100 лет государственности Удмуртии
Ижкар+17 °C
5 -тӥ инвожо 2020 Удмуртарня
16+

2021-тӥ арын Удмуртиын 63,3 иськем улосвыл сюресъёсты тупатъялозы. 2-тӥ южтолэзе Удмуртиысь транспортъя но сюрес возёсъя министерство бордысь мер кенеш Росси азьмуртэн Владимир Путинэн кичӧлтэм «Кышкыттэм но ӟечлыко автомобиль сюресъёс» йӧскалык ӵектос улсын тупатъяно люкетъёсты юнматӥз. Со сярысь улосвыл тӧролэн но кивалтэтлэн пресс-службазы ивортэ.

Ӵектэм объектъёсты ми калыклэн кулэяськонъёсыз но улосвылысь экономикаез азинтон ласянь рос-прос эскеримы. Нокыӵе замечаниосмы ӧз кылдэ – лыдмет понна огкылысь дурбасьтӥм. Пусйымон объектъёс пӧлын Можга – Вавож сюресэз ниманы луоз, со палан али пудо вордон огъет туж умой азинске. Валамон, сюрес отын улӥсьёслы гинэ ӧвӧл, продукциез поттон понна туж кулэ. Али отын сюрес туж урод
Наиль Зиятдинов, Удмуртиысь транспортъя но сюрес возёсъя министерство бордысь мер кенешлэн тӧроез

Валтӥсь объектъёс вуоно арлы лыдметэ одно ик пырозы. Нырысь ик со бадӟым ёрос центръёсты герӟась сюресъёс: Ижкар – Ува, Можга – Вавож, Сарапул – Вотка, Якшур-Бӧдья – Шаркан но мукетъёсыз.

Тупатъяно люкетъёслэн лыдметсы:

  • Глазов – Яр – Пудем (км 22+195 – км 23+695, км 24+130 – км 26+396);
  • Ижкар – Ува (км 22+690 – км 35+190);
  • Сарапул - Вотка (км 29+144 – км 33+744);
  • Ижкар – Люк (км 13+600-км 21+600);
  • Ижкар котыртӥ сюреслэн Ижкар – Аэропорт сюрес дорысен Ижекар – Вотка сюрес дорозь люкетэз (км 0+000 – км 10+085);
  • Ижкар – Ува (км 60+060 – км 65+060);
  • Брангурт – Кияса (км 0+038 – км 8+000);
  • Можга – Вавож (км 17+000-км 23+800);
  • Якшур-Бӧдья – Шаркан (км 7+800- км 12+400).

Резерв объектъёс борды басьтӥськозы, коньдонэз шыръяны луиз яке ватсаса висъязы ке. Со Ува – Сюмси, Эгра – Сьӧлта – Сюмси – Киров улосвылэн гож, Алнаш – Грак, Кияса котыр сюрес но мукетъёсыз.

Кызьы пусъемын ивортонын, вуись арлы лыдметэз Удмуртиын такем вазь ӧз кылдытъялэ на вал. Сыӵе пумкылъян коньдонэз ӝегатскытэк висъяны луонлык сётоз, ӵапак сыӵе курон Россилэн азьмуртлэн Владимир Путин тӧрлык ёзэсъёс азе пуктэ. Кылем 10 толэзь ӵоже заказчикъёс ужкагазъёс дасяны, торгъёс ортчыны кулэ. Нош подрядчикъёс, быдэстоно ужъёслэсь быдӟалазэс азьвыл ик тодыса, пичигес дунъёсын материалъёс басьтыны, техникаез но ужан тӥрлыксэс выльдыны быгатозы.

«Кышкыттэм но ӟечлыко автомобиль сюресъёс» йӧскалык ӵектосэз быдэсъян улсын Ижкар агломерациысь 85 процентсэ сюресъёсты эсэп куронъёслы тупась карыны кулэ. 2021-тӥ арын со лыдпусэз

Читать полностью

«Кышкыттэм но ӟечлыко автомобиль сюресъёс» йӧскалык ӵектос улсын Удмуртиысь сюресъёсты тупатъяны 1 но ӝыны миллиардлэсь трос коньдон висъялозы. Со сяна эшшо 500 миллион манет сюресъёсъя улосвыл фондысь вуоз на. Со сярысь «Комсомольская правда - Ижевск» (12+) но «Мынам Удмуртие» (16+) радиоослэн меӵак эфиразы элькунлэн тӧроез Александр Бречалов ивортӥз.

