Ижкар+4 °C
30 -тӥ коньывуон 2020 Удмуртарня
18+

Удмуртиысь Пугачёво черкогуртысь азьвыл ожгар частьлэн интывылысьтыз тылпуэз быдэсак кысӥзы. Ивортодэтъя «Удмуртия» агентстволы со сярысь веразы Россиысь МЧС-лэн элькунъя валтӥсь управлениезлэн пресс-службаез.

Управлениысь ӧнерчи верамъя, удысэтлэсь группировказэ объектысь вордӥськонэ, 21-тӥ куартолэзе, ӝытазе поттӥзы.

Арнянуналэ ӝытазе Пугачёвоын тылпу кысӥсь авиация ужзэ йылпумъяз. Азьвыл ожгар частьлэн интывылаз Ми-8 вертолёт, 196 пол ӝутскылыса, 980 тонна ву кисьтӥз, Бе-200 самолёт амфибия — 43 пол ӝутскылыса, 344 тонна.

Тодэ вайытом, 16-тӥ куартолэзе Пугачёво вӧзын кӧс турын ӝуаны кутскиз. Соин сэрен артиллери арсеналэ 2011-тӥ ар бере кылем боеприпасъёс пуштылыны ӧдъязы. МЧС-ысь ӧнерчиос тылэз дугдытыны быгатӥзы.

Удмуртиысь «Пугачёвское» муниципал кылдытэтын шуэрес югдуръя режимез куштӥзы. Элькун тӧролэн со сярысь косэмез улосвыл тӧролыкъёслэн нимлыко сайтазы шараямын.

Тодэ вайытом, азьвыл ожгар частьлэн интывылаз шуэрес югдуръя режим ялэмын вал 16-тӥ куартолэзе отын тылпу потэмен но боеприпасъёс пуштылыны кутскемен сэрен.

Та дырлы арсеналлэн интыяз тылпу кысэмын ни.

Чакланъёсъя, ожгар городокын улӥсьёс туннэ нунал ӵоже доразы берытскозы.

Россиысь МЧС-лэн элькунъя валтӥсь управлениезлэн кивалтӥсез Пётр Фомин верамъя, тылпуэз быдэсак быдтон понна куинь нунал пала кулэ луоз. Усьтэм тыл али ӧвӧл ни, но ӧнерчиос гыбдась лӥялъёс но пограм писпуос вылэ ву кисьтало на. 

Туннэ нунал ӵоже Пугачёвоын улӥсьёс доразы шедьыны бышатозы. Та дыре Удмуртиысь тӧрлыкъёс кышкытлыко интыез сюбегатон сярысь верасько. Со понна элькунысь Росгвардия но ОМОН быдэс интывылэз пуштылонъёс бере пазьгиськем корт чалепъёслы эскерозы. Со сярысь журналистъёслы вераз улосвыл кивалтэтлэн тӧроез Ярослав Семёнов.

Озьы ик нунал ӵоже юртъёсы пырись гумыосты но езъёсты чаклалозы. Собере калыкен ӵош полицейскойёс коркась корка мынозы.

Ми тыршиськомы, ожгар городокын улӥсьёс туннэ нунал ӵоже доразы берытскыны мед быгатозы шуыса. Но ӧри пумкылъян кутоз соку гинэ, ку 100 процентлы оскон луоз, кышкытлык ӧвӧл шуыса
Ярослав Семёнов, Удмуртиысь кивалтэтлэн тӧроез

Та дыре ожгар городокын улӥсьёс, нош со 1 сюрс 500 пала адями, ӵыжы-выжыоссы, тодмооссы дорын. Эшшо 14 адями – огдырлы радъям улон интыын, кӧня ке нылпиос Ижкарысь «Ласточка» санаторийын. Семёновлэн верамезъя, юртъёсты эскерон дыръя кыӵе ке шекъёс шараяьскизы ке, черкогуртын улӥсьёс нимысьтыз акт гожтыны кулэ.

Тодэ вайытом, боеприпасъёсын арсеналлэн азьвыл интыяз тылпу кысэмын ни, али ӵын потон интыосы ву кисьтало на. Пугачёво вӧзын 16-тӥ куартолзе нуназе кӧс турын ӝуаны кутскиз, тылпу сэрен арсеналын кылем снарядъёс пуштылыны кутскизы. Ожгар горожокын шуэрес югдуръя режим ялэмын. 

