтобетон кисьтӥзы.

Со сяна, электроез но герӟет юбоосты выжтӥзы, Косолапово гуртын мер транспорт понна дугдон но берытскон инты лэсьтӥзы, кортлэсь павильон пуктӥзы. Сыӵе ик дугдылонни Яжбахтино гуртын тупатӥзы.

Ужъёсты йылпумъяса, 103 сюрес пусъёс, 263 пичи юбоос, 262 метр кенер пуктӥзы. 

Шаркан ёросын (Якшур-Бӧдья - Шаркан) – Быгы сюреслэсь 2 иськем 300 метръем люкетсэ тупатъязы. Со сярысь сюрес лэсьтонъя «Удмуртавтодор» огазеяськонлэн «ВКонтакте» мерлыко вотэсысь огиназ ивортэмын.

Калленэн ке но, асфальт сюрес Быгы гурт дорозь вуэ. Туэ Якшур-Бодья – Шаркан трасса дорысен Шегъян гуртозь сюрес асфальтэн шобыртэмын
«Удмуртавтодор» огазеяськонлэн пресс-службаез

Тупатъян ужъёс улсын сюресчиослы трос гинэ секыт ужпумъёсты сэрттоно-пертчоно луиз.

Тупатъяно сюреслэн бадӟым люкетэз сюрес вамен кошкись Каӟесшурлэсь шӧдскымон вылӥын луэ, но сюресэз паськытатон понна музъемез басьтыку, музъем улысь ву потыны кутскиз. Соин ик сюрес вылын гопъёс кылдылон интыосыз но трос вал, тулыс но сӥзьыл отӥ шуген ветлылӥзы.

Соин ик ӧнерчиос ву кошкон сӧзнэтэз радъян бордын рос-прос ужазы: кыретъёс лэсьтӥзы но юнматӥзы, куать бадӟым пасьталаем ву кошкон гумыос понӥзы. Собере сюресэз юнматӥзы но асфальтэн шобыртӥзы.

Со сяна, тыл юбоосты выжтӥзы, 29 сюрес пусъёс, 65 пичи юбоос но 484 метр мында кенер пуктӥзы.

Ужъёсты контрактэн юнматэм дыре вуттӥзы.

Удмуртиын Кизнер – Муркозь-Омга сюреслэсь Выль Тӥрыг – Вуж Бӧдья гуртъёс вискысь 9,025 иськемзэ тупатъянэз йылпумъязы. Со сярысь «Удмуртавтодор» огазеяськон «ВКонтакте» мерлыко вотэсысь огиназ ивортэ.

Сюресэз «Гурт интывылъёсты ялан азинтон» федерал программа улсын тупатъязы

Ужъёсты быдэстон улсын сюрес урдсысь куакъёсты но вечи писпуосты коразы, ассэ сюресэз 10 метрозь паськытатӥзы. Ву кошкон сӧзнэтэз выльысь лэсьтӥзы: бадӟым диаметре 9 гумыос пуктӥзы, кыретъёс лэсьтӥзы но юнматӥзы. Сюреслэсь вылзэ векчиятэм изэн но луоё кӧльыен шобыртӥзы.

Со сяна, Вуж Бӧдья гуртын мер транспортлы берытскон инты, кортлэсь павильон пуктӥзы. Калыкез пуктон-васькытон инты дорозь тротуаръёс, выжъёс лэсьтӥзы. Озьы ик сюрес пусъёс, пичи юбоос, кенертонъёс пуктӥзы. 

Грак ёросын Улын Йыраш гуртозь 4 иськем пала сюресэз рос-прос тупатъязы. Со сярысь «Удмуртавтодор» огазеяськон «ВКонтакте» мерлыко вотэсысь бамаз ивортэ.

Улын Йыраш – сӥзьыл но тулыс асфальт сюреслэсь люкем Удмуртиысь трос пичи гуртъёс пӧлысь одӥгез. Но ӧжытэз пӧлын «Гурт сюресъёс» федерал программае шедиз. Табере гуртозь ӟеч сюрес лэсьтэмын. Асфальтэн шобыртымтэ ке но, арлэн котькыӵе вакытаз ортчыны луоз
«Удмуртавтодор» огазеяськон

Сюресэз паськытатӥзы, ӝутӥзы, векчиятэм изэн но луоё кӧльыен шобыртӥзы. Со сяна, ву кошкон 16 гумыос пуктӥзы, сюрес урдсысь кыретъёсты юнматӥзы.

Улын Йыраш гуртын мер транспортлы берытскон инты тупатӥзы, павильон пуктӥзы, тротуар лэсьтӥзы. Озьы ик 63 сюрес пусъёс, 108 пичи юбоос, 392 метр кенер пуктӥзы.

Ужъёсты контрактын пусъем дыр ӵоже быдэстӥзы. 