2020-тӥ арын со ӵектослы гинэ 1 но ӝыны миллиард манет висъямын. Милям планамы 80 иськемлэсь трос улосвыл сюресъёс но 30 иськемлэсь трос Ижкарысь сюресъёс. Гурт сюресъёсты лэсьтонъя нимаз программамы вань – со 600 миллион манетлэсь трос коньдон но 25 иськем пала сюресъёс
Александр Бречалов, Удмуртилэн тӧроез

Удмуртилэн тӧроез пусйиз, Россилэн азьмуртэныз кичӧлтэм «Кышкыттэм но ӟечлыко автомобиль сюресъёс» йӧскалык ӵектос сяна, улосвыллэн сюресъёсты тупатъянъя аслаз ужанрадлыкез но вань. Элькун коньдонэз ветлонтэм гурт сюресъёсты тупатъяны но выльдыны кутозы. 2020-тӥ арлы 18 сыӵе объектъёсты пусйизы – со 100 иськем пала сюресъёс.

2018-тӥ но 2019-тӥ аръёсы Удмуртия сюресъёсты тупатъянъя куинь устоосыз улосвылъёс пӧлы пыриз

Озьы ик Александр Бречалов ватсаз, федерал трассаез тупатъяны но куд-ог интыосын сое ньыль полосаозь паськытатыны кулэлык кылдӥз шуыса. Со сяна, матысь дыре каръёс куспысь сюресъёсты паськытатыны куриськон дасямын луоз, уго Ижкар – Вотка, Ижкар – Ува сюресъёс вылтӥ ветлӥсьёслэн лыдзы йылэ но йылэ.

Удмуртиысь транспортъя но сюрес возёсъя министерство вуоно арын кысык вакытлы дасяськыны кутскиз. Со сярысь элькунысь тӧролэн но кивалтэтлэн пресс-службазы ивортэ.

2020-тӥ арын лэсьтӥськон объектъёсы куд-ог материалъёсты Выль ар шулдыръяськонъёс бере ик вуттыны кутскозы
Алексей Горбачев, Удмуртиысь транспортъя но сюрес возёсъя министр

«Удмуртавтодор» валтӥсь лэсьтӥськон материалъёсты толшоре ик вайыны кутскыны чакла. Ву кошкон гумыосты тулыспалэ вуттозы, инертной материалъёсты – кысык вакыт кутсконлы. Ваньзэ дыраз вуттон понна нимысьтыз механизированной колонна кылдытӥзы.

Тулысозь подрядчикъёс сюрес дурысь будосъёсты коралозы, коммуникациосты выжтозы но шуныт куазез кулэ карисьтэм мукет ужъёсты быдэстозы. Со сяна, ужан машинаоссэс эскерозы

Али ик сюресчиос ужан тӥрлыкъёссэс но асфальт вӧлдон машинаоссэс дасяло. Со ласянь предприятиослы машинаосты лэсьтӥсь заводысь ӧнерчиос юрттӥсько, нимаз дышетонъёс радъяло.

Улосвылысь транспортъя но сюрес возёсъя министерство Владимир Путинэн кичӧлтэм «Кышкыттэм но ӟечлыко автомобиль сюресъёс»йӧскалык ӵектос улсын ужа.

Ӵектослэн туж бадӟым мер кулэлыкез но ужъемышез понна кылкутон сюресъёсты лэсьтон ӟечлыкез чаклан понна улосвыламы азьвыл кутӥськымтэ вить тубатъем радлык кылдытоно каризы. Подрядчик, лэсьтӥськонэз чаклась огазеяськон, заказчик, мер чаклан, элькун Миндортранс. Озьы ик ужъёсты чаклась видеокамераос пуктэмын вал
Ирина Шкляр, Удмуртиысь транспортъя но сюрес возёсъя министрлэн воштӥсез

Юалляськонъёслы йылпумъянъёсъя, Россиын ӝыныезлэсь трос улӥсьёс берло ар ӵоже «Кышкыттэм но ӟечлыко автомобиль сюресъёс» йӧскалык ӵектосэз улонэ пыӵатонэн улсын умой воштӥськонъёсты адӟизы.

Тодэ вайытом, вуоно арын йӧскалык ӵектосъя Ижкарысь сюресъёсты тупатъян уже ӝыны миллиард манет пала коньдон висъялозы. Улосвыламы сюрес лэсьтон технологиосты нимысьтыз сюрес лаборатория дунъялоз.