Пугачёвоын тылпуэз быдэсак быдтон куинь нуналозь кыстӥськоз. Шимучыр интыын али усьтэм тылын ӝуась интыос ӧвӧл ни, но азьланьтӥсько на гомась лӥялъёсты но пограм писпуосты кисьтан ужъёс. Со сярысь журналистъёслы вераз Россиысь МЧС-лэн элкьунъя валтӥсь управлениезлэн кивалтӥсез Пётр Фомин.

Итывылэз беспилоникъёс эскеро, интыын кык Бе-200 самолётъёс но Ми-8 вертолёт ужало.

Тылпулэсь бервылзэ утялтон ужъёс куинь нуналозь кыстӥськыны быгатозы. Тылпуэз быдтон сярысь акт гожтэмын луоз. Объектын ужъёсын «Специальные технологии» огазеяськон кивалтэ, интывылын тылпуэз быдэсак быдтэм сярысь пумкылъян куто. Быдэсак утялтон соолэсь потэ но отын кылем ӟырдам боеприпасъёсын герӟаськемын
Пётр Фомин, Россиысь МЧС-лэн Удмурт Элькунъя валтӥсь управлениезлэн кивалтӥсез

Элькунъя МЧС-лэн ивортэмезъя, ожгар городокын тылпуэз музъем вылысен кысон ужъёс азьланьтӥсько. Оглом 405 тонналэсь трос ву кисьтэмын. Группировка — 400-лэсь трос адями но 10 техника — ваньзэ ӵын потон интыосты быдтытозь ужалоз.

Тодэ вайытом, Пичи Пурга ёросысь боеприпасъёсын арсеналлэн азьвыл интыяз потэм тыл кысэмын ни. Куд-ог интыосын ӵын потэ на, отчы ву кисьтанэз азьланьто. 16-тӥ куартолэзе нуназе Пугачёво вӧзын кӧс турын ӝуаны кутскиз, соин сэрен азьвыл пуштытымтэ снаръядъёс «улӟизы». Ожгар городокын шуэрес югдуръя режим ялэмын.

Вань иворъёс «Пугачёвоысь азьвыл ожгар часть интыын тылпу но пуштылонъёс» темая.

Пугачёво черкогурт вӧзысь азьвыл ожгар частьлэн интывылаз тылпу потон интые спасательёс 395 тонна ву кисьтӥзы ни. Со сярысь 17-тӥ куартолэзе ивортодэтъя «Удмуртия» агентстволы МЧС-лэн элькунъя управлениысьтыз пресс-службаяз веразы.

Бе-200 самолёт-амфибия тылпу вылэ 96 тонна ву кисьтӥз, Ми-8 вертолёт — 160 тонна, эшшо 139 тонна — удысэтлэн мобильной группировкаез.

Тушение пожара в Пугачево


Тодэ вайытом, боеприпасъёсын арсеналлэн азьвыл интыяз тылпу кысэмын ни. Куд-ог интыосын ӵын потэ на, ӵапак отчы авиация ву кисьта. Нуназе 16-тӥ куартолэзе кӧс турын ӝуаны кутскемен быдтымтэ снарядъёс пуштылыны кутскизы. Шимучыр турынэз куронъёсты тӥяса сутэмен сэрен кылдыны быгатӥз. Ожгар городоклэн интывылаз шуэрес югдуръя режим ялэмын. Боеприпасъёс пуштон учырез ожгар следовательёс эскерозы.

Россиысь Следствиосъя комитетлэн Ижкар гарнизонъя ожгар следствиосъя ёзэт 16-тӥ куартолэзе азьвыл 86696 номеро ожгар частьлэн интывылаз боеприпасъёс пуштон учыръя доследственной эскеронъёс кутскиз. Со сярысь ивортэ Россиысь Следствиосъя комитетлэн Ожгар следствиосъя валтӥсь управлениез.

Следовательёс тылпу кысонэз йылпумъям бере ик шимучыр интыез эскерон борды басьтӥськыны дась. Следствилэсь азьвыл эскеронъёсъя процессульной пумкылъян кутозы.