Тодэ вайытом, «Кышкыттэм но ӟечлыко автомобиль сюресъёс» йӧскалык ӵектосъя 2019-тӥ арын Удмуртиын оглом 134,5 иськем мында 79 сюрес люкетъёсты тупатъязы

Удмуртиын 2019-тӥ арын «Кышкыттэм но ӟечлыко автомобиль сюресъёс» йӧскалык ӵектосъя сюресъёсты тупатъян ужъёсты йылпумъязы. Оглом 134,5 иськем мында 79 сюрес люкетъёсты тупатъязы. Со сярысь 25-тӥ коньывуонэ сюрес возёс но автомобиль транспорт удысын ужасьёслэн нуналзылы сӥзем сиё-дано ужрадын улосвыллэн тӧроез Ярослав Семёнов вераз.

Ужъёс дыраз быдэстэмын, ӟечлыкез тӥямын ӧвӧл, ужъёсты чаклан вить ёзэн мынӥз. Ми азьланьтӥськом гурт сюресъёсты лэсьтонъя программаез быдэсъянэз. Со сяна, улосвыл коньдэт чотын ӵектосъёс быдэсъясько, соос пӧлын «Опорный план дорожной деятельности», кудӥзъя ми тулыс но сӥзьыл вакытэ ветлыны луонтэм люкетъёсты тупатъяськом
Ярослав Семёнов, Удмуртиысь кивалтэтлэн тӧроез

«Кышкыттэм но ӟечлыко автомобиль сюресъёс» ӵектосэз быдэсъяны 1 миллиард 704 миллион 600 сюрс манет кошкиз. Солы тупатъязы:

23 люкетъёсты (94,2 иськем) улосвыл трассаос вылын;

27 люкетъёсты (24,9 иськем) – Ижкарын;

6 люкетъёсты (3 иськем) – Сарапулын;

6 люкетъёсты (2,8 иськем) – Воткаын;

14 люкетъёсты (5,7 иськем) – Можгаын;

2 люкетъёсты (2,8 иськем) – Дэри ёросын;

1 люкетэз (1,1 иськем) – Камбаркаын.

Озьы ик 4 интыын светофоръёс, 1 камера, 2 интыын тыл юбоос пуктӥзы, 8 лёгъёс лэсьтӥзы. Шуркынмон пумозь Удмуртиын эшшо 9 камераос пуктыны кулэ.

Тодэ вайытом, Ижкарын сюресъёсты таяз арын тупатъянлы йылпумъянъёсъя калык кылзонъёс ортчозы.

2020-тӥ арын тупатъяны элькун сюресъёслэсь 18 люкетъёссэс пусйизы Удмуртиын. Со сярысь улосвыл тӧролэн но кивалтэтлэн пресс-службазы ивортэ.

Удмуртиысь кивалтэтлэсь лыдметэз юнматон сярысь косэмзэ (распоряжение) 21-тӥ коньывуонэ кинюртӥзы.

- Алнаш ёросын Алнаш – Туймыйыл сюреслэсь 6,7 иськемзэ тупатъялозы;
- Балезино ёросын:
  • (Эгра – Глазкар) – Андрейшур сюреслэсь 9,3 иськемзэ
  • Балезино – Сергино сюреслэсь 13,2 иськемзэ;
- Вавож ёросын (Вавож – Кильмезь) – Вуж Ӝуё сюреслэсь 5,1 иськемзэ;
- Вотка ёросын Первомайской – Черепановка сюреслэсь 3,6 иськемзэ;
- Глаз ёросын Глазов – Понино – Зотово сюреслэсь 4 иськемзэ;
- Грак ёросын Пуклё – Вильгурт – Татарстанлэн гожез сюреслэсь 2,5 иськемзэ;
- Дэбес ёросын Дэбес – Уйвай сюреслэсь 3,4 иськемзэ;
- Кез ёросын Кез – Кулига – Карсовай сюреслэсь 8 иськемзэ;
- Кизнер ёросын Гыбдан – Ӟуч Кусо сюреслэсь 5,5 иськемзэ;
- Можга ёросын Гозек – Ӟуч Пычас сюреслэсь 8,5 иськемзэ;
- Сарапул ёросын Сарапул – Вылӥ Бугрыш сюреслэсь 5 иськемзэ;
- Сьӧлта ёросын (Эгра - Сьӧлта - Сюмси – Киров улосвылэн гож) – Кӧпка – Удгурт сюреслэсь 8,5 иськемзэ;
- Сюмси ёросын:
  • (Эгра - Сьӧлта - Сюмси – Киров улосвылэн гож) – Гури – Ӟатча сюреслэсь 5 иськемзэ;
  • Бадӟымлуд – Зун – Орловской сюреслэсь 4 иськемзэ;
  • (Ува – Сюмси) – Силино – Коӵо-Юс сюреслэсь 5 иськемзэ;
- Якшур-Бӧдья ёросын:
  • Якшур-Бӧдья - Красногорск сюреслэсь 2,2 иськемзэ;
  • Тыло – Узя сюреслэсь 4 иськемзэ.

103,5 иськемез тупатъяны 517 миллион 999 сюрс манет быдтозы
Наверх
Вниз