2020-тӥ арын Удмуртилэн шоркарысьтыз сюресъёсты тупатъяны 488 миллион 400 сюрс манет кутозы. Ижкарысь благоустройствоя но сюрес возёсъя ёзэс «Кышкыттэм но ӟечлыко автомобиль сюресъёс» йӧскалык ӵектосъя сюресъёсты выльдыны муниципал контрактъёс юнматӥз. Со сярысь ӵектослэн улосвыл офисэзлэн пресс-службаез ивортэ.

Коньдонэз федерал но улосвыл коньдэтъёсысь висъялозы. Со чотын 23 интыосысь оглом 31 иськем 760 метр сюресъёсты выльдозы

Конкурслы йылпумъянъёсъя кык контрактъёсты сюрес лэсьтонъя «Ижевское» предприятие быдэстоз. Со Индустри но Октябрь ёросъёсысь сюресъёсты оглом 95 миллион 660 сюрс манет тыр лэсьтоз.

Первомай но Устинов ёросысь сюрес люкетъёсты «Радонеж дорожные конструкции» огазеяськон тупатоз. Со оглом 151 миллион 45 сюрс тыр кык аукционын вормиз.

Ленин ёросысь сюресъёсты 241 миллион 300 сюрс манет тыр «Удмуртавтодор» огазеяськонысь ӧнерчиос лэсьтозы. Соос вылэ тужгес бадӟым уж усёз, уго 2020-тӥ арын Ленин ёросын 11 урамъёсысь оглом 12 иськем 800 метр мында сюрес люкетъёсты тупатъяны чакламын.

Аукционлы йылпумъянъёсъя 3 миллион 540 сюрс манет шыръяны луиз. Со коньдонэз тупатъяны чаклам сюресъёс вылын ватсаса ужъёсты быдэстонэ кутыны малпало.

Пусъём, выльдоно сюресын лыдмет калыклэсь но карысь мер палаталэн ёзчиосызлэсь дэмланъёссэс лыдэ басьтыса кылдытэмын.

2020-тӥ арын Ижкарысь тупатъяно сюресъёсын лыдмет:

Индустри ёрос:

  1. Профсоюзной пролка Совхозной урам дорысен Парковой урам дорозь (тротуарез тупатъянэн);
  2. Ижкар – Оранжерейной огъет (тротуарез тупатъянэн);
  3. Сельской урам Выставочной урам дорысен карлэн гожез дорозь (тротуар лэсьтонэн).

Октябрь ёрос:

  1. Студенческой пролка (тротуарез тупатъянэн);
  2. Красногеройской урам Удмуртской урам дорысен Карл Маркс нимо урам дорозь;
  3. Раздельной пролка (тротуарез тупатъянэн);
  4. Пушкинской урам Октябрьлы 10 ар урам дорысен Холмогоров нимо урам дорозь (тротуарез тупатъянэн).

Первомай ёрос:

Читать полностью

16-тӥ толсуре Сюмси ёросысь Орловской черкогурт вӧзын Кильмезь шур вамен выжез усьтозы. Со сярысь элькунысь транспортъя но сюрес возёсъя министерстволэн пресс-службаез ивортэ.

Али Орловскойын 700-лэсь трос адями улэ. Соос ёрос центре 60 ар талэсь азьло пуктэм выж вылтӥ ветло вал, но берло дыре отӥ потаны кышкыт луиз. Тупатъян ужъёс мынытозь, черкогуртын улӥсьёс Сюмсие мукет, кузьгес, сюрес кузя ветлӥзы.

Выжез тупатъяны элькун коньдэтысь 7 миллион 200 сюрс манет висъязы. Табере отӥ 6 тоннаозь секталаем машинаос ортчыны быгатозы

Тупатъям выжез усьтонэ элькун кивалтэтлэн ыстэм муртъёсыз но транспортъя но сюрес возёсъя министерствоысь кивалтӥсьёс пыриськозы. 

Шаркан ёросын Мишкин – Вортчапочинка сюресэз тупатъян ужъёсты йылпумъязы. Со сярысь «Удмуртавтодор» огазеяськонлэн «ВКонтакте» мерлыко вотэсысь огиназ ивортӥз.

Ӧнерчиос сюресэз 10 метрозь паськытатӥзы, кулэ интыетӥ ӵошкытатӥзы. Озьы ик ву кошкон сӧзнэт лэсьтӥзы: 14 гумыос пуктӥзы, кыретъёс кыскизы но юнматӥзы.