86696 номеро ожгар часть 2011-тӥ арын отын тылпу потэм но боеприпасъёс пуштылэм бере быдтэмын вал. Пуштымтэ снарядъёсты утялтон ужез коммерци огазеяськон ортчытэ, со али но йылаз-пумаз вуттымтэ на. Ужез быдэстэм бере музъемез интыысь тӧрлык ёзэсъёслы сётозы.

Нырысь-валысь ивортонъёсъя, тылпуын но боеприпасъёс пуштон сэрен быремъёс ӧвӧл, юртъёс изъянмон учыръёс озьы ик пусйымтэ.

Ватсалом, азьвыл ожгар частьын кылем боеприпасъёсты быдтонъя предприятилэн, «НПФ специальные технологии» огазеяськонлэн, кивалтӥсез Сергей Михальчук журналистъёслы вераз, боперипасъёсты утялтон 5–7 ар кыстӥськоз на шуыса.

Тодэ вайытом, Пугачёво черкогуртысь азьвыл ожгар частьлэн интывылаз тылпу кысэмын. Нуназе 16-тӥ куартолэзе кӧс турын ӝуаны кутскемен пуштытымтэ снарядъёс «улӟизы». Шимучыр турынэз куронъёсты тӥяса сутэмен сэрен кылдыны быгатӥз. Ожгар городоклэн интывылаз шуэрес югдуръя режим ялэмын.

Пугачёвоысь тылпулэсь ӵын но нимаз интыосын кенжылонъёс 300 гектар музъемез басьтӥзы. Тылэз кортнан вылысь котыр музъем гыремын, ивортэмын элькунысь МЧС-лэн «ВКонтакте» вотэсбамаз. Шуге-леке шедем адямиос яке изъянмем юртъёс сярысь ивортонъёс ӧвӧл.

Тодэ вайытом, кӧс турын кенжон интые Екатеринбургысь Ми-8 вертолёт но Бе-200 самолёт вуизы. Азьвыл ожгар частьлэн лымшор палась интывылаз Бе-200 пеймыт луытозь 1 пол ву кисьтӥз (8 тонна), Ми-8 укмыс пол ву кисьтӥз (быдэн 5 тоннаен, оглом 45 тонна). Уйин дугдытэм ужъёсты 17-тӥ куартолэзе ӵукна азьланьтӥзы.

Тылпуэн нюръяськыны 473 адями, 107 техника кыскемын, со пӧлын Агрыз станциысь тылпу кысӥсь поезд.

Пугачёво черкогуртысь азьвыл ожгар частьлэн интывылаз тылпу потӥз 16-тӥ куартолэзе кӧс турын ӝуаны кутскемен. Шимучыр турынэз куронъёсты тяса сутэмен кылдыны быгатӥз.

Ожгар городоклэн интывылаз шуэрес югдуръя режим ялӥзы.

17-тӥ куартолэзе ӵукна авиация Удмуртиысь Пугачёво черкогуртысь азьвыл ожгар частьысь тылпу кысонэз азьланьтӥз (пеймыт луэмен 16-тӥ куартолэзе ужез уретӥзы вал). Нимаз интыосын тылпу вань на, снарядъёс уг пуштыло ни. Ивортодэтъя «Удмуртия» агентстволы со сярысь веразы Россиысь МЧС-лэн элькунъя валтӥсь управлениезлэн пресс-службаяз.

Пичи Пурга ёрослэн тӧроез Сергей Юрин мерлыко вотэсбамаз ивортэ, авиация боеприпасъёсын азьвыл арсеналлэн интывылаз выльысь ву кисьтаны кутскиз шуыса. Собере тылпу кысӥсьёс музъем вылын ужаны ӧдъялозы. Калыкез доразы пырыны лэзёзы, снарядъёс 4 часкын 1 поллэсь шергес пуштылӥзы ке.

Пугачёво черкогуртысь азьвыл ожгар частьлэн интывылаз тылпу потӥз 16-тӥ куартолэзе кӧс турын ӝуаны кутскемен. Шимучыр турынэз куронъёсты тӥяса сутэмен кылдыны быгатӥз.

Ожгар городоклэн интывылаз шуэрес югдуръя режим ялӥзы.