Сюреслэсь вылзэ луоё кӧльыен но векчиятэм изэн шобыртӥзы

Со сяна, Вортчапочинка гуртын тротуаръёсты асфальтэн шобыртӥзы, кутӥськонъёс пуктӥзы. 

Тодэ вайытом, 2020-тӥ арын Удмуртиын пӧртэм программаосъя 240 иськем пала сюресъёсты тупатъяны чаклало. 

Удмуртиын 8,4 иськем пала Красногорск – Убытьдур сюресэз тупатъян ужъёсты йылпумъязы. Со сярысь «Удмуртавтодор» огазеяськонлэн «ВКонтакте» мерлыко вотэсысь огиназ ивортэмын.

Выль сюрес Эгра – Красногорск трассаен эшшо куинь гуртъёсты герӟаз: Потаповоез, Бадӟым Эграез но Выльгуртэз

Сюбег но куакъёсын басьтэм, интыосын ветлыны луонтэм сюрес интые али луоё кӧльыен но векчиятэм изэн шобыртэм паськыт сюрес мынэ. Табере со кышкыттэмлыкъя вань куронъёслы тупа.

Ӧнерчиос сюресэз дас метрозь паськытатӥзы, ву кошкон 17 гумыос пуктӥзы, кыретъёс лэсьтӥзы но юнматӥзы.

Со сяна, Убытьдурын мер транспортлы берытскон инты но павильон лэсьтӥзы. Сыӵе ик дугдылонни Вужгурт вӧзын пуктӥзы.

Выльдэм сюрес кузя 114 пусъёс, 373 пичи юбоос но 452 метр мында корт кенеръёс пуктӥзы. 

2020-тӥ арын Удмуртиын пӧртэм программаосъя 240 иськем пала сюресъёсты тупатъялозы. Со сярысь «Удмуртавтодор» огазеяськон «ВКонтатке» мерлыко вотэсысь огиназ ивортӥз.

Ужъёсты быдэстӥсьёсты но дырез аукционъёс бере пусъёзы. Тупатъян ужъёслэн картаенызы чӧлсконпусъя тодматскыны луэ.


«Кышкыттэм но ӟечлыко автомобиль сюресъёс» йӧскалык ӵектосъя 80,6 иськем элькун сюресъёсты тупатъяны чаклало. Со программая ик Ижкарын оглом 32 иськем мында 23 сюрес люкетъёсты выльдозы.

«Опорный план дорожной деятельности» элькун программая 100,9 иськем сюресъёсты выльдозы. Гурт возёсэз азинтон кун программа улсын куинь гурт сюресъёсты тупатъялозы, оглом 25,24 иськем.

Тодэ вайытом, 2019-тӥ арын Удмуртиын «Кышкыттэм но ӟечлыко автомобиль сюресъёс» йӧскалык ӵектосъя оглом 134,5 иськем мында 79 сюрес люкетъёсты тупатъязы.  

Кияса ёросын Косолапово гуртэз Сарапул – Киясово трассаен герӟась 6,36 иськем сюресэз тупатъязы. Со сярысь «Удмуртавтодор» огазеяськонлэн «ВКонтакте» мерлыко вотэсысь огназ ивортэмын.

Сюресэз 10 метрозь паськытатӥзы, мынон-ветлон люкетсэ – куать метрозь. Выльысь лэсьтӥзы ву кошкон сӧзнэтэз: 18 бадӟым гумыос пуктӥзы, кыретъёс лэсьтӥзы но юнматӥзы. Яжбахтинка шур вамен 24,1 метр корт выж пуктӥзы

Сюреслэсь вылзэ векчиятэм изэн но луоё кӧльыен шобыртӥзы. Выж вылэ пырон но пыдын ветлон люкетъёсаз асфальтобетон кисьтӥзы.

Со сяна, электроез но герӟет юбоосты выжтӥзы, Косолапово гуртын мер транспорт понна дугдон но берытскон инты лэсьтӥзы, кортлэсь павильон пуктӥзы. Сыӵе ик дугдылонни Яжбахтино гуртын тупатӥзы.

Ужъёсты йылпумъяса, 103 сюрес пусъёс, 263 пичи юбоос, 262 метр кенер пуктӥзы. 

Шаркан ёросын (Якшур-Бӧдья - Шаркан) – Быгы сюреслэсь 2 иськем 300 метръем люкетсэ тупатъязы. Со сярысь сюрес лэсьтонъя «Удмуртавтодор» огазеяськонлэн «ВКонтакте» мерлыко вотэсысь огиназ ивортэмын.

Калленэн ке но, асфальт сюрес Быгы гурт дорозь вуэ. Туэ Якшур-Бодья – Шаркан трасса дорысен Шегъян гуртозь сюрес асфальтэн шобыртэмын
«Удмуртавтодор» огазеяськонлэн пресс-службаез

Тупатъян ужъёс улсын сюресчиослы трос гинэ секыт ужпумъёсты сэрттоно-пертчоно луиз.

Тупатъяно сюреслэн бадӟым люкетэз сюрес вамен кошкись Каӟесшурлэсь шӧдскымон вылӥын луэ, но сюресэз паськытатон понна музъемез басьтыку, музъем улысь ву потыны кутскиз. Соин ик сюрес вылын гопъёс кылдылон интыосыз но трос вал, тулыс но сӥзьыл отӥ шуген ветлылӥзы.

Соин ик ӧнерчиос ву кошкон сӧзнэтэз радъян бордын рос-прос ужазы: кыретъёс лэсьтӥзы но юнматӥзы, куать бадӟым пасьталаем ву кошкон гумыос понӥзы. Собере сюресэз юнматӥзы но асфальтэн шобыртӥзы.

Со сяна, тыл юбоосты выжтӥзы, 29 сюрес пусъёс, 65 пичи юбоос но 484 метр мында кенер пуктӥзы.

Ужъёсты контрактэн юнматэм дыре вуттӥзы.

Удмуртиын Кизнер – Муркозь-Омга сюреслэсь Выль Тӥрыг – Вуж Бӧдья гуртъёс вискысь 9,025 иськемзэ тупатъянэз йылпумъязы. Со сярысь «Удмуртавтодор» огазеяськон «ВКонтакте» мерлыко вотэсысь огиназ ивортэ.

Сюресэз «Гурт интывылъёсты ялан азинтон» федерал программа улсын тупатъязы

Ужъёсты быдэстон улсын сюрес урдсысь куакъёсты но вечи писпуосты коразы, ассэ сюресэз 10 метрозь паськытатӥзы. Ву кошкон сӧзнэтэз выльысь лэсьтӥзы: бадӟым диаметре 9 гумыос пуктӥзы, кыретъёс лэсьтӥзы но юнматӥзы. Сюреслэсь вылзэ векчиятэм изэн но луоё кӧльыен шобыртӥзы.

Со сяна, Вуж Бӧдья гуртын мер транспортлы берытскон инты, кортлэсь павильон пуктӥзы. Калыкез пуктон-васькытон инты дорозь тротуаръёс, выжъёс лэсьтӥзы. Озьы ик сюрес пусъёс, пичи юбоос, кенертонъёс пуктӥзы. 

Грак ёросын Улын Йыраш гуртозь 4 иськем пала сюресэз рос-прос тупатъязы. Со сярысь «Удмуртавтодор» огазеяськон «ВКонтакте» мерлыко вотэсысь бамаз ивортэ.

Улын Йыраш – сӥзьыл но тулыс асфальт сюреслэсь люкем Удмуртиысь трос пичи гуртъёс пӧлысь одӥгез. Но ӧжытэз пӧлын «Гурт сюресъёс» федерал программае шедиз. Табере гуртозь ӟеч сюрес лэсьтэмын. Асфальтэн шобыртымтэ ке но, арлэн котькыӵе вакытаз ортчыны луоз
«Удмуртавтодор» огазеяськон

Сюресэз паськытатӥзы, ӝутӥзы, векчиятэм изэн но луоё кӧльыен шобыртӥзы. Со сяна, ву кошкон 16 гумыос пуктӥзы, сюрес урдсысь кыретъёсты юнматӥзы.

Улын Йыраш гуртын мер транспортлы берытскон инты тупатӥзы, павильон пуктӥзы, тротуар лэсьтӥзы. Озьы ик 63 сюрес пусъёс, 108 пичи юбоос, 392 метр кенер пуктӥзы.

Ужъёсты контрактын пусъем дыр ӵоже быдэстӥзы. 

Тодэ вайытом, «Кышкыттэм но ӟечлыко автомобиль сюресъёс» йӧскалык ӵектосъя 2019-тӥ арын Удмуртиын оглом 134,5 иськем мында 79 сюрес люкетъёсты тупатъязы

Удмуртиын 2019-тӥ арын «Кышкыттэм но ӟечлыко автомобиль сюресъёс» йӧскалык ӵектосъя сюресъёсты тупатъян ужъёсты йылпумъязы. Оглом 134,5 иськем мында 79 сюрес люкетъёсты тупатъязы. Со сярысь 25-тӥ коньывуонэ сюрес возёс но автомобиль транспорт удысын ужасьёслэн нуналзылы сӥзем сиё-дано ужрадын улосвыллэн тӧроез Ярослав Семёнов вераз.