Пичи Пурга ёросысь Пугачёво черкогуртын тылпуэз кысонын 100-лэсь трос техника но 400-лэсь ятыр адями ужа. Со сярысь ивортӥз Удмуртиысь кивалтэтлэн пресс-службаез.

«435 адями, 101 техника, со пӧлын – Агрыз станциысь тылпу кысӥсь поезд. Югдурез Россиысь МЧС-лэн куинь беспилоникъёсыз чаклало», - верамын ивортонын.

Со кужымъёсты МЧС-лэн, МВД-лэн но Росгвардилэн улосвылъя ёзэсъёссы келязы. Пусъём, шимучыр интые тылпу кысӥсь авиаци но вуиз. Пичи Пурга ёросын шуэрес югдуръя радэс (режим) ялӥзы. Кызьы вераз элькунысь премьер-министр Ярослав Семёнов, калыклы но ерлыко объектъёслы кышкытлык ӧвӧл.

«Ми вань кулэ ужрадъёсты быдэстӥмы – ожгар городокысь 430 патеръёсын улӥсьёс кышкыт интыысь поттэмын. Соосты огдрылы улыны радъям куинь интыос кутыны дась, но тылпу матысь уй-нуналэ кортнамын луоз шуыса осконэн адямиос ӵыжы-выжыоссы но эшъёссы доры интыяськыны мылкыд каро», - пусйиз Ярослав Семёнов.

Пичи Пурга ёросын 79 адямиез гинэ эвакуировать каризы – «Юськи» санаторийысь 79 пиналъёсты. Тросэз соос Ижкаре анай-атайёссы доры вуттэмын ни.

Шимучырен валче ӟырдыт телефон линиос усьтэмын: 8 (3412) 51-45-50 (Удмуртиысь МЧС) но 8 (34138) 4-16-84 (Пичи Пурга ёрослэн администрациез).

Тодэ вайытом, кӧс турын ӝуамен сэрен 16-тӥ куартолэзе Пугачёвоысь азьвыл ожгар частьлэн интывылаз тылпу потӥз. Соин валче снарядъёс пуштылыны ӧдъязы. Удмуртиысь прокуратура учыръя эскеронъёс нуэ

Вань иворъёс «Пугачёвоысь азьвыл ожгар часть интыын тылпу но пуштылонъёс» темая 

Пугачёвое шимучыр интые тылпу кысӥсь авиация вуиз. «ВКонтакте» вотэсбамаз со сярысь ивортӥз Пичи Пуга ёрослэн тӧроез Сергей Юрин.

«Авиация вуиз но тылпу кысон борды басьтӥськиз. Эшшо одӥг пол курисько, буйгатске, паникалы эн сётӥське», - гожтӥз кивалтӥсь.

Бе-200 самолёт-амфибия Удмуртиысь Пугачёво черкогурт вӧзысь тылпуэз кысыны кутскиз шуыса ивортӥз «Интерфакс».

Россиысь МЧС-лэн элькунъя валтӥсь управлениезлэн кивалтӥсез Пётр Фомин верамъя, самолёт разведка ортчытӥз но ву кисьтӥз.

Фомин озьы ик вераз тылпуэз вертолёт но кысоз шуыса, но самолётэн одӥг дыре со лобаны уз быгаты.

Тодэ вайытом, туннэ нуназе бере Пугачёво вӧзын кӧс турын ӝуаны кутскиз. Соин сэрен азьвыл ожгар арсенал интыын кылем снарядъёс пуштылыны кутскизы.

Вань иворъёс «Пугачёвоысь азьвыл ожгар часть интыын тылпу но пуштылонъёс» темая 

Пугачёво черкогуртысь азьвыл ожгар частьлэн интывылаз тылпу потэмен но боеприпасъёс пуштылэмен валче Пичи Пурга ёросын шуэрес югдуръя радэс (режим) ялэмын. Элькун кивалтэтлэн тӧроез Ярослав Семёнов вылэ чӧлскыса, со сярысь ивортэ «Интерфакс».

Тодэ вайытом, туннэ нуназе бере Пугачёво вӧзын кӧс турын ӝуаны кутскиз. Соин сэрен азьвыл ожгар арсенал интыын кылем снарядъёс пуштылыны ӧдъязы.