Ужъёс дыраз быдэстэмын, ӟечлыкез тӥямын ӧвӧл, ужъёсты чаклан вить ёзэн мынӥз. Ми азьланьтӥськом гурт сюресъёсты лэсьтонъя программаез быдэсъянэз. Со сяна, улосвыл коньдэт чотын ӵектосъёс быдэсъясько, соос пӧлын «Опорный план дорожной деятельности», кудӥзъя ми тулыс но сӥзьыл вакытэ ветлыны луонтэм люкетъёсты тупатъяськом
Ярослав Семёнов, Удмуртиысь кивалтэтлэн тӧроез

«Кышкыттэм но ӟечлыко автомобиль сюресъёс» ӵектосэз быдэсъяны 1 миллиард 704 миллион 600 сюрс манет кошкиз. Солы тупатъязы:

23 люкетъёсты (94,2 иськем) улосвыл трассаос вылын;

27 люкетъёсты (24,9 иськем) – Ижкарын;

6 люкетъёсты (3 иськем) – Сарапулын;

6 люкетъёсты (2,8 иськем) – Воткаын;

14 люкетъёсты (5,7 иськем) – Можгаын;

2 люкетъёсты (2,8 иськем) – Дэри ёросын;

1 люкетэз (1,1 иськем) – Камбаркаын.

Озьы ик 4 интыын светофоръёс, 1 камера, 2 интыын тыл юбоос пуктӥзы, 8 лёгъёс лэсьтӥзы. Шуркынмон пумозь Удмуртиын эшшо 9 камераос пуктыны кулэ.

Тодэ вайытом, Ижкарын сюресъёсты таяз арын тупатъянлы йылпумъянъёсъя калык кылзонъёс ортчозы.

2020-тӥ арын тупатъяны элькун сюресъёслэсь 18 люкетъёссэс пусйизы Удмуртиын. Со сярысь улосвыл тӧролэн но кивалтэтлэн пресс-службазы ивортэ.

Удмуртиысь кивалтэтлэсь лыдметэз юнматон сярысь косэмзэ (распоряжение) 21-тӥ коньывуонэ кинюртӥзы.

- Алнаш ёросын Алнаш – Туймыйыл сюреслэсь 6,7 иськемзэ тупатъялозы;
- Балезино ёросын:
  • (Эгра – Глазкар) – Андрейшур сюреслэсь 9,3 иськемзэ
  • Балезино – Сергино сюреслэсь 13,2 иськемзэ;
- Вавож ёросын (Вавож – Кильмезь) – Вуж Ӝуё сюреслэсь 5,1 иськемзэ;
- Вотка ёросын Первомайской – Черепановка сюреслэсь 3,6 иськемзэ;
- Глаз ёросын Глазов – Понино – Зотово сюреслэсь 4 иськемзэ;
- Грак ёросын Пуклё – Вильгурт – Татарстанлэн гожез сюреслэсь 2,5 иськемзэ;
- Дэбес ёросын Дэбес – Уйвай сюреслэсь 3,4 иськемзэ;
- Кез ёросын Кез – Кулига – Карсовай сюреслэсь 8 иськемзэ;
- Кизнер ёросын Гыбдан – Ӟуч Кусо сюреслэсь 5,5 иськемзэ;
- Можга ёросын Гозек – Ӟуч Пычас сюреслэсь 8,5 иськемзэ;
- Сарапул ёросын Сарапул – Вылӥ Бугрыш сюреслэсь 5 иськемзэ;
- Сьӧлта ёросын (Эгра - Сьӧлта - Сюмси – Киров улосвылэн гож) – Кӧпка – Удгурт сюреслэсь 8,5 иськемзэ;
- Сюмси ёросын:
  • (Эгра - Сьӧлта - Сюмси – Киров улосвылэн гож) – Гури – Ӟатча сюреслэсь 5 иськемзэ;
  • Бадӟымлуд – Зун – Орловской сюреслэсь 4 иськемзэ;
  • (Ува – Сюмси) – Силино – Коӵо-Юс сюреслэсь 5 иськемзэ;
- Якшур-Бӧдья ёросын:
  • Якшур-Бӧдья - Красногорск сюреслэсь 2,2 иськемзэ;
  • Тыло – Узя сюреслэсь 4 иськемзэ.

103,5 иськемез тупатъяны 517 миллион 999 сюрс манет быдтозы

Ижкарын улӥсьёсты 2019-тӥ арын «Кышкыттэм но ӟечлыко автомобиль сюресъёс» йӧскалык ӵектосэз быдэсъянлы йылпумъянъёслы сӥзем калык кылзонъёсы ӧтё. Со сярысь ӵектослэн улосвыл офисэзлэн пресс-службаез ивортэ.

Адямиос быдэстэм ужъёслэн пайдалыксы но ӟечлыксы пумысен мылкыдъёссэс вераны, озьы ик сюрес вылын югдурез умоятон, мынон-ветлонэз кышкыттэмлыко радъян пумысен ӵектонъёссэс шараяны быгатозы.

Одӥг ласянь, со элькунын улӥсьёсты быдэстэм ужъёсын тодматыны луонлык. Мукет ласянь, «янгышъёс бордын ужан», куке милем сюрес вылтӥ ветлӥсьёс дунъет сёто. Ми кылӥськом, мае тупатыны кулэ ӟечгес ужъемышъёс басьтон понна
Алексей Горбачёв, Удмуртиысь транспортъя но сюрес возёсъя министр

Кенешон кык люкетэн ортчоз. Нырысетӥез – заочной, мылкыд карисьёс юанъёссэс, дэмланъёссэс Удмуртиысь транспортъя но сюрес возёсъя министерстволэн mail@mtr.udmr.ru электрон почтаяз келяны быгато. Темаяз «Общественные обсуждения БКАД» гожтыны кулэ, нош пушказ одно ас нимез верано. Вазиськонъёсты 21-тӥ шуркынмонозь кутозы.

Кыкетӥез – очной. Со 22-тӥ шуркынмонэ министерстволэн юртаз ортчоз (Киров нимо ульча, 22).

Тодэ вайытом, 2019-тӥ арын Удмуртиын «Кышкыттэм но ӟечлыко автомобиль сюресъёс» йӧскалык ӵектосэз быдэсъянэ куать муниципал кылдытэтъёс пыриськизы – Ижкар, Вотка, Сарапул, Камбарка, Можга но Дэри ёрос. Тупатъязы 134,5 иськем улосвыл но интыысь сюресъёсты. Улосвыл трассаослэсь кык люкетсэс югдытӥзы, тямысаз – лёгъёс лэсьтӥзы. Ижкарын ньыль интыын светофоръёс но фотовидеокамераосын огъетъёс пуктӥзы.

Сюрес лэсьтонъя «Удмуртавтодор» огазеяськонысь ӧнерчиос Сарапул – Вотка сюреслэсь люкетсэ выльдӥзы. Со сярысь ужъюртлэн «ВКонтакте» мерлыко вотэсысь огиназ ивортэмын.

Туэ 2,1 иськем сюрес вылысь (км 13+981-км 16+039) вылӥ сӥзэ тупатъязы, озьы ик 3,2 иськем (км 54+690 - км 61+590) сюё сюресэз асфальтэн лэсьтӥзы

Тужгес бадӟым ужъёс быдэстӥзы азьвыл асфальтэн шобыртымтэ сюрес вылын. Отын ву кошкон кыретъёсты мургес каризы но юнматӥзы, 1,2 метр диаметрен кык ву кошкон корт гумыос пуктӥзы, озьы ик сюресысь кожон интыосы 0,6 диаметрен кык гумыос понӥзы. Сюреслэсь инъетсэ ӵошкытатӥзы – пуксем интыосаз сюй кисьтӥзы, со вылэ 35 сантиметр мында луоё кӧльы вӧлдӥзы. Со бере гинэ векчиятэм из кисьтӥзы.

Сюрес шобретэз кык сӥ асфальтобетонлэсь лэсьтӥзы. Сюрес дуръёсты ӵошкытатӥзы но юнматӥзы

Ужъёсты 28 сюрес пусъёсты, 93 юбоосты, 326 метр кенертонъёс пуктыса но сюрес гожъёс лэсьтыса йылпумъязы.

Кылемзэ 3,8 иськем асфальтэн шобыртымтэ сюресэз вуоно арын тупатъялозы



Кез ёросын «Гурт интывылъёсты ялан азинтон» («Устойчивое развитие сельских территорий») федерал программая Вортча – Гуркошур сюресэз 4,25 иськем люкетсэ выльдӥзы. Со сярысь «Удмуртавтодор» огазеяськонлэн «ВКонтакте» мерлыко вотэсысь огиназ ивортэмын.