Тылпу палан пуштылонъёс али но кылӥсько на. Пугачёвое вань нимысьтыз ёзэсъёслэн ыстэм муртъёссы вуэмын. 

Вань иворъёс «Пугачёвоысь азьвыл ожгар часть интыын тылпу но пуштылонъёс» темая 

Пугачёво черкогуртысь азьвыл ожгар частьлэн интывылысьтыз тылпуэз кысыны Удмуртие Бе-200 самолёт вуиз. Ивортодэъя «Удмуртия» агентстволы со сярысь веразы Россиысь МЧС-лэн элькунъя валтӥсь управлениезлэн пресс-службаяз.

Со сяна, улосвылын тылпуэз кысӥсь Ми-8 вертолётэз возьмало. Омыр судноос Удмуртие Красноярскысь но Екатеринбургысь келямын.

Тодэ вайытом, кӧс турынэз сутэмен сэрен азьвыл ожгар частьлэн интывылаз тылпу потӥз. Отын кылем снарядъёс пуштылыны кутскизы. Удмуртиысь прокуратура учыръя эскеронъёс нуэ. 

Пугачёво вӧзын кӧс турын 50 гектарлэсь бадӟым музъем вылын ӝуа ни

Шимучыр интые Агрыз станциысь тылпу кысӥсь поезд вуиз

Удмуртиысь Пугачёво черкогурт вӧзын кӧс турын 50 гектарлэсь бадзым музъем вылын ӝуа ни. Тылын МЧС-ысь 114 адями но 43 техника нюръяське. Шимучыр интые Агрыз станциысь тылпу кысись поезд вуиз. Ивортодэтъя «Удмуртия» агентстволы со сярысь веразы удысэтлэн пресс-службаяз.

Тодэ вайытом, 14 час 55 минутэ Пугачёво вӧзын кӧс турын ӝуаны кутскиз. Соин сэрен ожгар частьлэн бервылаз кылем снярядъёс пуштылыны кутскизы. Учыръя Удмуртиысь прокуратура эскеронъёс нуэ. 

Куронъёсты чаклатэк турынэз сутон Пугачёвоысь азьвыл ожгар частьлэн интывылаз тылпу потонлы муг луыны быгатӥз

Удмуртиысь Пугачёво черкгуртысь азьвыл ожгар частьлэн интывылаз тылпу потыны быгатӥз кӧс турынэз куронъёсты чаклатэк сутон. Шимучыр интыысь оперативной штаб вылэ чӧлскыса, со сярысь ивортэ «Интерфакс».

Турынэз Пугачёволы матын сутыны быгатӥзы.

Тодэ вайытом, азьвыл ожгар арсеналысь кылем снарядъёс тылпу сэрен «улӟизы» но пуштылыны кутскизы. Удмуртиысь прокуратура учыръя эскеронъёс кутскиз. Россиысь МЧС-лэн элькунъя валтӥсь управлениез ивортэмъя, али тылпуэз кысонын 114 адями но 43 техника ужа. 

«Юськи» санаторийысь пиналъёсты Пугачёвоын тылпу но пуштылонъёс сэрен эвакурировать каро. Ивортодэтъя «Удмуртия» агентстволы со сярысь веразы Россиысь МЧС-лэн элькунъя валтӥсь управлениезлэн пресс-службаяз.

Туберкулёзэн висись пиналъёс понна Миндэрвуко (Постольский) починкаысь санаторийысь 79 нылпиосты поттозы. Со пӧлысь 29-сэ Ижкарысь «Ласточка» элькун санаторие интыялозы. Мукетъёсыз доразы бертозы.

МЧС-лэн элькунъя управленияз ивортэмзыя, Пугачёво вӧзын потэм тылпу 20 гетралэсь трос музъемез басьтӥз.

Удмуртиысь дышетонъя но тодосъя министерство азьвылгес вераз вал, Пугачёвоысь пуштылонъёслы матын интыяськем школаын но нылпи садын 17-тӥ куартолэзе занятиос уз луэ шуыса. 

Тодэ вайытом, 14 час 55 минутэ Пугачёвоысь азьвыл ожгар частьлэн интывылаз кӧс турын ӝуаны ӧдъяз, соин сэрен пуштымтэ снарядъёс «улӟизы». Удмуртиысь прокуратура та учыръя эскеронъёс кутскиз

Удмуртиысь прокуратура Пугачёвоын снарядъёс пуштылон учыръя эскеронъёс кутскиз. Со сярысь элькун прокурорлэн юрттӥсез Олеся Федчишина вераз.

Азьвыл ожгар частьлэн интывылаз огдӥг-ог снарядъёс кылизы, кӧс турын ӝуаку соос пуштылӥзы. Прокуратура тылпулэсь утиськон но калыкез утен ужпумъёсты радъясь катрадлыкез быдэсъямез эскероз.

Та ужез удысэтлэн кивалтӥсьёсыз чакласа возёзы.

Тодэ вайытом, тылпу потон интыын 28 техника ужа, тылпу кысӥсь поездъёс лэземын. Ожгар городокын улӥсьёс эвакуировать каремын. 

Новости

Ижкар – Можга сюреслэн азьвыл ворсам люкетэз выльысь усьтэмын. Кызьы ивортӥзы ГИБДД-лэн Удмурт Элькунъя управлениысьтыз 1-тӥ ёзэтын, трассаез 17 час 5 минутэ усьтӥзы.

Тодэ вайытом, кӧня ке час талэсь азьло Пугачёвоын кӧс турын ӝуаны кутскемен валче ожгар арсеналысь 7 ар талэсь азьло пазьгиськем снарядъёс пуштылӥзы. Соин сэрен ожгар городокез эвакурировать карон но сюресэз огдырлы ворсан сярысь пумкылъян кутэмын вал.  

Удмуртиысь Пугачёво черкогурт вӧзысь тылпу нырысь-валысь чакланъёсъя 20 гектар музъемез басьтэмын. Ивортодэтъя «Удмуртия» агентстволы со сярысь веразы Россиысь МЧС-лэн элькунъя валтӥсь управлениезлэн пресс-службаяз.

Озьы ик веразы, тылпуэз кысонэ Бе-200 самолёт-амфибиез но Ми-8 вертолётэз кыскыны чаклало шуыса. Нырысетӥез борт Удмуртие 19 час котырын вуыны кулэ.

Кышкытлыклэсь утиськон вылысь ожгар городокын эвакуация ортче. Отысь 2 сюрс пала адямиез поттыны малпало. Артысь автомобиль сюрес ворсамын. Водительёсты Вавож черкогурт пыр мынӥсь сюрес вылтӥ ортчыны куро.

Тодэ вайытом, Пугачёвоысь азьвыл ожгар частьлэн интывылаз кылем боеприпасъёс пуштыло. Шимучыр инкуазь тылпу сэрен кылдӥз. 

Удмуртилэн тӧроез Александр Бречалов «ВКонтакте» вотэсбамаз Пугачёвоын югдур пумысен ивортон гожтӥз. Кӧс турын ӝуаны кутскемен Пичи Пурга ёросын азьвыл ожгар частьлэн интывылаз пуштылонъёслуизы.

«Югдур чаклаське. Калыкез кышктылыкез утён вылысь ожгар городокын эвакуация мынэ, артысь трасса но чугун сюрес вылтӥ мынон-ветлон дугдытэмын», - гожтэ Александр Бречалов.

Удмуртилэн тӧроез пусйиз, шимучыр интые МЧС-лэн элькунъя валтӥсь управлениезлэн кивалтӥсез Пётр Фомин но кивалтэтлэн тӧроез Ярослав Семёнов мынэмын.

Али тылпу кысӥсьёс интыез тылпуэз кортало, отын 28 техника ужа. Азьвылгес МЧС-ын веразы, калыклы кышкытлык ӧвӧл шуыса.

Удмуртиысь Пугачёво черкогуртын интыяськем ожгар городокын улӥсьёсты Баргаш-Бигра гуртэ, Уром, Бобья-Уча, Уча черкогуртъёсы эвакуировать каро. Со сярысь ивортэ Россиысь МЧС-лэн элькунъя валтӥсь управлениезлэн пресс-службаез.

Удысэтлэн «ӟырдыт телефон линиез» усьтэмын: 8 (3412) 51-45-50

Тодэ вайытом, Пугачёвоысь азьвыл ожгар часть палан инкуазь тылпу кылдӥз.

Наверх
Вниз