Выль сюрес Гуркошур гуртэз Кезэ но Балезиное нуись асфальтлэсь трассаен герӟаз

Ӧнерчиос сюрес урдсысь писпуосты но куакъёсты утялтӥзы, сюресэз дас метрозь паськытатӥзы. Ву кошкон 13 гумыос пуктӥзы, кыретъёс лэсьтӥзы но юнматӥзы. Сюресэз луоё кӧльыен но векчиятэм изэн шобыртӥзы.

Со сяна, электротыл но герӟет юбоосты выжтӥзы, гуртын мер транспортлы берытскон но дугдылон инты, павильон пуктӥзы. Васькон-пуксён инты доры тротуаръёсты асфальтэн шобыртӥзы, кык тубатъёс лэсьтӥзы. Озьы ик сюрес пусъёс, пичи юбоос, кенертон пуктӥзы. 

Удмуртиын Ижкар – Ува сюреслэсь тужгес кузь люкетсэ тупатъязы. Со Кырныш шур дорысен кутске но 10 иськеме кыстӥське, ивортэ «Кышкыттэм но ӟечлыко автомобиль сюресъёс» йӧскалык ӵектослэн улосвыл офисэзлэн пресс-службаез.

Транспортъя но сюресъёс возёсъя министрлэн воштӥсез Ирина Шкляр ачиз тупатъям сюресэз чаклаз. Со пусйиз, шобретъя юанъёсыз ӧвӧл шуыса, но сюрес урдэсъёс ласянь алонъёсыз вань ик.

Сюрес вылэ кык сӥ асфальтобетон вӧлдӥзы, сюрес дуръёсты юнматӥзы, дугдылон но пуксён интыосты лэсьтӥзы.

Ижкар – Ува одӥгез элькун сюрес, кытӥ тужгес трос автомашинаос ветло, соин ик ужъёсты трассалэсь юнлыксэ но кемалы ярамон луэмзэ будэтӥсь технологияя быдэстӥзы

Сюресэз 2020-тӥ арлы ужанрадлыке но пыртӥзы ини. Вуоно арын эшшо куать иськем люкетсэ выльдыны чаклало.

Удмуртиысь Яр ёросын Глазкар – Яр – Пудем сюреслэсь эшшо 3 иськем 330 метр мында кык люкетсэ лэсьтӥзы. Со сярысь элькунысьтымы сюрес лэсьтонъя «Удмуртавтодор» огазеяськонлэн «ВКонтакте» мерлыко вотэсысь бамаз ивортэмын.

Биграгурт но Мосейгурт палан сюресэз бадӟым люкетъёсын тупатъязы – асфальтобетонлэсь сӥосты 100 квадрат метр быдӟаен вӧлдыса. Озьы ик сюрес дуръёсты ӝутӥзы но ӵошкытатӥзы

Ужъёсты улосвыл сюресъёсты возёнъя кун контракт улсын быдэстӥзы.

Пусъём, азьвыл та сюрес вылысь оглом 7 иськем 500 метр кык люкетсэ тупатъязы вал. 50 иськемъем Глазкар – Яр – Пудем сюреслэсь туэ оглом 10 иськем 830 метрзэ выльдӥзы. 

Сюрес лэсьтонъя «Ижевское» предприятиысь ӧнерчиос Майской урамысь сюресэз выльдӥзы. Со сярысь ужъюртлэн «Вконтакте» мерлыко вотэсысь огиназ ивортэмын.

Ӧнерчиос оглом 17 сюрс квадрат метр асфальтэз воштӥзы

1 иськем 300 метре кыстӥськись сюрес вылысь шобретсэ выльдӥзы – асфальтобетон суретлэсь кык сӥ  вӧлдӥзы. Вылӥ сӥзэ щебеночно-мастичной асфальтобетонэн кисьтӥзы. Сюресэн огкадь ӝуждалае 13 колодчаосты ӝутӥзы, 4 сюрс 527 метр бордюръёс пуктӥзы. Озьы ик калыклы ветлон сюресъёсты но умоятӥзы – 6 сюрс 226 квадрат метр тротуаръёсты тупатъязы, 2 сюрс 500 квадрат метр ожоез утялтӥзы.

Урамез «Кышкыттэм но ӟечлыко автомобиль сюресъёс» йӧскалык ӵектос улсын выльдӥзы. 

Наверх
Вниз